انا في طفل قريبي متعلقة بيه جدا
المشكلة اني بقيت بحس الموضوع زايد عندي اوي في اي حاجه تخصه
انا اه بحب الاطفال بس مع ده الموضوع بزيادة اوي
لما بيكون خايف او زعلان او قلقان مشاعره دي بتتنقل ليا وبفضل قلقانه على قلقه او خوفه خاصة لما بيكون بعيد عني
انا مش بستحمل اي حاجه تحصله او ان اي حد يقول كلمة تزعله
ونفسي اعرف انا ليه دايما بحط نفسي مكانه وبعيش مشاعره كأنها مشاعري انا مش هو
ومهما حاولت مش بعرف افصل المشاعر دي عني
وبقعد دايما افكر في اللي هو بيحسه غصب عني
سعات بنشوف نفسنا زمان ف الاطفال الي بيكونوا قريبين منهم ف تقريبا ده السبب لكونك مهتمه بيه أو يمكن في قبول وكيميا ما بينكوا خليتكوا تقربوا والطبيعي انك لو حبيتى حد تزعلي علي زعلو وتفرحى لفرحو وهكذا
تم النشر الخميس، ١٢ أكتوبر ٢٠٢٣
انتى طفولتك كانت شكلها ايه وايه اكتر حاجة الطفل ده شبهك فيها وانتى طفله ؟. او اهله يشبهوا اهلك فى ايه ؟
تم النشر الأربعاء، ١١ أكتوبر ٢٠٢٣
حقيقي شكرا اجابتك افادتني جدا شكرا جزيلا
تم النشر الخميس، ١٢ أكتوبر ٢٠٢٣
التآلف الشعوري ده شئ جميل خصوصا لما يكون تجاه طفل ..لكن من خلال وصفك ممكن تكوني بتميلي شويه للانغماس في مشاعرك في العموم ..وده بيحتاج انك تشغلي جزء العملي جواكي يعني كل ماتحسي بمشاعر زياده مهم اوي تفتكري انه ربنا هو بس اللي يقدر يتحكم في عباده وهو بس اللي مسير خلقه ومحدد نصيب كل واحد حتى في الاجل او في الالم اللي ممكن يحس بيه وان مشاعرك اللي بتذوب معاه هي انعكاس لشعور عندك محتاج يخرج وتعبري عنه لكن هو مش واضح في كلامك بظبط ... الاطفال اوقات بتوضحلنا مشاعرنا الطفوليه جوانا وهل تم الاهتمام بيها والا لا ... خوفك وانشغالك محتاج انك تعرفي تتعاملي معاه متتجاهلهوش ابدا ..ليه انا حاسه بكده هل انا بحس زيه بنفس مشاعره بس مبعرفش اعبر عنها ...هل انا حاسه بتقصير تجاهه ...هل انا بحس بمعاني مبحسهاش مع نفسي ؟؟ كلها اسألها محتاجه تجاوبس عليها ...وممكن يكون احتياج جواكي مش لاقي منفذ فبيخرج في انغماسك الشعوري مع الطفل ده ...فااهم حاجه ابعدي عنه للحظه وركزي مع نفسك واقبليها وسامحيها على اي شعور سئ حستيه زمان او دلوقتي من اي حد انك شخص واعي ومسؤول عن توجيه مشاعره مش مشاعرك هي اللي مسؤوله عن توجيهك
تم النشر الخميس، ١٢ أكتوبر ٢٠٢٣
عندك كام سنة وهو كام سنة ويقربلك ايه بالتحديد
تم النشر الأربعاء، ١١ أكتوبر ٢٠٢٣
لا مش طبيعي لاني بكون بفكر فيه وقلقانة طول الوقت وتركيزي كله معاه
تم النشر الأربعاء، ١١ أكتوبر ٢٠٢٣
طيب دا كويس، مشاعر جميله بينك وبينه، الموضوع طبيعي مش اوفر يعني، ولا ايه؟
تم النشر الأربعاء، ١١ أكتوبر ٢٠٢٣
لعرض السؤال في فدني اضغط هنا