𝑆 𝑀𝑜𝑠𝑡𝑎𝑓𝑎

وعليكم السلام ورحمة الله وبركاته.... جربت تشوف فرحة الاهل لما اولادهم بيطلعوا من الاوائل؟؟؟ و قد اى هما بيبقوا اسعد من الابن اصلا!!.. جربت تشوف مستقبلك بعد عشر سنين وانت فاشل علشان مذاكرتش السنه دى وانت متمرمط علشان تجيب مصروف لبيتك او انك مش قادر تلبى طلبات بيتك بشكل كافى علشان ف وظيفه مرتبها قليل... و شعورك لما تبقى صارف ع ابنك كتير ف تعليمه و ف الاخر ميذاكرش زى شعور باباك يعنى كدا اكيد هتزعل منه و عليه صح؟؟؟؟... جربت تقعد ع الكتاب خمس دقايق بس؟..جربت تفكر ف تعب اهلك معاك و املهم فيك؟... جربت تفكر شكل اهلك هيبقا اى بعد ما تجيب مجموع مش كويس؟... انت ليه عايز تحفيز مننا و تحفيزك لنفسك فين؟؟؟ علفكرا الناجح اللى مش بيستى حد يحفزه هو بيحفز نفسه بنفسه بيفكر ف الاضرار اللى هتضيع مستقبله و يتجنبها و كل ما يقع يقوم و مش بيهتم بالوقت و بيبدا مهما كان الوقت ضيق و مؤمن بالله و توفيقه و مش بيهتم بالظروف و مش مستنى حد يجى يفوقه... انت مسؤول و سواء كنت عارف او مش عارف تذاكر فبرضو لسا مسؤول من المذاكرة.. المذااااكره مسؤوووليه مش شغف و تحفيز... والسلام عليكم

وعليكم السلام ورحمة الله وبركاته... لو مكانك كنت هرجع اصلى و احفظ قران و ارجع اكون انسان كويس تانى و ابعد عن صحابى دول و اقطع علاقتى بالبنت و ابدا اشوف اى الحاجه اللى مش عجبانى ف نفسي و اغيرها و اشوف صحاب بجد و ارجع اذاكر و انسى الماضي لانه كدا كدا عدى و هفكر ف مستقبلى و كمان ابدأ الم شتات نفسي عشان اعرف ابدا تالته و اجتهد ف دراستى عشان اكون وسط ناس احسن ناس مثقفه و تعرف الاصول و اختار شريك حياه كويس علشان اعرف اعيش أطفالى بعدين حياه احسن من اللى عشتها و احافظ عليهم.....كنت هعمل كدا لو انا مكانك... سيبك من صحابك لانهم كدا كدا دول مش صحاب.. صاحب ناس كويسه غيرهم ناس زيك و صاحبهم مش ف وقت انت محتاج فيه لصحاب بس ف وقت تلاقى فيه صحاب كويسه..و احاول اسمع بودكاست لتطوير الذات... على فكرة الكسوف مش حاجه وحشه بل دى حاجه في قمة الادب الصراحه.... دا رايي

وعليكم السلام ورحمة الله وبركاته... الحل هو التوبه كل ما تعملى الحاجه دى توبى و اصدقى النيه و كمان حاولى تملى وقت فراغك بالقران او الذكر و تصدقى لو تقدري حتى ولو كل يوم جنيه.. كمان ممكن تخلى حاجه تفكرك انك مترجعيش للحاجه دى تانى مثلا زى تلبسي خاتم يفكرك انك لازم تبعدى عن الذنب الفلانى او جمله تحطيها ف مكان بتشوفيه اغلب الوقت او اى حاجة تفكرك بعدم الرجوع للذنب.. و كمان الالتزام بالصلاه حتى و انتى بتعملى الذنب دا لان الصلاه فرض و كمان الصلاه بتهذب الروح... و الدعاء... و أخيراً بعد ما تعملى اى معصيه قابليها بالطاعه ف نفس مكان المعصيه و إن شاءالله خير

وعليكم السلام ورحمة الله ووبركاته معرفش اى سبب حضرتك اللى يخليك مش قادر تشارك مشاكلك بس انا برضو عندى المشكله دى مش بقدر اتكلم عن المشاكل اللى مضيقانى بجد ولو اتكلم بتكلم عن المشاكل التافهه اللى هيا بالنسبالى مش مشاكل اصلا و كل ما احاول اتكلم مش بعرف و كمان مش ف المشاكل بس فـ اى كلام عموما اى حاجة و السبب انى بخاف من رد اللى قدامى بخاف ان اللى قدامى ميقدرش كلامى او يعرف نقط ضعفى او يعرف مشاكلى بخاف اتكلم علشان متبقاش عندى مشكله جديده و هيا ان مفيش حد يسمعنى او يتناقش معايا و يطمنى ساعات بنعزل عن صحابى وقت زعلى بحجة انى عايزه انعزل عن الناس شويه عادى بس الحقيقه علشان محكيش لحد اللى مزعلنى و ساعات اكلمهم و ابقا معاهم من غير ما اتكلم ولو اتكلمت اخترع موضوع غير اللى عايزه اتكلم فيه و حتى و انا بكتب الرد دا كنت متردده ابعته ولا لا😂 انا معنديش حل للمشكله دى بس ممكن تكون بسبب تراكمات ف حايتنا و تجارب عشناها و كل واحد له اسبابه اللى تخليه ميحكيش عن مشاكله و كمان حل المشكله ممكن يختلف من شخص للتانى انا رديت مش علشان عندى حل بس رديت علشان تعرف انها مش مشكلتك لوحدك دى مشكله ناس كتيرة

