السلام عليكم ورحمه الله وبركاته. مش هننكر ابدا ابدا ابدا اللي تصرفات اهلك مؤذيه الضرب بيكون اثره سيء جدا جدا على الولاد التهديد دائما بالضرب او احنا لينا قوه اكبر نقدر نستخدمها ضدك دي بتبقى حاجه اثارها وحش جدا جوه النفس وهي دي اللي مخلياك توصل للمرحله دي انك تبقى مش حبيبهم قوي ومش حابب تعمل معاهم او وصلت لدرجه ان انت. شايف خليني كده نبص بعيدا عن نقطه الضرب دي. اهلك المصممين ان النقطه دي بالذات بتاكد ان اهلك عاوزين الخير لك المشكله في الطريق الطريقه اللي هم بيستخدموها هي طريقه سيئه فبتحول الحاجه اللي هم عايزينها كويسه دي لحاجه سيئه مهما كانت هم نيتهم ايه لكن احنا ضروري جدا نكون حاطين دافع اعتبارنا واحنا بنبص لهم هم للاسف ما يعرفوش غير الطريقه دي هم للاسف بيستخدموا الطريقه دي شايفين ان هم كده الصح انهم كده بيحافظوا على ولادهم مش باصين للاثار اللي انت فيه دلوقتي انك بقيت شايف ان هم مصدر اذى وبس وبتحاول تهرب منهم. نصيحتي لك الشخصيه كاخت. ك تكمل دراستك وهيقفوا قصادك لو انت عندك اي حله هيكون مضمونه انك توقفتك هيوقفوا قدامك وهيحاولوا بكل الطرق حتى لو كانت تهديد بالضرب او بغيره علشان بس هم اللي فعلا فعلا عايزينه عاوزين خليك مع اهلك تجنب انه يحصل اي حاجه تخليك لا قدر الله انهم يستخدموا معك طريقه الضرب او اي طريقه مهينه لحد ما تخلص دراستك بعد ما نخلص دراستك دور على وظيفه كويسه بعد ما يكون معاك وظيفه كويسه بكل ادب واحترام بلغهم انك هتحتاج تنقل في مكان قريب من الوظيفه اللي انت فيها دي شوف اي سكن حتى لو زي سكن الطلبه او غيره وانتقل في المكان ده على طبعا على حسب اللي هيقضي معاك فازه ظروفك الماده وقتها. انقل مكانك واعمل مسافه ما بينك وما بينهم ولكن راعي ربنا وعاملهم بما يرضي الله اسال عليهم روح ازورهم ولكن خلي في مسافه تحميك وتحسسك بالامان لكن ارجوك ما تعملش الخطوه دي ابدا الا لما تخلص دراستك وتلاقي شغل مبدئي خليك تعرف تبدا في الحياه والا لو عملت الخطوه دي بدون حسابات وانطلقت كده وخلاص وسبت البيت ده هيخلي فيه طرق مش كويسه مفتوحه قدامك وهترجع تندم على الفتره دي انت كده كده استحملت سنين كتير استحمل الحبه دول لحد ما نكمل دراستك ان شاء الله اعتقد ان ده في مرحله جماعيه فخلصها ان شاء الله على خير وبعد كده ابقى.مصلحتك هما عاوزين الوضع اللي انت تكون فيه في شكل كويس ومحترم زي ما هما شايفينه عارفين في الدنيا.
لان ببساطة العقل ميقدرش يستحمل التناقض الشديد جدا بين النوايا والافعال دا ممكن يخلى الواحد مجنون وفى الاخر اتمنى أن لايبلى الله احد فى أهله لانه بصراحة ابتلاء صعب جدا جدا لايفهمه الا من عاشه وخاض تفاصيله المرة
تم النشر الخميس، ٣٠ يناير ٢٠٢٥
انا مجمعتش فى التعليقات انا كان قصدى على تعليقك وتعليق الأخت ياسمين وعلفكرة انتى مش محتاجة تقوليلى كلام يقسينى عليهم هما كدا كدا أفعالهم كلها قسوة وقلبى اتقفل منهم تماما بس دا مش معناه انو انا مش بتبقى ربنا فيهم انا بكرههم جدا ولكن فى نفس الوقت بتبقى ربنا فيهم على قد ما اقدر لانى عارف كويس انو ربنا وصانا على والدينا بس عايز اقول حاجة مهمة جدا ودا مش كلامى بس دا كلام الخبراء النفسيين الناضجين الواعين مينفعش يكون فى شخص بيشتكى ويصرخ ويتقطع من الالم النفسى واروح أقوله معلش اصل هما بيعملوا كدا عشان مصلحتك انتى كدا كأنك بتزايدى على