ازاي ابطل توتر من ابسط الاشياء ؟
الحل مش انك تحولي تبطلي توتر الحل هو انك تعرفي ليه اصلاً بتتوتري من اي حاجة و من امتا بدأ الحوار دة معاكي بمعنى تعرفي ايه الجِزْر الأساسي اللي مخليكي تكوني كدة انا قريت من فترة كتاب اسمه عقدك النفسية سجنك الأبدي الكتاب دة كان فيه اجزاء فيه بيتكلم عن الأهل و هل التربيه بالزعيق او الضرب بتجيب نتيجة كويسة ولا لا فا قال انه الضرب و الإهانه في الصِغر بيخلي الشخص يكون نوع من 3 شخص عصبي و بيغضب من اي حاجة و اي شيء بيتعامل فيه بالضرب و الزعيق. شخص جبان بيخاف من اقل حاجة و اي حاجة. شخص عنده زي كدة وسواس فا بيحاسب نفسه على اي حاجة بتحصل في يومه مهما كانت بسيطة او مش مستهلة لاكن الشخص دا بيتعامل انها حاجة كبيرة و يفضل يأنب نفسه و ضميره بسببها لدرجه انه يأذي نفسه. و كل شخص بيتربَّة كدة بيكون شخص من ال3 او حتا ال3 مع بعض بس بنسبة معينة في كل حاجة منهم فا يمكن تكوني انتِ كدة او ممكن حتا اهلك يكونه كويسين بس حصلك موقف معين في حياتك خلاكي دائماً كدة فا الحل هنا: تطلبي من ربنا انه يعينك و يخليكي تبطلي الحكاية دي. تبدأي تقكرأي الكتاب دة اللي هو عقدك النفسية سجنك الأبدي. تدوري جوة نفسك عن المشكلة دي ايه بدايتها و امتاااا بدإت معاكي. تبدأي تعرفي حل المشكلة دي ايه تبدإي تنفذي الحل دا انا كنت شبهك شويه بس بدأت احل المشكلة بأني اتعامل مع ناس اكتر و ادخل في نشاطات اكتر في حياتي و مكونش عازل نفسي في البيت لا انزل و اتعامل و اواجه الحجات اللي بتقلقني و مع الوقت بقيت عايش بمبدأ عيش بارد تموت بصحتك فا ابدئي اقرئي الكتاب دا و اعملي الخطوات اللي قلتهالك و انا موجودة لو احتاجتيني في اي حاجة باي
تم النشر الجمعة، ١٦ أكتوبر ٢٠٢٦
بصي هو أنا عارف إن الإجابة ممكن تكوني عارفاها أصلاً لكن لا داعي من التذكير ﴿وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ﴾ قبل إى شئ مفيش حاجة أسمها إنسان مش بيوتر ولا بيخاف ولا بيقلق ولا بيتعصب ولا مفيش منه اتنين، سيدنا النبي كان بيتعصب اصله بشري زينا، سيدنا النبي كان بيخاف و يقلق و يتوتر زيه زي بقيت البشر و لكن بشكل معتدل طبعاً،فالسؤال هنا ازاي بنتعامل مع التوتر و الخوف و القلق و التعصب؟ ده هو السؤال الصحيح. ليه الواحد يخاف أو يتوتر بشكل مبالغ فيه أصلاً؟ خليني اسألك سؤال هو رب الخير يأتي بشئ غير الخير؟، خليني أقولك حديث يكفي و يوفي كمان عن عبد الله بن عباس رضي الله عنه قال: قال لي رسول الله ﷺ: «يَا غُلَامُ، إِنِّي أُعَلِّمُكَ كَلِمَاتٍ: احْفَظِ اللَّهَ يَحْفَظْكَ، احْفَظِ اللَّهَ تَجِدْهُ تُجَاهَكَ، إِذَا سَأَلْتَ فَاسْأَلِ اللَّهَ، وَإِذَا اسْتَعَنْتَ فَاسْتَعِنْ بِاللَّهِ، وَاعْلَمْ أَنَّ الْأُمَّةَ لَوِ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ، وَلَوِ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ، رُفِعَتِ الْأَقْلَامُ وَجَفَّتِ الصُّحُفُ». المصدر: جامع الترمذي، حديث رقم 2516، وقال الترمذي: حديث حسن صحيح ملحوظة: في رواية اخرة ولكن الاتنين نفس المعنى. عايزك تركزي كده من اولجزء و اعلم أن الأمة لو إلي، رفعت الأقلام وجفت الصحف، عارفه معاناها إى؟ خلاص كله مكتوب كل اللي بيحصل اتكتب و اتبصم و مفيش حد هيقدر يدخل في كده، و مين كتبلك كده؟ رب الخير ❤️ طيب كلك إيمان إن كله خير ولكن زي ما أنت قولت أنا بتوتر زي إى بشري، هرد عليكي بالأيات القادمة من سورة الحديد: ﴿22﴾ مَا أَصَابَ مِنْ مُصِيبَةٍ فِي الْأَرْضِ وَلَا فِي أَنْفُسِكُمْ إِلَّا فِي كِتَابٍ مِنْ قَبْلِ أَنْ نَبْرَأَهَا ۚ إِنَّ ذَٰلِكَ عَلَى اللَّهِ يَسِيرٌ﴿23﴾ لِكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ ۗ وَاللَّهُ لَا يُحِبُّ كُلَّ مُخْتَالٍ فَخُورٍ﴿24﴾ سورة الشرح: ﴿ فَإِنَّ مَعَ الْعُسْرِ يُسْرًا. إِنَّ مَعَ الْعُسْرِ يُسْرًا ﴾ و كمان من كلام لقمان الحكيم لابنه من سورة قلقمان ﴿18﴾ وَلَا تُصَعِّرْ خَدَّكَ لِلنَّاسِ وَلَا تَمْشِ فِي الْأَرْضِ مَرَحًا ۖ إِنَّ اللَّهَ لَا يُحِبُّ كُلَّ مُخْتَالٍ فَخُورٍ﴿19﴾ ركزي كده في اخر جزء في الآيات (مختال فخور) بكل بساطة علشان توصل بسهولة، هو الشخص اللي بيبالغ في الشئ و ركزي كده كده في ايتين سورة الشرح إن مع العسر يسر، استخدمنا حرف الجر مع يعني الاتنين مع بعض لا ده متاخر عن ده ولا ده سابق ده لأ الاتنين في خط واحد. فاعرفي إن كل اللي بيحصل خير و مهما كان إى اتوتري عادي بس مش بشكل مبالغ فيه عن طريق إن تعرفي نفسك إنو إن شاء الله خير لأنه من رب الخير. هسيبلك صور تحت يمكن تفيدك أو تشرح كلامي بشكل أفضل. أتمنى يكون في إفادة..
