السلام عليكم
انا اتشخصت باضطراب القلق والوسواس القهري من اكتر من سنتين وبدأت جلسات من حوالي ٧ شهور كنت ماشي مع دكتوره بتسمعني بس ومش بتديني تمارين او تعلمني اي حاجه وغيرتها ورحت لدكتوره جديده دلوقتي
المهم ان انا من حوالي تلت اسابيع كانت حالتي اتحسنت جدا ومكنش في توتر خالص والوساوس قليله فجيت من تلت اسابيع اتعرفت على بنت كلمتها حوالي ٤ ايام كانو مليانين توتر وقلق ورجعت زي الاول ايام ما كنت تعبان وبتعالج من التوتر فقررت اني اوقف كلام معاها
ومن التوتر لما كنت بقعد مع ناس غريبه وحد يبصلي كانت دماغي بتتهز كده كاني اتخضيت بس ده قل بعدها وبعد ما بطلت كلام مع البنت التوتر فضل مستمر والقولون مبهدلني جدا طول اليوم ومفيش شهيه يعتبر باكل وجبه واحده بقالي اسبوعين فجيت في يوم لقيت واحده منزله بتقول انها ممكن تزني بمقابل فانا كنت عارف انها نصابه بس جه في بالي ليه مدورش على بنت فعلا في مدينتي واعمل كده
وللعلم انا شاب محترم جدا مببصش للبنات وانا ماشي فشارع حتى فالمهم فضلت ادور كام يوم والتوتر رجع تاني والقولون تعبني تاني وكان اغلبهم نصابين لحد ما وصلت لكام بنت احتمال كبير انهم مش نصابين ولكن طلبو فلوس كتير وانا مش شغال الفتره دي فممكن اقعد شهور على ما اجمع المبلغ الي هما طلبوه فجه فبالي ان انا اسرق فلوس من البيت او دهب
وللعلم بردو انا عمري ما قبلت ربع جنيه حرام وعمري في حياتي ما اخدت حاجه مش من حقي فدا فضل مسبب لي توتر اكتر اعمل كده ولا لا ولو هعمل كده ازاي انا اعمل كده انا انسان محترم ومتربي ايه الي وصلني لكده ووصلت لصراع وجت لحظه كنت خلاص هسرق بس رجعت عن اللي فدماغي وفضلت في توتر هجيب الفلوس منين وفضلت ادور على بنات تانيه جايز الاقي فرصه احسن
ومن كتر التوتر امبارح دخت وعيني زغللت وكنت حاسس اني مش مظبوط وادركت ساعتها اني حتى لو رحت مش هعرف اعمل حاجه من التوتر وممكن يجيلي نوبه هلع دنا بس التفكير من الموضوع سببلي توتر شديد جدا امال لما انزل واروح لواحده شقه التوتر هيبقا عامل ازاي دنا ممكن اموت من التوتر فلما ادركت ده قررت اشيل الموضوع من دماغي فتره بس مش عارف اوقف تفكير فيه
وكل شويه الاقي حد منزل بس انا عايز اعرف هل لو انا رحت فعلا هيجيلي نوبه هلع وعايز اعرف بردو هفضل كده لحد امتى يعني لما اتجوز هعمل اي انا عندي ١٨ سنه فدلوقتي انا هروح للدكتور النفسي بتاع الدواء واهلي بيبقو معايا هقلو اي اللي خلاني اتوتر كده لانه هيسألني وعايز اعرف بردو هل احكي للدكتوره بتاعت الجلسات ولا لا وآسف على الاطاله وشكرا مقدما @Eman Ebrahem