السلام عليكم ورحمة الله وبركاتة فيه بودكاست جميل جدا اسمه اى المشكله لـ د. محمد الغليط، د. امير منير،د. ياسر ممدوح اتكلم ف حلقه عن الغربه و كدا ع ما اعتقد كان اسمها اى المشكله ف الغربه او حاجة مقاربه لـ كدا اسمعه لعل و عسى تلاقى اجابه لسؤالك بس انا من رأيي الشخصى إن دينك أهم من كل حاجة سواء شغلك او الممتلكات دى لازم تكون ف المكان اللى يقوى إمانك مش يضعفه المكان الصح بيتحدد بمدى قوة إمانك فيه و الصحبه الصالحه و راحتك النفسه وانت قريب من ربك مش من شغلك او ممتلكات او... او.. او.. أكيد ف بلد هتلاقي شغل ف مجالك كويس مش لازم يكون كويس زى شغلك ف الغربه بس الاهم انك تكون عايش بآمان ف بلدك مع اهلك و صحبتك الصالحه و كمان قريب من ربك اما الممتلكات فأكيد حضرتك لو فعلاً عايز ترجع بلدك هتعرف تتصرف و ترجع بلدك يعنى الامر مش صعب عليك لدرجادى ف النهايه الاختيارين مش صعبين او الاصح انى اقول ان مفيش غير اختيار واحد ف حالة ان حضرتك هتفتن إنك ببساطه ترجع بلدك و تبعد عن الغربه طول ما الغربه خطر ع دينك و إيمانك اتمنىٰ تقبل رأيى و تاخده بصدر رحب و شكراً

بصى حاليا انا وانتى زى بعض 😂 بس الفرق انا ازهر علمى وانتى عام بصى بالنسبه للدروس برا انا بطلت انزل غير للفيزياء و دى يوم واحد بس ف الاسبوع اما كل المواد اون لاين طب بالنسبه للمذاكرة وهل الحق ولا لا!؟ بصى ابدأي جد و حاولى تخلصى ف الشهرين دول شرح.وف نفس الوقت حل يعنى تسمعى مراجعه مثلا الباب الاول احياء و تذاكرى الباب الاول احياءو بعدين تحلى عليه دى الطريقه اللى انا ماشيه بيها حاليا انا مش بفكر ف الوقت انا بعمل كل اللى عليا ف الشهرين دول اه عدا وقت كتير و باقى القليل بس مين يعرف ممكن اجيب مجموع كبير لما ابطل تفكير واذاكر بجد ف الشهرين دول معظم الطلبه زينا علفكرا احنا مش لوحدنا بس الشاطر الى هيعرف يتعامل مع الموقف و يبطل تفكير ف الوقت و يقوم يكمل ف النهاية ابدأى و كمان متقصريش ف صلاتك و إن شاءالله خير

دا تسويف عقلك بيحاول يلاقى حاجة يعملها اسهل من المذاكرة للامتحان و كمان علشان يلاقى حجه لما تجيب درجه مش كويسه لان عقلنا بيخاف يعمل مجهود ع الفاضى فبيحاول يهرب من المذاكرة لاى حاجة مش مهمه علشان لو مجبتش درجه كويسه يقولك ياعم احنا مذكرناش كويس دا لو ذاكرنا كنا طلعنا من الاوئل و هكذا الحل انك تبعد اى حاجة بتشتتك و تبدا تذاكر اول خمس دقايق هتكون المذاكرة تقيله و عقلك مش متقبلها بس بعدين هتذاكر عادي