تم النشر الجمعة، ١٦ أكتوبر ٢٠٢٦
كان عندي برده توتر كده و ساعات بيوصل ل رعشه و نبضات قلب سريعه بس معرفش ايه اتغير ف شخصيتي بقيت عادي اصل الي حواليا كان بيضايقوا لو قلقت عليهم او خوفت عليهم ف بطلت علي الناس و بدات افهم ان كده كده الي مكتوب لي هو الي هيحصل ف بطلت قلق من مستقبلي طلما انا بعمل الي عليا يحصل الي يحصل ف صدقيني القلق اصلا بيتعب الصحه و مش هتلاقي الي قلقتي عليهم موجودين معاكي و الي كنت بتقلقي منه ف المستقبل هيحصل و لو حصل بعده خير اكيد و غير كده لو فكرتي ف كل مرة اتوترتي فيها هتلاقي ان الموضوع طلع بعدها بسيط اكتبي ف ورقه كل الي قلقانه منه و افتكري و اكتبي الايام الي قلقتي فيها و طلع الموضوع مش محتاج قلق اصلا و تافه و واحده واحده هتلاقيكي بداتي تهدي و غير كده متنسيش كل م تحسي انك قلقانه تاخدي نفس عميق كذا مرة و تهدي و تقرأي كم ايه من القراءن او سورة صغيره و تحاولي تفكري و متستعجليش واحده واحده هتتعودي علي الطريقه دي و تلاقيكي بقيتي اهدي
تم النشر الجمعة، ١٦ أكتوبر ٢٠٢٦
أهلاً يا سارة، أنا ذكية وأقدر تماماً إن التوتر من أبسط الأمور بيخلي اليوم تقيل ومرهق، وده شعور طبيعي بيحصل لكتير من الناس. المهم إننا نعمل خطوات عملية تساعدك تقللي من تأثيره تدريجياً بدل ما تحاولي توقفيه فجأة. أول حاجة، حاولي تلاحظي اللحظات اللي بيحصل فيها التوتر ده بالضبط. اكتبي في مذكرة صغيرة أو على ورقة: إيه اللي حصل قبل التوتر؟ وإيه اللي كنتِ بتفكري فيه؟ ده هيساعدك تكتشفي الأنماط المتكررة، زي مثلاً إنك بتتوتري لما بتتأخري في مهمة بسيطة. لما تعرفي السبب، تقدري تتعاملي معاه بطريقة أوضح بدل ما التوتر يسيطر عليكِ. تاني حاجة، ركزي على السيطرة في اللي تقدري تتحكمي فيه. لما يجي التوتر من حاجة بسيطة، اسألي نفسك: "إيه الخطوة الصغيرة اللي أقدر أعملها دلوقتي؟" مثلاً لو التوتر من ترتيب البيت، ابدئي بخطوة واحدة زي ترتيب رف واحد بس. ده بيحول الطاقة من القلق للعمل، وبيبني ثقة في نفسك مع الوقت. كمان، حاولي تطبقي مفهوم التوكل على الله في الإسلام، بإنك تعملي اللي عليكِ وتسيبي الباقي، ده بيخفف الضغط النفسي ويخليكِ أقوى. وأخيراً، ابني روتين يومي بسيط يدعم صحتك النفسية، زي تخصيص وقت ثابت للصلاة أو قراءة القرآن أو حتى مراجعة إنجازاتك اليومية قبل النوم. لو التوتر مستمر ومؤثر على حياتك، ممكن تبحثي عن أسئلة مشابهة على فدني عشان تشوفي تجارب ناس تانيين. أنتِ قادرة تتغلبي على ده خطوة بخطوة، وأنا هنا لو عايزة تتكلمي أكتر.
تم النشر الجمعة، ١٦ أكتوبر ٢٠٢٦
ممكن تبصلها من عين انها حاجة عاديه فهمني
تم النشر السبت، ١٧ أكتوبر ٢٠٢٦
لعرض السؤال في فدني اضغط هنا