انا تقريبا في حياتي محدش اتقدملي ولا حد اعجب بيا في الحقيقه في شارع او شغل او اي مكان انا بقا عندي 28 سنه فكرت انزل تطبيقات الزواج وعملت كدا بس مسحتها لانه حسيت انو حرام اعرض صوري وأكلم رجاله معرفهاش
انا سمينه شويه هل دا سبب يعني لازم اخس عشان اعجب حد ويتقدملي !! انا معرفش بكتب الكلام دا ليه بس عايزه حد يفيدني هل لازم انا اسعى واكلم حد واتعرف عليه هل لازم انا الي ادور وابحث او المفروض اكتفي بالدعاء فقط ولا ممكن ربنا مش كاتبلي اني اجوز اصلا
أجل تأخر الزواج ابتلاء لا تقلقي لبس بكِ عيب و أنت لا تحتاجين أن تُعجبي أحد الحل هو اقرءي سورة البقرة كل ثلاثة أيام و أن تدعي الله بزوج صالح اصبري و احتسبي الأجر عند الله و سأدعو لك بصلاة قيام الليل الليلة و لعل الفرج قريب
تم النشر السبت، ٣١ يناير ٢٠٢٦
الجواز مش قطر فاتك، الجواز ده رزق زي اي حاجه ليه ميعاد متسجل عند ربنا بالثانية. لو ربنا كاتبلك الجواز بكره، مفيش حاجه هتمنعه، ولو مش مكتوب دلوقتي، فده منع لُطف مش منع عقاب يمكن ربنا بيحميكي من تجربة تكسرك لأنك رقيقه وإحساسك إنك سمينة أو مش ملفتة ده وهم زرعه الشيطان في دماغك عشان يطفي نور وشك. الجمال نصيب وقبول، وياما ملكات جمال حظهم قليل، وبنات بسيطة جداً شايلينهم فوق الراس. اللي هيحبك، هيحب انسانه على بعضها، بروحك وخفة دمك وشكلك زي ما هو. ومش لازم تدوري على عريس، اسعي لربنا بالدعاء، واسعي لنفسك إنك تكوني سعيدة. البنت اللي روحها حلوة وضحكتها طالعة من قلبها ربنا مش عايز يكسرها يا اختي ربنا مش بيعذبك بالوحدة، ربنا بيصونك لحد ما يجي اللي يستاهل قلبك الجميل ده. مترخصيش نفسك بلهفة، ولا تظلمي شكلك بمقارنة. أنتي غالية، والغالي مبيجيش بالساهل انتى تكون وصلت 😊 وجد ربنا يحفظك
تم النشر الأربعاء، ٢٨ يناير ٢٠٢٦
السلام عليكم - الزواج رزق وانت رزقك لسه مجاش ويمكن ربنا شايلك الرزق دا في حاجة تانية احسن مين يعرف بلاش ترخصي نفسك انتي جوهرة اللي عايزك يجيلك لغاية عندك انتي متروحيش ادعي ربنا يرزقك بالزوج الصالح ولوحد اتقدملك متوافقيش علي اي حد وخلاص
تم النشر الأربعاء، ٢٨ يناير ٢٠٢٦
يا حبيبتي، أول حاجة أقولك إنك مش لوحدك في اللي بتحسيه ده، كتير بنات في سنك (28 سنة مش كبيرة خالص!) بيواجهوا تأخير زواج، وده مش معناه إن ربنا مش كاتب لكِ زوج خير. هل هو ابتلاء؟ ممكن يكون اختبار أو تأخير في الرزق عشان يختار لكِ الأفضل، الدعاء مهم جداً (ادعي ربنا كل يوم بصدق، خاصة في الثلث الأخير من الليل)، بس لازم تسعي معاه. نصائح عملية من منظور إسلامي: السعي الصح : متعرضيش نفسك في تطبيقات أو تكلمي رجالة غريبة، ده فعلاً مش مناسب شرعاً. ركزي على: العائلة والمعارف : قولي لأهلك أو أخواتك يدوروا لكِ، أو يعرفوكِ على شباب صالحين من خلال مناسبات عائلية أو مسجد أو دروس دينية. توسيع الدائرة : اشتركي في أنشطة مفيدة زي دروس قرآن، أعمال تطوعية، أو دورات مهنية في شغلك – هناك هتلاقي ناس طيبين بشكل طبيعي. الوزن والمظهر : مش لازم تخسِي عشان "تعجبي حد"، ده مش السبب الرئيسي (الزوج الصالح بيدور على الدين والأخلاق أولاً). بس لو سمينة شوية، ابدئي رياضة خفيفة وأكل صحي لصحتكِ ولثقتكِ بنفسكِ ، ده هيخليكِ أقوى وأجمل من جوا، وهيجذب اللي يشوف جمال روحكِ. الدعاء + الصبر : ربنا كاتب لكِ زواج إن شاء الله، بس في وقته. اقرئي سورة الفرقان يومياً، واستغفري كتير. متشكيش في قدر الله، ده هيجيب البركة. غاليتي، لو عايزة استشارة أعمق، روحي على صفحة الخبراء في فدني: https://www.fedni.net/experts وابحثي عن خبراء زواج أو استشاريين أسريين، أو دوري على أسئلة مشابهة هناك هتلاقي إجابات كتيرة. أنتِ قوية وتستاهلي الأفضل، هتقدري إن شاء الله! 💕
تم النشر الأربعاء، ٢٨ يناير ٢٠٢٦
