السلام عليكم ورحمة الله وبركاتة
الحمدلله انا خلصت امتحانات تالته ازهر
اولا ادعولي ادخل الكليه اللي بتمناها و تكون خير ليا
ثانيا حاليا انا ف الاجازه و حابه اطور من نفسي ف المجالات اللي بحبها زي الرسم و تصميم الازياء و التفصيل و تطوير اللغه الانجليزيه عندي
بس مشكلتي مش عارفه اسمع اي و لمين علشان اطور ف الحاجات دي
لو ممكن تفيدوني و تقترحوا عليا اعمل اي و شكرا ليكم و جزاكم الله كل خير
السلام عليكم، مبارك أولا انتهاء امتحاناتك وربنا يوفقك وتدخلي الكلبة اللي عاوزاها ويجعل فيها الخير لك. بالنسبة لأهداف الإجازة، فهنصحك إنك لا تثقلي على نفسك بأهداف كتير وحددي أولوياتك الأول بحيث تشتغلي على هدف أو اثنين بالكتير، أنا يعتبر نفس الشخصية وفيه ميول ومهارات كتيرة كنت عاوزة أتعلمها في نفس الوقت من ضمنها كل اللي ذكرتِهم فعشان كده بقولك عن خبرة وتشتت كتير ولخبطة متزوديش أهداف كتير في نفس الوقت، الحماس في البداية هيخدعك ويحسسك إنك قادرة تنقلي جبال لكن بعد كم يوم هتحسي بالفتور وثقل المهام الكتيرة. ** الأول اقعدي مع نفسك قعدة رايقة، ورقة وقلم وفرغي كل أفكارك وأهدافك مهما كانت صغيرة أو تافهة، بعد كده خدي راحة وارجعي للورقة تاني ورتبيها حسب الأولوية، هتلاقي حاجات أهم من حاجات وحاجات تقدري تستغني عنها أو تؤجليها لبعدين، اختاري أهم ثلاثة أهداف لو وقتك يسمح والأهم فيهم هتخصصي له أكبر وقت. وكل هدف قسميه لمراحل محددة بوقت عشان تقيسي إنجازك... وخلي المهام قصيرة وبينعا فترات راحة عشان متحسيش بتعب وتبدئي تسوفي. *** بالنسبة للكورسات فهتلاقي كتير مجاني على يوتيوب، ممكن كبداية. وفيه عندك منصات زي ينفع وإدراك ومهارة وغيرها. منصة ينفع عاملين خصومات دلوقتي على السنة، اشتراك سنوي بسعر شهر... لو فيه إمكانية تشتركي. ده رابط كورسات الرسم والتصميم على ينفع. https://yanfaa.com/eg/category/Design ده كورس تصميم الأزياء على إدراك (جزء أول) https://www.edraak.org/programs/course/fs101-v2018-sp/ وهنا على المنتور (بس مش عارفة فيه خصومات حاليا على الاشتراك ولا لأ) https://www.almentor.net/courses/Fashion-Design-For-Beginners?srsltid=AfmBOooRno7EG8w5X_kqex2sxVv9RwCggoLr27RLqE6CjcaXNDkGf82S المقال ده هيفيدك بخصوص تصميم الأزياء، https://www.tasmeemme.com/blog/585/أفضل-6-دورات-اونلاين-تستطيع-من-خلالها-الدخول-إلى-عالم-تصميم-الأزياء الإنجليزي واللغات عامة هتلاقي أسئلة كتير هنا فيها نصائح وترشيحات لمصادر ابحثي عنها من خلال شريط البحث وإن شاء الله الإجابات تفيدك. بالتوفيق.💚💚
تم النشر السبت، ١١ يوليو ٢٠٢٦
