ابوك وامك هم الكنز الحقيقي اللي في حياتك !!!!
وهتكتشف ان ربنا بيكرمك عشان خاطرهم
ربنا سبحانه وتعالى لما قال وقضى ربك الا تعبدوا الا اياه وبالوالدين احسانا قرن الاحسان ليهم بعبادته لان الخير المباشر المنعكس من الفعلين دول تاثيرهم بيعود عليك بالنفع المباشر ....
بعد وفاة بابا حسيت اني اتكشفت على الطل تايه في طريق ودنيا كنت محدد ملامحها وابعادها من بعد كلام ورأي ووجود ابويا .
حتى لو كانت اتجاهاتي غلط ماكنتش باخاف ولا بيهمني لان بابا كان بيقف يقول لربنا عشان خاطري وفقه عشان خاطري حقق له اللي هو عايزه عشان خاطري سامحه على غلطه وماتعاقبهوش عشان خاطري ارزقه عشان خاطري اسعده واحفظه واحميه لو لقاني قلقان يترجاه يطمني ويقعد يهديني بكلام حلو ويدعيلي كل الادعية والاماني الحلوة كان بيطلبها من ربنا قدامي ومن ورايا وكل وقت ... وابويا ليه خاطر كبير عند ربنا لانه كان واحد من خدام بيته المخلصين المحبين ليه لرسوله ...
دلوقتي مافيش حد هيعمل ده ولا هيدعيلي زيه ولا هيهتم بحالتي زيه ولا هيتحايل على ربنا عشان خاطري في حاجة وده سبب اللي هيخليك تحس ان الحياة بقت اصعب وهتحس انك بتتلطش من كل الج انب لحد ماتكتشف انها طول عمرها صعبة وابوك وامك هم اللي كانوا بيحموك ويواجهوا الصعب ده واللي بيوصلك خفيف قوي ، لكن بعديهم انت بتبقى في وش المدفع ولا سبيل للنجاة الا حرصك على رضى الله ودعائه واصلاح حالك وصدق توبتك .....
بعدهم بتحس انه مابقاش في وقت .... ومابقاش في دلع ...
بعدهم مافيش حد هيتحايل على ربنا عشان خاطرك !!!!
اللهم ارحم امواتنا يارب واسكنهم فسيح جناتك ، اللي اهله عايشين او حد منهم يغتنم الفرصة ويحرص على رضاهم والاحسان ليهم ويصبر اللي فثدوا حد من اهاليهم
امين جزاك الله خير واحسن اليكي
تم النشر الأربعاء، ٨ أبريل ٢٠٢٦
ربنا يرحم والدك ويجعله من اهل الجنة ويسكنه الفرودس الاعلي ويجعله بصحبة الحبيب المصطفي صل الله عليه وسلم وموتي المسلمين اللهم امين
تم النشر الأربعاء، ٨ أبريل ٢٠٢٦
لعرض السؤال في فدني اضغط هنا