السلام عليكم، حتى لو الأب عارف مينفعش، طالما مفيش رابط شرعي بينكم. الحب نفسه مش حرام لكن الارتباط في علاقة غير رسمية (خطوبة بضوابط شرعية أو زواج) ده اللي فيه مشكلة. وعاوزة أنبهك لنقطة، كتير شباب بيتعاملوا باستخفاف مع نقطة إن الأم تبقى عارفة وممكن عادي يطلب يكلم الأم ويقنعها وتبقى هي والبنت فاكرين إنه صادق ومحترم وهيتقدم للبنت في أقرب وقت، لكن في الحقيقة في نظرهم معرفة الأم مش بتربطهم بكلمة ولا عهد فمش بيعملوا لده اعتبار ووقت ما يحبوا يخلعوا عادي براحتهم. أنا معرفش الشخص اللي بتحبيه صادق ولا لأ، بس في كل الأحوال اعملي اللي يرضي ربنا، امنعوا كلام أو خروج لحد ما يبقى مقتدر ومستعد ييجي يتقدم لأهلك ويطلب يدك. وربنا يوفقك للي فيه الخير.💚💚
لعرض الإجابة في فدني اضغط هنا