السلام عليكم، لازم تعرفي إن التخلص من أي عادة بيحتاج وقت وجهد، أي عادة بتكون تحولت لروتين ونظام في المخ ولو وصلت إدمان بيبقى التخلص منها أصعب لكن مش مستحيل. مينفعش أول ما تقعي تنهاري وتحسي باليأس من نفسك لأن ده بيسبب الفشل وكمان من الشيطان. لازم تسستمي عقلك إن الوقوع متوقع ومفهوم. اللي هيفرق بعد الوقوع... لازم تقفي على طول ومتفضليش تتحسري مكانك. عادي لو وقعتِ قومي وكملي، مرة مع مرة عزيمتك هتقوى. *** أنصحك مع الصيام، اسمعي الرقية الشرعية يوميًا، امشي عليها شهر على الأقل هي وسورة البقرة... اقرأي سورة البقرة كل يوم لو قدرتِ أو على 3 أيام أو حتى أسبوع... بالبداية هتكون صعبة بس بعد كده ممكن تخلصيها في يوم واحد... ممكن تاخد منك تقريبا ساعة وتلت. ** املي يومك بأهداف تعيشي عشانها، كل ما كان الفراغ قليل في يومك وفيه حاجة مهمة عايشة عشانها كل ما هتبعدي عن العادة وعن أي عادة تانية سلبية بتمنعك عن الحياة السليمة اللي ترضي ربنا. ** ربنا يعينك وبالتوفيق إن شاء الله.
لعرض الإجابة في فدني اضغط هنا