بصي يابنت الحلال اللي إنتي فيه ده استنزاف لقلبك في شيء لا يرضي الله ولا هيفيدك في الآخرة والقلب ده أمانة ربنا هيحاسبك عليها فبدل ما تشغلي بالك بمراقبة بشر زيك لا بيقدم ولا بيأخر ركزي في علاقتك بربنا وخليكي فاكرة إن من ترك شيئاً لله عوضه الله خيراً منه فلو تركتي المراقبة والتعلق الوهمي ده بنية إنك تحفظي قلبك وتصوني نفسك ربنا هيرزقك باللي يستاهلك فعلاً بالحلال وفي الوقت الصح ومن غير مجهود ولا مطاردة فاستغفري ربنا واشغلي لسانك بذكر الله بدل ما تشغلي عينك بالستوريات والبوستات اللي بتجيب لقلبك الهم والضيق وتأكدي إن الرزق سواء كان حب أو زواج مكتوب ومتقسم ومش هيجي باللف والدوران وراء الناس لكن هيجي بطاعة ربنا وعزة النفس ...والموضوع ملوش علاقة بالشابين هو ليه علاقة بيكي إنتي يعني لذة المطاردة دي مش حب إنتي معجبة بالتحدي بس وبدليل إن الولد الأول لما جالك بقيتي مش عايزاه وفقدتي الشغف وإنتي بتدوري على إثبات إنك تقدري تجيبي أي حد وده بيستهلك طاقتك عالفاضي ومراقبة الأكونتات والريبوستات دي حالة تعلق مرضي بوهم إنتي خلقتيه في خيالك لأن الشخص التاني مبيعملش أي مجهود تجاهك فإنتي بتملي الفراغ بالتحليل والمراقبة وفكرة إنك تثبتي لنفسك إنك قادرة توقعي حد دي طريقة بتقلل منك مش بتزودك والبنت الواثقة في نفسها مابتحتاجش تطارد حد عشان تتأكد إنها مرغوبة فنصيحتي ليكي اقفلي الأكونتات ديا وامسحي فكرة المراقبة من يومك وأشغلي وقتك بحاجة حقيقية بتضيف ليكي لأنك لو فضلتي كده هتضيعي مشاعرك في قصص وهمية وهتخسري احساس الاستمتاع بعلاقة طبيعية فيها تبادل حقيقي للمشاعر مش مجرد صيد وتحدي فكي التعلق إنتي أكبر من إنك تعيشي دور الاستوكير وجد والله ربنا يحفظك ويسعدك
العفو ،ربنا يحفظك ...اللهم آمين يا رب وإياكي والله فرحتيني بالكلمتين دول لأنك حطيتي إيدك على أصل المشكلة فعلاً وهي إن النفس إن لم تشغلها بالحق شغلتك بالباطل وطبيعي لما الواحد يبعد شوية عن أهدافه الأساسية زي دراسته وعلاقته بربنا يبدأ عقله يدور على أي تسلية تملأ الفراغ ده حتى لو حاجات عبثية إنتي بجد شخصية واعية ومحترمة ومجرد إنك اعترفتي بالتقصير ده 😊أول طريق النجاح ابدأي من دلوقتي واحدة واحدة ووجهي طاقتك لمكانها الصح في كتبك وصلاتك وهتحسي براحة نفسية وعزة نفس ملهومش وصف ربنا يوفقك في دراستك ويثبتك ويعوضك بكل خير ويرزقك باللي يستاهل قلبك بجد
تم النشر السبت، ٤ أبريل ٢٠٢٦
انت بتفتح عيوني لحاجات كتير والله يعني لما قولت اوفر طاقتي لحاجات تفيدني افتكرت اني مهمله جدا في دراستي و ديني بقالي فتره كبيره و ناسيه نفسي يمكن دا هو السبب اني اتعلق بحاجات فارغه و يبقى عندي فضول لأشياء عبثيه أنا اصلا في غنى عنها و عارفه أن دي مش انا . بس أن شاء الله اغير كل دا شويه شويه لحد ما اظبط كل حاجه تاني. شكرا ربنا يجعلوا في ميزان حسناتك🤍
تم النشر السبت، ٤ أبريل ٢٠٢٦
بصي هو كويس جدا إنك صريحة مع نفسك وعارفة إن الموضوع سطحي ومجرد هواية أو فضول تجاه شخصية شكلها مثالي بس خليني أقولك الحقيقة اللي توجع شوية إن الهواية دي هي اللي بتكبر الفجوة بينك وبين الواقع يعني إنتي دلوقتي بتضيعي وقت ومجهود ذهني في تحليل شخصية هي في الآخر مجرد صورة مرسومة على السوشيال ميديا وممكن جدا تكون بعيدة عن الحقيقة تماما فبدل ما الموضوع يفضل يلف في دماغك وتستني الاقتراحات تطلعهولك الأحسن إنك تقفلي الباب ده خالص عشان ميبقاش عقلك الباطن مشغول بحد مش موجود في حياتك فعليا فوفري الطاقة دي لنفسك ولحاجة حقيقية تفيدك بجد مش مجرد تسلية بتسحب من وقتك ومن صفاء قلبك على الفاضي شوفي حاجه مفيده قريه من الهوايه دي استفيدي منها وكمان قوي علاقتك بربنا بدل الاستنزاف ده لقلبك ومشاعرك
تم النشر السبت، ٤ أبريل ٢٠٢٦
هقولك حاجه أنا عارفه اني مش بحبوا وان دا مجرد اعجاب بالصوره اللي هو مصدرها على السوشيال ميديا من شكل بقا لاحترام و كلام من دا . لان معظم ريبوستاتوا بتشرح تفكيروا و هو بصراحه تفكيروا صعب انو يكون في شباب الايام دي . يعني بالعربي أنا نظرتي له نظره سطحيه معتمده على الظاهر بس . أنا فاهمه كدا و فاهمه تفكيري و فاهمه كل حاجه و علفكره لما بكون مثلا بدور في اكونتوا و كدا مبيبقاش عندي احساس فاهمني ؟ يعني عارف انت اللي واخد الموضوع هوايه. ومبدخلش عندوا الا لو ظهر الاكونت بالصدفه عندي في الاقتراحات .
تم النشر السبت، ٤ أبريل ٢٠٢٦
أنا بجد مبسوط إن كلامي أثر فيكي بس الحقيقة أنا يهمني إن الكلام يفرق في تصرّفك مش بس في نظرتك يعني عايزك تاخدي خطوة فعلية وتقطعي المراقبة دي خالص عشان ترتاحي بجد ونفذي الكلام ده عشان نفسك وعشان راحتك النفسية وان شاء الله اللي جاي يكون خير ليكي وبالحلال اللي يريح قلبك ويرضيكي
تم النشر السبت، ٤ أبريل ٢٠٢٦
العفو. ربنا يحفظك 🌷
تم النشر السبت، ٤ أبريل ٢٠٢٦
شكرا بجد كلامك فرق في نظرتي للموضوع جداً❤️❤️
تم النشر السبت، ٤ أبريل ٢٠٢٦
لعرض الإجابة في فدني اضغط هنا