في البدايه. حابه اني اشكرك جدا على انك حاولت انك تخرج اللي جواك وانك تتكلم لان الكلام وانك تعرف الحاله بتاعتك كويس دي بدايه العلاج وبدايه خطوه كويسه اني يبقى فيه استجابه . انك تخرج الكلام وانك تعرف الحاله بتاعتك كويس دي بدايه العلاج وبدايه خطوه كويسه اني يبقى في استجابه للعلاج. من الواضح ان كثر الضغط والتوتر اللي تعرضت ليه سبب لك كل الافكار اللي انت فكرت فيها والافكار دي ممكن توصلك لاتجاه وطريقي ياذيك. كل الافكار اللي انت فكرت فيها دي نتيجه تشوش كبير داخلي عندك وصراع كبير انت اصلا مش عارف انت عايز ايه وعايز اي مخرج للي جواك ففكرت بالشكل ده وبالتالي التفكير ده غير سوي وهياذيك بدنيا ونفسيا. فخلينا ناخذ خطوات واضحه وسريعه ومهمه ان احنا طبعا لازم نروح للدكتور المتابع معاك ولازم نحكي كل حاجه بمعنى تحكي كل اللي جواك كل اللي مرت بيه. بجانب ان احنا بنوضح للدكتور بشكل عام ايه اللي جواك حتى لو في حد معاك في الجلسه يعني لو في حد من اهلك وانت محرج ان انت تحكي او تتكلم فممكن تتكلم بشكل عام ان انت جات لك افكار كتير صعبه وممكن تاذيك. تمام هي ممكن تفهم او هي اكيد هتفهم الموضوع كله. فاحنا لازم نبدا العلاج في اسرع وقت علشان الحاله ما تاخذش مسارات تانيه انت مش هتقدر تتحكم فيها. والحمد لله ان انت ما اخذتش اي خطوه ان انت تسرق او تعمل اي فعل محرم لانك لما هتدخل في مرحله ان انت تتعالج وقتها انت هتحس بالذنب وجلد الذات رهيب ان انت فكرت في كده. فخلينا نبدا خطوات واضحه وسريعه في العلاج كل مكان بدري كل مكان احسن. وانت شخص قوي اتكلمت وخرجت اللي جواك وبتحاول انك تعالج نفسك رغم كل الافكار والمشتتات اللي حواليك الا ان لحد دلوقتي انت ما عملتش اي حاجه غلط. فاحنا محتاجين ان احنا ناخذ خطوات سريعه وواضحه. وما تترددتش لحظه ان انت تبعت يكون في دعم نفسي في حياتك. ما تكونش. اي استفسار او اي سؤال هكون موجوده معاك وهتابعك وما تقلقش خالص وبعد المرحله اللي انت فيها دي وما تدخل في العلاج انت محتاج انه يكون في دعم نفسي في حياتك سواء كان حد من اهلك او صديق لك او حتى لايف كوتش المهم ما تكونش لوحدك خالص وتشارك افكارك مع حد معاك.
بجد انت انسان قوي وان شاء الله ربنا هيكون معاك وهيوفقك وترجع اقوى وافضل مما كنت . المهم انك تكمل ومتقفش مهما حصل🌷
تم النشر الخميس، ١٢ فبراير ٢٠٢٦
والله مش عارف اشكرك ازاي بس ربنا يوفقك ويرزقك بكل خير ويجعلك سعيده فالدنيا والاخره
تم النشر الخميس، ١٢ فبراير ٢٠٢٦
هتحكي لدكتور الجلسات لان مهم جدا تعرف تطور الحاله أما دكتور الأدوية فممكن مبعرفش لان دكتور الجلسات هي اللي يتحدد الادويه تقريبا فأعتقد أن دكتور الجلسات هتوضحلك الادويه. وانت بأمر الله هتخرج من اللي انت فيه بس المهم يكون عندك صبر على نفسك و اراده قويه لان المرحله اللي انت بتمر بيها مش سهله و التغيير فيها مش في يوم و ليله الموضوع بياخد وقت فا متيأسش و أن شاء الله هترجع لحياتك الطبيعية تاني و هتكون افضل كمان بس المهم متيأسش و يكون معاك داعم نفسي في حياتك و انك متكونش لوحدك ابدا و يكون عندك صبر للعلاج. خلي بالك ناس كتير مروا بالمرحله دي و تعافوا و دلوقتي بيمارسوا حياتهم بشكل طبيعي . ربنا معاك انت شخص قوي و أن شاء الله تقدر تمر بالمرحله دي في اسرع وقت. و في اي وقت احتاجت اي مساعده متترددش و هكون معاك بأمر الله
تم النشر الخميس، ١٢ فبراير ٢٠٢٦
مفيش اي شكر خالص. وفي اي وقت ابعت استفسارك وهكون معاك
تم النشر الخميس، ١٢ فبراير ٢٠٢٦
شكرا جدا ليكي ولمساعدتك بس انا عايز اعرف هل احكي الكلام ده للدكتوره النفسيه بتاعت الجلسات ولا للدكتور بتاع الدواء لانهم دكتورين مختلفين وكمان عايز اعرف هل انا هخرج من الي انا فيه ده ولا هفضل كده بقيت حياتي لاني بقالي اكتر من سنتين في معاناه واوقات كنت بتمنى الموت ولسه مخرجتش من الي انا فيه فعايز اعرف بس هل هخرج من ده ولا لا وبشكرك جدا تاني انك ساعدتيني
تم النشر الخميس، ١٢ فبراير ٢٠٢٦
لعرض الإجابة في فدني اضغط هنا