السلام عليكم ورحمه الله وبركاته طبعا احنا هنا بنتكلم على فعل بعيد عن الفطره الطبيعيه انك يعني ترتاحي لما تاذي كمان لما تكوني بترتاحي انك تاذي فرد ضعيف وهو طفل هنا احنا محتاجين ان احنا نروح لطبيب نفسي علشان النقطه دي محتاجه دراسه علشان نعرف الخلل فين والمشكله فين والدكتور ان شاء الله يقدر يساعدك في النقطه دي شويه اسئله هيسالهالك تفاصيلها يعرفها منك همم ولكن عايزاكي تفكري كده لحد ما تروحي للدكتور النفسي هل انت لك اخوات اصغر منك وكنت بتغيري منهم وانت صغيره اا كان الاهل بيدوهم اهتمام واا هما جم بعديك. فانت حسيتي ان هم بياخدوا الاهتمام ده قولي لي لو ده يعني جزء من حياتك الشخصيه ولا لا لانه ممكن تكون هي دي النقطه اللي موصلك للدرجه دي.
بالعكس انا اخت وحيده لولد والاصغر والبنت طبيعي تكون مدلعه بالعكس انا مدلعه جدا واي طلب فوراً بيجيلى والحمدلله بالنسبه للأهل مفيش مشاكل شوفتها في حياتى لكن كان طبع فيا مكنتش بعرف اتعامل كويس مع حد بالمعنى الحرفى مكنتش اعرف معنى انسانيه او براءة في طفل لأن اهلى كانوا بيعانوا من خناقاتى الكتير في المدرسه مع اطفال اصغر منى عمراً انا انفصلت عن خطيبي بسبب موضوع وبسبب موضوع اتعقد معايا اكتر ومبقتش قادره اروح لدكتور او اقعد قدام حد واحكيله كأنهم بيشوفنى مش بنى ادمه ولازم مصحه نفسيه تحسن من سلوكى مع انى انا عايزه اتغير عرفت ان ده غلط لكن مش عارفه اقف عنه ومحتاجه مساعده انى اقف عنه حياتى بتدمر ببطئ 😥
تم النشر الأحد، ٢٩ مارس ٢٠٢٦
لعرض الإجابة في فدني اضغط هنا