انا عندي ٢١ سنة وعارفة إن الزواج رزق بس انا مش عايزة اتجوز متاخر وانا عندي ٢٤ دا بالنسبالي متأخر ومفيش حد بيتقدم لي انا مرعوبة من الحالات الى بشوفها البنات الى بتكتب انا عندى كام وتلاتين ومتجوزتش انا عارفة انو عادي بس مش عايزة ابقى كدا مش عارفة اعمل ايه وبقعد افكر وازعل انا عايزة اتجوز بالكتير السنة الجاية
متقلقيش و متفكريش بالطريقه دى.. كله نصيب و ان شاء الله ربنا هيرزقك بواحد محترم في الوقت المناسب.. ممكن تتجوزى بدرى و يبقى مافيش نصيب أو تبقى مش مستريحه أو يحصل مشاكل و لكن ادعى و قولى ربنا يرزقنى الزوج الصالح.. و ان شاء الله ربنا يسعدك و تحققى كل أحلامك يارب.
تم النشر الخميس، ١٩ يونيو ٢٠٢٥
بصي زي ما قولتي الجواز من عند ربنا ومتخافيش في البنات التلاتينيه والعشرينيه الي اتجوزو بفضل الله ده لان ربنا كاتب لكل واحد قدره من قبل ما نتولد كل واحد مكتوبله هيعمل ايه مع ذلك حتى لو مش مكتوبلك الجواز الالحاح بالدعاء بتغير خيوط القدر فنصيحه لو حابه تتجوزي بدري ادعي ربنا واللحي بالدعاء بالذات في الاسحار (الساعه الي قبل الفجر) وانتظمي على قيام الليل... وباذن الله هدعي لك عارف ردي مكانش مفيد بس اتمنى اكون ساعدتك 😁✌🏻
تم النشر الثلاثاء، ١٧ يونيو ٢٠٢٥
السلام عليكم مفيش مشكلة انك حابه تتجوزى بدرى بس هل انتى مستعده للزواج هل عندك مقدرة تختارى زوج مناسب ليكى هل عندك وعى كافى بتحديات الزواج وازاى هتتعاملى معاها
تم النشر الجمعة، ٢٠ يونيو ٢٠٢٥
مرحبًا بكِ عزيزتي، وأنا سعيدة جدا بأنك شاركتيني مشاعرك بهذه الصراحة والوضوح. أولا، من المهم جدا أن نبدأ بالتأكيد على شيء جميل وعميق: الزواج حقًا رزق من عند الله، ويحدث في الوقت الذي يقدّره الله لكِ، وليس قبل أو بعد. لكن في نفس الوقت، تفهمت جيدًا شعورك بالقلق من تأخر الزواج خاصة عندما يسمعين قصصًا تقلقكِ وتزيد من ضغوطك. دعيني أساعدك بتقسيم هذا الموضوع إلى نقاط عملية: العمل على تطوير نفسك أولًا الزواج علاقة تحتاج إلى شخص قوي ومستقر نفسيًا وعاطفيًا، فاستثمري في تطوير نفسك سواء من الناحية التعليمية، أو المهنية، أو الروحية. كل ما كنتِ أقوى ومتزنة، كلما جذبتي شخصًا يناسبكِ حقًا. كوني واضحة وواقعية في طلباتك فكري في الصفات التي تريدينها حقًا في شريك حياتك، وركزي على الجوهر أكثر من الشكل أو المظاهر. أحيانًا، التوقعات غير الواقعية تسبب إحباط. ابحثي بطرق متنوعة عن الشخص المناسب لا تقتصري على طريقة واحدة للبحث عن شريك. شاركي في مناسبات اجتماعية، دعي أهلك يساعدوكِ، استخدمي المواقع والتطبيقات التي تحترم قيمكِ، وتحدثي مع أناس تثقين بهم لتعرفي عن فرص. الصبر والدعاء اجعلي دعائك مستمر، واطلبي من الله ييسر لكِ الخير ويبعد عنكِ كل ما يؤذيكِ في اختيار شريك حياتك، واعلمي أن الصبر مفتاح الفرج. التعامل مع مشاعر القلق عندما تشعرين بالحزن أو القلق بسبب التفكير في الزواج، جرّبي تحويل تركيزك على شيء مفيد لكِ، كتعلم مهارة جديدة، قراءة كتاب، أو الاهتمام بجزء من حياتك يسعدك. وأخيرًا، تذكري أن ٢٤ سنة ليست متأخرة أبدا، والكثير من النساء تتزوجن في مراحل مختلفة وكل واحدة لها طريقها الخاص، وكذلك الله يكتب الخير لكل واحدة في الوقت المناسب. إذا كنتِ ترغبين، يمكنكِ أيضاً زيارة صفحة الخبراء في منصة فدني للتحدث مع خبراء حياتية وزواج يمكنهم أن يقدموا لكِ دعمًا مخصصًا لكِ. أنا هنا دائمًا لأي سؤال أو دعم تحتاجينه، لا تترددي في مراسلتي، ذكية في خدمتك دائمًا ❤.