شعوره كأنك بتقوليله رساله مفادها انت لايحق لك أن تشعر أو تتالم أو أنك بتبالغ وعلفكرة انا مش قصدى هنا انو نيتك وحشة بس للاسف الطريقة دى فى الكلام مش بتصلح حاجة حتى ولو نيتك كويسة لانو مينفعش بكل بساطة تقوليلى هما بيحبوك والكلام المعسول اللى ملوش لازمة وانتى متعرفيش أفعالهم المؤذية لانى فى الاخر كإنسان انا يهمنى أفعالك مش نواياك يافرحتى كل يوم بتقولى بحبك واعشقك وانت عمال تأذى وتجرح فيا وتقهرنى يعنى نواياهم فى الشرق وأفعالهم فى الغرب وعلى رأى المثل(اسمع كلامك اصدقك اشوف أفعالك استعجب) وللاسف فى ناس زى حالاتى وبيصعبوا عليا لأنهم مش بيرضوا يتكلموا عن آلامهم لانهم عارفين انى محدش هيقدر معاناتهم ويسمعها كويس انا عايز اقولك لولا انى ايمانى قوى بالله لكنت انتحرت بسبب كلامك وفى ناس إيمانها ضعيف واذا شاف كلام زى دا ممكن يروح فيها لانه هيحس أنه منبوذ وأن العيب فيه هو وبرضو انا مش بقول الحل انك تقسينى عليهم ولكن فى الوقت دا بالذات بيكون الإنسان المتألم فى أمس الحاجة لكلمة طيبة تجبر بخاطره تحسسه أن ألمه دا مقبول وعلفكرة انا مش داخل معاهم عداوة انا بس سألت عن الحل القانوني دفاعا عن نفسى مش اكتر وعشان انا بتبقى ربنا لآخر وقت معاهم بالرغم من قلبهم اللى عامل زى الحجر عليا استفسرت لانى حسيت انى ممكن اعمل حاجة تغضب ربنا زى الانتحار أو القتل فقولت لعلها المنجية
تم النشر الخميس، ٣٠ يناير ٢٠٢٥
بص احنا مش بنكدبك بلاش اتكلم بصيغه الجمع علشان يمكن مشوفتش التعليقات كلها بس انت عارف المنطقه دي بالذات حساسه اوي نخاف نقولك كلام نكرهك فيهم أو يقسيك عليهم وناخد ذنب واعتقد لو كنا شايفينك كداب مكانش حد رد عليك لأن محدش بيعمل اعتبار للشخص الكداب أنا عارفه أن فكره ان كل الكلام يكون دفاع عن الاب والام ده مستفز جدا جدا جدا بس سبحان الله كلنا بنبقي عاوزين منقولش كلمه في حق الاب والام علشان ربنا وصانا عليهم واحنا مقولناش انك كداب بس قولنا أن في حلقه مفقوده وانت قولت أن الموضوع خاص جدا رغم أن اسمك مختفي وانت مجهول يعني حتي لو حكيت محدش هيعرف انت مين بس لازم نحترم الخصوصيه دي وانا شخصيا قولتلك حاول يبقي ليك دخل خاص بيك أو انك تستحمل الكام سنه بتوع الكليه لحد ماتتخرج وكل ده ينتهي ولما تتجوز وربنا يكرمك بأولاد تغمرهم بحبك وحنانك هما وزوجتك وعلي فكره محدش اتكلم في الموضوع القانوني لاني زي ماقولتلك انك بتتكلم في منطقه حساسه وهما الوالدين نخاف نقولك ارفع قضيه واحنا كمان مش عارفين التفاصيل ربنا ييسر لك الأمور
تم النشر الأربعاء، ٢٩ يناير ٢٠٢٥
تم النشر الأربعاء، ٢٩ يناير ٢٠٢٥
طبعا اشكركم على الدعم والنصيحة ، ولكن حابب اقول حاجة متزعلوش منى فيها اتمنى انكوا لما تسمعوا ضحية أو لشخص بيعانى انكم تثقوا فى كلامه لانى استشعرت من صيغة كلامكم التشكيك وكأنى بكدب أو بدعى أو بختلق اوهام أو ببالغ ودا بصراحة زعلنى وكمل عليا وجرحنى اكتر منا مجروح بلاش دائما التبرير للاهل بحجة أنهم عايزين مصلحتنا مش معنى انك عايز مصلحتى تموتنى من القهر وقالوا زمان (من الحب ما قتل) والله لولا الخجل والخصوصية وضيق مساحة التعليق لكنت عرفتك كل حاجة وفهمتك ليه هما بيأذوا وطبعا انا مش محتاج اقولك أن فى اباء بتكره ولادها لأتفه الأسباب واحيانا من غير سبب وممكن أهل يقتلوا أولادهم عادى بسبب الفقر عشان كدا ربنا قال(ولاتقتلوا أولادكم خشية إملاق) دا حتى ربنا اللى خلق الإنسان ورزقه وانعم عليه افتروا عليه كذبا وانكروا فضله عليهم مش عايزاهم يفتروا على بعض وعلفكرة لو انا زى الفل وببالغ ايه اللى هيخلينى اتعب نفسى واكتب تعليق طويل واطلب المساعدة الا لو انا مضطر ومغلوب على امرى وانا استفسرت عن الحلول القانونية مش النفسية لانى عارف انو الناحية النفسية للاسف مفيش فيها أمل ولاعمر وفى الاخر ارجع اقول ( حسبنا الله ونعم الوكيل والله خير حافظا وهو ارحم الراحمين)