بصى مشكلتى مقاربه لمشكلتك و انا ف نفس سنك كمان انا تالته ازهر انا ماما كمان تقريبا تصرفها كدا معايا بس انا مش بعاند معاها لانها مهما كان دى امى انا بعمل اكلى لوحدى و بعمل حساب اى حد ياكل معايا و بحاول اتجنب اى مشكله معاها لان مهما حصل هيا هتفضل امى وانا بنتها فبحاول اتوددلها و لو عندها مشكله او زعلانه منى او مضايقه او اى سبب خلاها تعاند معايا بروح بكل هدوء اعمل الحااجه اللى عايزاها بنفسي ولما تحاول تحبطنى بقولها صح يا ماما انتى معاكى حق و بحاول اتجنب اى خناقات لانى شايفه ان ماما تعبانه و حالتها النفسيه مش احسن حاجه فبحاول اجاريها ف اى حاجة و بصى انتى حكيتى الحكايه من وجهة نظرك علشان كدا ف. ناس هتشوف ماماتك غلطانه وانتى صح و ف نفس الوقت ممكن الحكايه تختلف من وجهة نظر مامتك و تشوفك انتى اللى غلطانه و هيا الصح باختصار ردك عليها كان غلط كان الاحسن تقوليها والله يا ماما عندى مذاكرى كتيرة امتحاناتى قربت معلش ابقا اعمل العشاء كل يوم بس بعد الامتحان لان غلط تردى ع مامتك بنفس ردها عليكى تقدرى تاخدى منها اى حاجة بالكلمه الحلوه علشان لو حست انك بتتقللى منها بكلامك هيا لا إرادياً هتشوفك خطر عليها حاولى تكونى هاديه و خلى كلامك حلو مع والدتك و والدك بالذات هما مش صحابك و بالنسبه للمقارنه كل ام مصريه او كل ام عموما عندها الصفه دى بس الابن الشاطر اللى ياخد المقارنه دى كـ شئ عادى فكرتينى بموقف حصلى مع ماما امبارح كانت بتقولى ان صحبتى احسن منى قولتلها اه يا ماما طبعاً بنتك بتختار البنات الكويسه و تصاحبها ربنا يحفظهم يارب و قعدت اشكر ف صحبتى كأن الموضوع عادى و ماما قلبت الموضوع هزار ساعتها و ضحكنا سوا ببساطه الام طيبه بس هيا انسانه و مضغوطه اكتر مننا لاننا بنشيل مسؤلية نفسنا اما هيا بتشيل مسؤليتنا كلنا و مسؤلية حاجات كتيره ربنا اعلم بيها و انتى بنفسك هتعترفى بـ دا لما تكونى ام الرساله طولت منى بس حبيت افضفض نعاكى يا سكره ياريت تاخدى كلامى بصدر رحب و تحاولى تكونى كويسه مع مامتك مهما عملت لانك ف يوم هتكونى مكانها🤎 ادعولنا امتحاناتنا قربت🤦🏼‍♀️😂🤎

بالظبط كدا.. ينفع اخدها اسكرين وانزلها ع القناه؟

بذاكر الحمدلله و بحاول اعمل اللى عليا فعلاً.. بس برضو الخوف و القلق مش بإيدى.. مش علشان تالته صعبه بس عشان ضغط ان السنه دى هيا اللى هتحدد مستقبلى كبير و صعب اووى...عارفه ان اقدارنا مكتوبه و مستقبلى مكتوب بس برضو الانسان مبيقدرش يتحكم ف خوفه و قلقه... شكراً لكلامك الجميل🤎

اللهم آمين يااااارب

كلها كام شهر و نخلص ع خير إن شاءالله

اهااا طيب ربنا يختار لك. الافضل إن شاءالله و ييسرلك طريقك وامورك و يعينك و يكرمك الطريق الصحيح إن شاءالله

ربنا يعينك والله و ييسرلك امورك.... طب ما تفكر ف حل وسط يعنى تعيش ف نفس بلدك بس ف منطقه تانيه بحيث تكون غيرت البيئه اللى حضرتك فيها لبيئه احسن و كمان متكونش بعيد عن اهلك اوى يعنى.

هو انتى تالته كمان زينا🤦🏼‍♀️😭.. كنت اجعلك كبيرة عننا😅.. حاضر هدعى للشهاده الثانويه عموما🤎

اللهم آمين يارب ادعيلنا كتير معلش 🙂🤎

إن شاءالله يااارب

ف الحاله دى يبقا الاختيارين صعبين زى ما قولتو😅....معرفش الصراحه انهو اختيار افضل🥲🥲

اصلا🙂🙂🙂🙂

طب ممكن تفهمنى مقصد السؤال 🙂

بجد🥲

حاسه ان فيه تنمر بس اوك🙂

الشكر لله اى خدمه اهم حاجه متشربش اكتر من كوبايه لانى مضره برضو 😒🙂🙄

انا قعدت فترة علشان استوعب اللى هو ازاى كوبايه منى و معرفش اى تقصد. فيها تنمر ع الاسم🤦🏼‍♀️😅....... عموما الحاجات الصعبه دى مش مهمه عند دماغ حضرتك فمش هتحفظها ولا هتهتم بيها و كمان بتحاول تفهمك ان الاصعب دا اهم من دراستك و كمان انت مش هتتعب فيه عكس الدراسه االى هتحفظ وتفهم و تكرر و تحل و دنيا بالنسبه لدماغك فدماغك بتستسهل الصعب دا فاهم؟؟.. وبعدين قهوه ساده اسم حلو جدا فبلاش تنمر🙄🙄🙄🙄🙄

اه كدا كويس 🙂!؟

استاذه قهوة! 🙂

اللهم آمين يارب

اه شكراً جزاك الله خيراً وبارك الله فيك

ركز ف دراستك دلوقتي و ف الكليه خد كورس مونتاج او حسابات و معلومات و اشتغل ف المجال اللى يعجبك بس ركز ف دراستك دلوقتي