بصي يا بنت الناس اسحبي البساط من تحت رجليه بالهداوة يعني حاولي تشوفي أي هواية هو بيحبها كورة جيم أو حتى لو بيحب يصلح حاجات وشجعيه ينزل يفرغ طاقته فيها عشان الفراغ هو اللي بيجيب السكة دي و حاولي تسيطري على موضوع الفلوس اللي معاه من غير ما يحس وصلي لوالدك إن الفلوس الكتير في إيد شاب في سنه بتفسده وخلوا المصاريف تكون بالطلب وعلى قد الحاجة و لازم تغيري بيئة البيت معاه يعني بدل ما هو معزول في أوضته طول الوقت اخلقي جو يخليه يقعد معاكم يتكلم ويهزر عشان يحس بالانتماء ليكم أكتر من صحابه بتوع الشارع وجربي معاه أسلوب المسؤولية يعني اطلبي منه يساعدك في حاجات محتاجة راجل يحسسه بقيمته وبأنه كبير في نظركم ده هيرجع له ثقته في نفسه ويخليه يتكسف يعمل حاجة غلط تكسر صورته قدامكم ومتحاوليش تتكلمي معاه في حاجه زي كدا ممكن تتكلميي معاه عن الصحابة والسجائر وكد من غير خناق عشان ميعندش زيادة ربنا يهديه ويصلح حاله ويجعلك سبب في صلاحه.. بس قبل ده كلو انتي كام سنه ... 🤔
هو مش عادي تكلميهم بس ممكن تكلمي امهاتهم أو لو معاهم اخوات بنات ... ممكن توصليلهم الفكره انك حابه اخوكي يكون زي أبنائهم .. أو اخوتهم ... واكيد مش هتعرفي حد هو بيعمل ايه ... مش مشكله اهم حاجه زي ما قلت لحضرتك تقربي منه وتصاحبيه وتحولي تخليه يحبك عشان يحترمك ويسمع كلامك ... وده انك ممكن تشاركي معاه اسرار بسيطه أو حتى لو مش أسرار بس تقوليها على أنها اسرار ... زي مثلا عايزه احكيلك حاجه بعد العصر مثلا... ومتقوليش اي الحاجه دي يفضل طول اليوم يفكر فيها ... أو حتى تاني يوم .. وممكن تشتريلو هدايا .. تحاولي تتقربي منه فهماني.. 🤔
تم النشر الأحد، ١٠ مايو ٢٠٢٦
@Esmat Ali انا أعرف ٣ شباب نفس سنة عندنا في الشارع واحنا جيران بس هما صالحين عادي اروح عندهم واتكلم معاهم إنهم يقفوا معاه بس مش هقولهم هو بيشوف كذا لا هقولهم أنا عايزة اخويا يصاحب ناس صالحة هو اخويا محترم بس مش صالح او واقع بمعنى أصح عادي اكلمهم أنا أعرف الجيران وهما ناس طيبة ولا دا مش عادي عايزة أطلب منهم يخدوه معاهم هما نفس السن
تم النشر الأحد، ١٠ مايو ٢٠٢٦
بصي وقفي كلام ونصايح خالص اليومين دول عشان كل ما بتتكلمي هو بيزيد في العند وبيحس إنك مراقباه فبيحط حواجز أكتر تاني حاجة حاولي تغيري الجو في البيت يعني لو هو قاعد لوحده في الأوضة ادخلي عليه بحجة إنك عايزة تتفرجي على فيلم معاه أو تلعبي معاه حاجة على الموبايل او ممكن تلعبوا لعبه انتى وكل اخواتك بالليل تكون مسليه المهم متسبهوش لخياله والشيطان و استغلي نقطة إنه بيمثل الأدب قدامكم وادي له برستيج يعني خليه هو اللي يشيل مسؤولية حاجات في البيت وقوليله انت اللي هتعمل كذا وكذا الحركة دي بتخلي الشاب يحس ويخجل يعمل حاجة تهز صورته قدام أخته اللي شيفاه راجل وموضوع الموبايل ده حاولي تخليه عام يعني لو فيه واي فاي في البيت خليه في الصالة مش في الأوضة أو افتحي مواضيع عن إن النت بقا مقرف والحاجات اللي بتطلع فيه دي بتجيب اكتئاب وقرف كأنك بتحكي عن نفسك مش عنه خالص ... أهم حاجة انتي لسه صغيرة ومسؤولة عن نفسك كمان فبلاش تحملي نفسك فوق طاقتك وتدخلي في مواجهات ممكن تأذيكي جسدياً أو نفسياً خليكي العين اللي بتراقب من بعيد.. مش تتجسس عليه لا اقصد تكوني متابعاه بس مش اكتر وادعي له كتير ربنا يهديه ويسخر له صحاب ولاد حلال يشدوه للطريق الصح وخليكي واثقة إن الهداية من عند ربنا وانتي عملتي اللي عليكي وزيادة. وجد والله ربنا يحفظك ويسعدك ويهديهولك يا رب
تم النشر الأحد، ١٠ مايو ٢٠٢٦
@Esmat Ali طيب في جزئية هو من النوع المتصنع يعني يظهر،قدامك ان هو مؤدب ومحترم وهو عكس كدا خالص دي برضو أعمل فيها إيه أنا عندي 20 سنة
تم النشر الأحد، ١٠ مايو ٢٠٢٦
@Esmat Ali أنا قبل كدا روحت بنفسي ودفعة إشتراك الجيم وكمان اشتريت الحاجات ال ممكن يحتاجها راح ٣ شهور وتوقف قال الكابتن متعب، دا بالنسبة للهوايات أما أصحابه فهما أصحاب المدرسة مش الشارع بس صايعين برضو والهوايات والكلام أنا معنديش خلفية إزاي أتكلم معاه وبرضو محرجة لأن هو دالوقتي شاف حاجات أظن أنها بتدمر الواحد أنا مش عارفه وكمان أنا كنت عالطول بتكلم معاه بس مش بيسمع ولا بيتأثر وبيعاند كتير
تم النشر الأحد، ١٠ مايو ٢٠٢٦
لعرض الإجابة في فدني اضغط هنا