اكيد مفيش الكلام دا اصبري وربنا هيعوضك خير ان شاءلله
تم النشر السبت، ٣١ يناير ٢٠٢٦
شوفى علاقتك مع ربنا عاملة ازاى ، من ناحية لبسك ،صلاتك ، حجابك مظبوط ولا ايه + كده كده الدعاء ، وربنا يرزقك بزوج صالح ويكتبلك الخير إن شاء الله 🤎🍂
تم النشر السبت، ٣١ يناير ٢٠٢٦
حاولي تغيري من نفسك لنفسك مش لحد. اهتمي بنفسك وكوني اجمل بطريقتك ولو خسيتي يبقي افضل لنفسك بردو وصدقيني. هتلاقي اكتر من عريس
تم النشر الجمعة، ٣٠ يناير ٢٠٢٦
اقصد عليكى بالرقية الشرعية واذكار الصباح والمساء واذكار النوم والدعاء فى قيام الليل وسوف يأتى به الله
تم النشر الخميس، ٢٩ يناير ٢٠٢٦
الافضل اللجوء إلى الله
تم النشر الخميس، ٢٩ يناير ٢٠٢٦
انت جميله في كل حالاتك ربنا يرزقك باللي يستاهلك
تم النشر الخميس، ٢٩ يناير ٢٠٢٦
اصبري وربنا هيجزيكي خير وافتكري الايه الكريمه "وعسى أن تكرهوا شيئا وهو خير لكم"
تم النشر الخميس، ٢٩ يناير ٢٠٢٦
{فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُم مِّدْرَارًا (11) وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا(12) } [ نوح]
تم النشر الخميس، ٢٩ يناير ٢٠٢٦
موضوع التطبيقات والصور احساسك انك مش مرتاحة تعرضي صورك وتكلمي رجالة غرب دا قلبك صاحي وفي نفس الوقت فيه ناس بتستخدم الطرق دي بنية جواز محترمة وفيه لا فكونك مسحتيها لأنك مش مطمنة اختيار يُحترم مش غلط. هل السمنة سبب؟ خليني اكون صريحة شوية السمنة ممكن تقلل فرص في نظر بعض الناس مش كل الناس بس عمرها ما كانت سبب إن بنت ماتتحبش ولا تتجوز والأهم الجواز مش مسابقة جمال وفيه بنات أنحف واتأخروا وبنات ممتلئة واتجوزوا بدري فربط الجواز بالوزن بس ظلم لنفسك لو خسيتي خسي عشان صحتك عشان ثقتك مش عشان حد يرضي يتقدم. هل لازم انتي تسعي وتدوري؟ خلينا نفصل بين حاجتين اول حاجة السعي الحلال انك تعرفي ناس محترمة يعرفوا انك عايزة جواز تقبلي ترشيحات أهلك او معارفك تحضري أماكن محترمة شغل تطوع كورسات ده مش عيب ولا قلة حياء تاني حاجة نفرق بينها المطاردة او العلاقات المرهِقة انك تكلمي رجالة لمجرد التعارف وتتعلقي وتتوجعي دا فعلًا بيتعب ومش مناسب. والدعاء من غير سبب انتظار والسبب من غير دعاء غرور الاتنين مع بعض توكل حقيقي يعني ادعي وخدي بالاسباب اللي ترتاحي لها شرعًا ونفسيًا. وهل ممكن ربنا مش كاتبلك الزواج الشيطان بيحب يدخل من الحتة دي بس تأخر الحاجة مش حرمان منها وعدم ظهورها لحد دلوقتي مش معناها عدم كتابتها ربنا مبيكسرش خاطر حد لجأ له بصدق بس أحيانًا بيأخر عشان ينضجنا يحمينا أو يبدلنا حاجة كنا فاكرينها مش لينا وانتي مش متأخرة مش أقل من غيرك مش محتاجة تتغيري عشان تتحبي انتي محتاجة تحبي نفسك شوية وتبطلي تحاكميها بالقسوة دي
تم النشر الأربعاء، ٢٨ يناير ٢٠٢٦
اولا الجواز رزق زيه زي الفلوس فمتقسيش على نفسك في حاجه هي اصلا مش بإيدك ادعي كتير ان ربنا يرزقك بالشخص المناسب اللي يعوضك مش يمكن ربنا اخرك شويه علشان تاخدي احسن حاجه ؟! ابدأي اهتمي بنفسك علشان نفسك مش علشان تعجبي حد لما تخسي و تبصي لنفسك هتحسي انك بفضل الله قويه و قدرتي تعملي حاجه كبيرة. ربنا يرزقك كل حاجه جميلة ❤️
تم النشر الأربعاء، ٢٨ يناير ٢٠٢٦
لأ مش مطلوب منك تدوري ولا تعملي أي حاجه ورزقك هيجيلك لحد بيتك ، ولو في نوع من الضغوطات زي ١- احتياجك لزوج وده طبيعي لإننا اتخلقنا كده بالفطره ، فدي حلها الصبر وربنا هيجازي خير وكله في ميزان حسناتك لو صبرتي واستحملتي لحد ما ييجي رزقك ،،،،٢- كلام الأهل والأقارب والجيران لإن في بعض الأوقات بيسألوا سؤال غبي وهو إنتي مااتجوزتيش ؟؟! والمفروض يعني هتعملي إيه إنتي مش ولد علشان يسألوكي السؤال ده لإن الولد هو اللي بيتقدم فالسؤال ده لما حد يسألهولك ماترديش عليه
تم النشر الأربعاء، ٢٨ يناير ٢٠٢٦
لعرض السؤال في فدني اضغط هنا