في البدايه. حابه اني اشكرك جدا على انك حاولت انك تخرج اللي جواك وانك تتكلم لان الكلام وانك تعرف الحاله بتاعتك كويس دي بدايه العلاج وبدايه خطوه كويسه اني يبقى فيه استجابه . انك تخرج الكلام وانك تعرف الحاله بتاعتك كويس دي بدايه العلاج وبدايه خطوه كويسه اني يبقى في استجابه للعلاج. من الواضح ان كثر الضغط والتوتر اللي تعرضت ليه سبب لك كل الافكار اللي انت فكرت فيها والافكار دي ممكن توصلك لاتجاه وطريقي ياذيك. كل الافكار اللي انت فكرت فيها دي نتيجه تشوش كبير داخلي عندك وصراع كبير انت اصلا مش عارف انت عايز ايه وعايز اي مخرج للي جواك ففكرت بالشكل ده وبالتالي التفكير ده غير سوي وهياذيك بدنيا ونفسيا. فخلينا ناخذ خطوات واضحه وسريعه ومهمه ان احنا طبعا لازم نروح للدكتور المتابع معاك ولازم نحكي كل حاجه بمعنى تحكي كل اللي جواك كل اللي مرت بيه. بجانب ان احنا بنوضح للدكتور بشكل عام ايه اللي جواك حتى لو في حد معاك في الجلسه يعني لو في حد من اهلك وانت محرج ان انت تحكي او تتكلم فممكن تتكلم بشكل عام ان انت جات لك افكار كتير صعبه وممكن تاذيك. تمام هي ممكن تفهم او هي اكيد هتفهم الموضوع كله. فاحنا لازم نبدا العلاج في اسرع وقت علشان الحاله ما تاخذش مسارات تانيه انت مش هتقدر تتحكم فيها. والحمد لله ان انت ما اخذتش اي خطوه ان انت تسرق او تعمل اي فعل محرم لانك لما هتدخل في مرحله ان انت تتعالج وقتها انت هتحس بالذنب وجلد الذات رهيب ان انت فكرت في كده. فخلينا نبدا خطوات واضحه وسريعه في العلاج كل مكان بدري كل مكان احسن. وانت شخص قوي اتكلمت وخرجت اللي جواك وبتحاول انك تعالج نفسك رغم كل الافكار والمشتتات اللي حواليك الا ان لحد دلوقتي انت ما عملتش اي حاجه غلط. فاحنا محتاجين ان احنا ناخذ خطوات سريعه وواضحه. وما تترددتش لحظه ان انت تبعت يكون في دعم نفسي في حياتك. ما تكونش. اي استفسار او اي سؤال هكون موجوده معاك وهتابعك وما تقلقش خالص وبعد المرحله اللي انت فيها دي وما تدخل في العلاج انت محتاج انه يكون في دعم نفسي في حياتك سواء كان حد من اهلك او صديق لك او حتى لايف كوتش المهم ما تكونش لوحدك خالص وتشارك افكارك مع حد معاك.
تم النشر الخميس، ١٢ فبراير ٢٠٢٦
قرب من ربنا و صدقني هترتاح و الله سبب التوتر و القلق و العلاقه المحرمه و التفكير فـ الزنا و محاولة السرقه دا سببه بعد عن ربنا و دا أخطر من كل المشاكل و انت لسه صغير و قدامك الدنيا قرب من ربنا و صلي الصلاه دي اللي فيها النجاه ربنا بيقول ﴿إِنَّ الصَّلَاةَ تَنْهَى عَنِ الفَحَشَاءِ وَ المُنْڪَر﴾ يعني لو انت مثلا مثلا بتكدب و بتصلي الكدب هيختفي كل حاجه بالصلاه بتتحسن و القلق و التوتر و الخنقه و كل دا اتذكر فـ القرآن ربنا قال ﴿وَ مَنْ أَعْرَضَ عَنْ ذِڪْرِي فَإِنَّ لَهُ مَعِيشَةً ضَنْڪاً﴾ الزم الذكر طول ما انت ماشي فـ الشارع مثلا اذكر ربنا و تب لربنا توب و صدقني هتلاقي الراحه فـ القرب و ادعي ادعي ربنا انك تتغير للأحسن و لو الإستجابه اتأخرت متيأسش استمر فـ الدعاء ربنا بيقول ﴿ادْعُونِي أَسْتَجِبْ لَڪُم﴾ ممكن الاجابه تتأخر بس الإستجابه كدا كدا هتيجي و ربنا يصلح حالك يا رب و يغيرك للأحسن و يصرف عنك كل سوء و أتمنى تكون استفدت و مستنيه ردك بعد ما تعمل النصائح دي 💗💗
تم النشر الجمعة، ١٣ فبراير ٢٠٢٦
طبعا لازم تقول الموضوع حيصعب
تم النشر الخميس، ١٢ فبراير ٢٠٢٦
لعرض السؤال في فدني اضغط هنا