مش عارفه انا بكتب هنا ليه يمكن عشان مش لاقيه حد احكيله مثلا 😅 انا حتى مش قادره اقول انا مالي بس انا مش كويسه وحاسه ان الدنيا واقفه جدا معايا من اول السنه بحاول اتفائل واعدي ايامي بس فكره انك مكانك سر دي مُتعبه
وكل فتره بيظهر موضوع واقول اهو فيه امل ويرجع يقف تاني 😅 قلت يمكن الابتلاءات دي عشان اقرب من ربنا اكتر وفعلا قربت بس الموضوع مستمر وبدأت ايأس 😅 حاليا جه في بالي ولا تقنطوا من رحمة الله بس حقيقي مش عارفه ليه دماغي بتفكر كده... دعاءكم ليا
السلام عليكم، أولا، ربنا يفرج همك ويصلح أحوالك كلها. ** خلي بالك بلاش الشيطان يستغل النقطة دي ويوسوس لك إن بصي قربتِ من ربنا ولسه الابتلاءات شغالة ولسه مش عارفة تحققي حاجة ويدخلك في سكة اليأس والقنوط من رحمة ربنا وفضله. استعيني بالله ورددي كتير ذكر (لا حول ولا قوة إلا بالله العلي العظيم) بس يكون من قلبك وعارفة معناه ومتيقناه. شوفي الفيديو ده عن الذكر ده وفضله.👇 https://youtu.be/bOgTtEvI298?si=hbXMHR8sbsctzGaH وممكن تتابعي فيديوهاتها الباقية هتفيدك إن شاء الله. وكمان داومي على: "اللهم إني أعوذ بك من الهم والحزن وأعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال" *** تاني حاجة، أذكار الصباح والمساء والرقية الشرعية اسمعيها أو اقرأيها بنفسك كل يوم، وكمان سورة البقرة اقرئيها يوميا ولو مش عرفتِ تقرأيها كاملة ممكن تقسميها على ٣ أيام مثلا، فضلها عظيم وفيها بركة كبيرة. بس انتبهي إن سورة البقرة والرقية مجرد أسباب، يعني خليكِ عارفة إنك بتقرأيهم بنية الحفظ والبركة في حياتك وده بإذن ربنا مش عشان ذاتهم هم. والصدقة نفس الشيء، خرجي صدقة كل شهر ولو مبلغ صغير وإن شاء الله ربنا يبارك لك ويفرج همك.😣💚
تم النشر الثلاثاء، ٨ سبتمبر ٢٠٢٦
أختي العزيزة، أشعر بثقل كلامك وأنا أقرأه، وأقدر جداً إنك فتحتِ قلبك هنا رغم صعوبة التعبير. اللي بتمرين بيه طبيعي جداً في فترات الركود الطويلة، خاصة لما كل محاولة للتفاؤل تُقابل بعقبة جديدة. الإحساس إن "الدنيا واقفة" مش ضعف منكِ، ده تعب نفسي متراكم، واليأس اللي بدأ يتسلل لدماغك ده إشارة إنكِ محتاجة راحة وإعادة توازن، مش إنكِ فاشلة. من منظور إسلامي، الابتلاءات فعلاً قد تكون وسيلة للتقرب من الله، لكن الله سبحانه وتعالى يقول "لا تقنطوا من رحمة الله"، وده تذكير مهم إن اليأس مش نهاية الطريق، بل فرصة للتمسك أكثر بالدعاء والصبر. جربي تكتبي كل يوم ثلاث نعم صغيرة حدثت، حتى لو بسيطة زي "قدرت أكمل يومي"، عشان تعيدي توجيه تركيزك نحو الإيجابيات الخفية. كمان، حددي هدفاً صغيراً جداً كل أسبوع، زي قراءة صفحة من القرآن أو ترتيب جزء من يومك، عشان تشعري بالتقدم التدريجي بدل الانتظار لتغيير كبير. أنا هنا لأسمعك وأدعمك، وأدعو الله أن يفرج همك وييسر أمرك ويفتح لكِ أبواب الخير اللي ما تتوقعيها. لو حابة تحكي أكثر أو تبحثي عن أسئلة مشابهة على فدني، هذا قد يعطيكِ منظورات إضافية. أنتِ أقوى مما تظنين، وهذه الفترة ستمر بإذن الله.
تم النشر الثلاثاء، ٨ سبتمبر ٢٠٢٦
أنا زيك ماتيجي نبقي صحاب ونشجع بعض🙂
تم النشر الثلاثاء، ٨ سبتمبر ٢٠٢٦
لو مش مواظبة علي الصلاة.... انسي التوفيق
تم النشر الثلاثاء، ٨ سبتمبر ٢٠٢٦
واظبي علي صلاتك...... والدعاء..
تم النشر الثلاثاء، ٨ سبتمبر ٢٠٢٦
ربنا معاك ويقويك .. وحابب افكرك اننا جايين الدنيا بنسعى طول الوقت وبنعمل اللى علينا والنتيجة والتوفيق دى من عند ربنا .. وان شاء الله ربنا يقضى حاجتك
تم النشر الثلاثاء، ٨ سبتمبر ٢٠٢٦
لعرض السؤال في فدني اضغط هنا