تم النشر الثلاثاء، ١٧ يونيو ٢٠٢٥
الصبر جميل
تم النشر الأربعاء، ١٨ يونيو ٢٠٢٥
ده قلق بس .. وممكن يضرك .. لأنك مش عايزة تتأخري فهتتسرعي وتتغري باللمظاهر وممكن تاخدي واحد مقلب
تم النشر الأربعاء، ١٨ يونيو ٢٠٢٥
مش يمكن دا خير من عند ربنا، يعني زي مسمعتي عن الي عندها حاجة وثلاثين ولسه متجوزتش اكيد سمعتي عن الي عندها حاجة وعشرين ومطلقه وعن الي جوزها راميها بعيالها في الشارع وعن الي جوزها بيبهدلها من الضرب والاهانه او او او او، صدقيني الي قال وفي العجلة الندامه مقالش كدا عبثا وكل تأخيره وفيها خيره دا مش وقت امثال الي عايزه اقولهولك دا كله خير من عند ربنا دورك بقي تحاولي تشيلي الموضوع من دماغك فاهمه ان دا صعب عليكي لكن حاولي تشغلي نفسك بحاجة تانيه ممكن تطوري من ذاتك تروحي جيم تتمشي كل يوم علي الاقل نصايا دا هيفرق معاكي جدا ثانيا تؤمني ان دا نصيب ثالثا تقربي من ربنا ولو حصل نصيب بإذنك يارب متستعجلييييييييش صلي صلاة استخاره واسمعيي لأهلك في الحالات دي أهلك هما ادري منك
تم النشر الخميس، ١٩ يونيو ٢٠٢٥
حبيبتي أول حاجة لازم تقوليها لنفسك: “أنا مش متأخرة… أنا ماشية في توقيت ربنا، مش توقيت الناس.” الزواج مش سباق، ومفيش سن معين بنوصل فيه ونقول “اتأخرت” لأن كل واحدة وليها نصيبها في الوقت اللي ربنا شايفه أصلح ليها. أنا حاسة بيكي جدًا، وكلنا ساعات بنخاف من اللي جاي، لكن صدقيني… ربنا مش بينسى حد. ويمكن هو مأخره دلوقتي علشان يديكي حاجة أحسن من اللي كنتي بتتمنيه. استمتعي بوقتك، واشتغلي على نفسك، وحبيها، واعملي الحاجات اللي بتحبيها، ولما ييجي الشخص الصح… هتفرحي إنك استنيتي. وخليكي واثقة إن اللي بيجيلنا متأخر، أوقات بيبقى أجمل وأحن وأصدق. ربنا يفرح قلبك عن قريب يا رب 🌸
تم النشر الاثنين، ٢٣ يونيو ٢٠٢٥
لعرض السؤال في فدني اضغط هنا