تم النشر الأربعاء، ٢٩ يناير ٢٠٢٥
علفكرة انا عايز اقولك أنهم اصلا فى البداية مكانوش عايزينى ادخل هندسة وكانوا بيشككوا فى قدراتى وكانوا بيقولولى كلام محبط وانت مش قدها وكان المدرسين ساعتها هما اللى بيشجعونى وكانوا بيقولهم ابنكوا شاطر ومجتهد وقدها
تم النشر الأربعاء، ٢٩ يناير ٢٠٢٥
علفكرة انا مشكلتى معاهم مش فتعليقهم على الصح والغلط ، المشكلة هى انى ابتليت بأب وأم نرجسين ومتسلطين الاختلاف معاهم على ابسط الاشياء كفيل أنهم يطلعوك وحش ويشوفوك كعدو ليهم بحجة احنا عايزين مصلحتك بالرغم من أنها كلها حاجات شخصية ملهاش علاقة ببر الوالدين يعنى على سبيل المثال لما اكون بنزل اتمشى شوية فى الشارع عشان افك عن نفسى واغير جو وابعد عن خناقات البيت ابويا ممكن يقلبها لمجزرة لو قعدت مثلا نص ساعة برا بالرغم من انى مثلا مش بسهر ولابعمل حاجة غلط
تم النشر الأربعاء، ٢٩ يناير ٢٠٢٥
والله يا فندم لولا الخجل والخصوصية انا كنت حكيتلك كل حاجة وفهمتك هما ليه بيعملوا كدا انا عايز اقولك انا اتكسفت اصلا لما كتبت المنشور بس ربنا وحده اللى يعلم بنفسيتى وانا بكتبه كتابة المضطر اللى مغلوب على أمره اللى بيحاول يلاقى حل لعل الله يحدث بعد ذلك امرا
تم النشر الأربعاء، ٢٩ يناير ٢٠٢٥
انا وهبه بندور معاك على النقط الناقصه اللى تخلينا نلاقى الحل ...لو انت شايف ان تعليقهم ع الصح والغلط مثلا هو ده الحاجات التافهه ...يبقى المشكله مش عندهم كده
تم النشر الأربعاء، ٢٩ يناير ٢٠٢٥
طب ليه بيضغطو عليك عاوزين منك ايه ايه سبب المشكله اكيد في سبب للمشكلة يعني كل المشاكل دي بلا سبب وكمان انت ممكن تشتغل ومتقولش عشان يبقي ليك دخل أو حتي تشتغل اون لاين وتقدر تستقل عنهم بس زي ماقولتلك لازم يكون في سبب يعني والدتك بس كده ولا والدك بس لو انت اهلك صعبين ليه هيهتمو بيك وتدخل هندسه في حاجه ناقصه انت موضحتهاش
تم النشر الأربعاء، ٢٩ يناير ٢٠٢٥
شكرا على الدعم ، بس حابب اقول لحضرتك المشكلة مش على الدراسة بس ياريتها كانت لحد كدا ولكن المشكلة أنهم ممكن يعملوا مشاكل على أتفه الأسباب وانا اعصابى تعبت جدا انا ربنا وحده هو اللى يعلم انا استحملت وصبرت قد ايه على اذاهم ليا ومعدتش قادر اتحمل اكتر من كدا ولما كتبت السؤال بتاعى كتبته علشان لعل وعسى حد يفيدني بحل عشان انا حاسس انو المرة الجاية معاهم مش هتنتهى على خير لأنهم بيضغطوا على الواحد بطريقة بشعة تخليه يأما يجن وينتحر يأما يقتلهم وانا تعبت من البيئة السامة دى يعنى عايز اقولك اى اختلاف على ابسط الاشياء كفيل أنه يقلب البيت لمجزرة انا عايز اقولك انو اختى اصلا تعبت بسببهم وبقى يجلها حالات هستيرية ونوبات هلع وتقعد تعيط كتير وراحت لكذا دكتور نفسى وشخصوها بنفس الحالة وماشية بأدوية ولولا انى بحاول اصبر هبقى زيها واسوء
تم النشر الأربعاء، ٢٩ يناير ٢٠٢٥
لعرض الإجابة في فدني اضغط هنا