وعليكم السلام ورحمة الله وبركاته، الحمد لله على إتمام الامتحانات يا قمر، وأدعو الله أن يوفقك للكلية اللي بتتمنيها وتكون خير لكِ ولحياتك كلها. الإجازة فرصة رائعة لتطوير نفسكِ في المجالات اللي بتحبيها، وأنا سعيدة إنكِ واضحة في أهدافكِ. عشان تبدئي بطريقة عملية ومنظمة، حاولي تقسمي يومكِ إلى أجزاء صغيرة: مثلاً ساعة أو ساعتين يومياً للرسم، وساعة لتعلم أساسيات تصميم الأزياء والتفصيل، وساعة لتحسين الإنجليزي. ابدئي برسم يومي بسيط، مثل رسم أشكال أو ملابس من الواقع أو من صور، واستخدمي كراسة مخصصة لتسجيل تطوركِ. لتصميم الأزياء والتفصيل، ركزي على تعلم الأساسيات مثل قص الأقمشة وخياطة القطع البسيطة باستخدام ما لديكِ في البيت، وشاهدي فيديوهات تعليمية بالعربي عن "أساسيات التفصيل" أو "تصميم الأزياء للمبتدئين" لتتعلمي خطوة بخطوة. أما بالنسبة للغة الإنجليزية، مارسيها يومياً من خلال قراءة نصوص قصيرة عن الموضة أو مشاهدة فيديوهات تعليمية بترجمة، واكتبي يومياتكِ بالإنجليزي حتى لو بجمل بسيطة. استمعي لنصائح من خبراء في هذه المجالات عبر البحث عن قنوات تعليمية موثوقة أو كتب متخصصة، ولا تترددي في تجربة أشياء جديدة حتى لو أخطأتِ في البداية، فالأخطاء جزء من التعلم. حافظي على توازنكِ بالصلاة والدعاء، واجعلي الإجازة ممتعة ومفيدة في نفس الوقت. لو عايزة أفكار إضافية، ابحثي عن أسئلة مشابهة على فدني لتحصلي على وجهات نظر أخرى. ربنا يوفقكِ ويبارك في جهودكِ!
تم النشر السبت، ١١ يوليو ٢٠٢٦
وعليكم السلام ورحمة الله وبركاته، الحمدلله على تمام الإمتحانات أولًا إستراحة محارب بقى الأول، ثانيًا حاولي مثلًا لمدة شهر كامل أعبدي ربنا بطريقة هادية أقصَد يعني أصنعي حال بينك وبين ربنا، العبادات وضيفي عبادات زي السنن وكمان حاولي تبعدي عن وسائل التواصل الإجتماعي وتفصلي عن العالم فترة، الموضوع مفيد جدًا ليكِ قبل الكلية أهدي وريحي نفسك من سنة طويلة شاقـة أحمدي ربنا إنها عدت على خير وبإذن الله تعالى ربنا يكرمك في النتيجة 🤍
تم النشر السبت، ١١ يوليو ٢٠٢٦
ربنا يوفقك
تم النشر الأحد، ١٢ يوليو ٢٠٢٦
وعليكم السلام ربنا يرزقك بالكلية اللي بتتمنيها وتكون خير ليكي يارب بالنسبة للانجليزي أهم حاجة تحددي الأول مستواك في الانجليزي وبعدين اتفرجي ع فيديو ياسمين خالد خطة تعلم الانجليزي وامشي ع الخطه وبالنسبة للرسم والتصميم مش عارفه الصراحه بس ممكن تشوفي لو في دورات علي منصة معارف أو ادراك أو حتي اليوتيوب
تم النشر الأحد، ١٢ يوليو ٢٠٢٦
@فَاطِمٌ الشَّافِعِيُّ. لا مقدرش انزل و معرفش مكان مخصص لتعليم الحاجات دي عندنا... ممكن تفاصيل عن المنصه دي
تم النشر السبت، ١١ يوليو ٢٠٢٦
@فَاطِمٌ الشَّافِعِيُّ. اه ما دا الحاجه الاساسيه اللي هعملها ف الاجازه
تم النشر السبت، ١١ يوليو ٢٠٢٦
أما جزئية كورسات الأزياء والتصميم أنا شوفت الكورسات دي في منصة إدراك مع ناس محترفة، بس الأفضل إنزلي كورسات أتعملي الخياطة عملي وهتلاقي حد يعلمك عشان الموضوع محتاج العملي أكتر من النظري بالتوفيق 🤍
تم النشر السبت، ١١ يوليو ٢٠٢٦
لعرض السؤال في فدني اضغط هنا