وعليكم السلام ورحمة الله وبركاته بسم الله الرحمن الرحيم.. هقسم الأجابة علي نقط واضحة حسب الأولوية عشان تحقق أقصي استفادة 1.العلاقة مع الله الصلاة. جاهدي نفسك بشكل كبير جدا لأن الصلاة لو راحت يبقي أي حاجة في الدنيا دي مهما كانت كبيرة ملهاش لزمة قال صلّى الله عليه وسلم -( أولُ ما يحاسبُ بهِ العبدُ يومَ القيامةِ الصَّلاةُ ، فإنْ صَلَحَتْ ، صَلَحَ سائِرُ عَمَلِه ، و إنْ فَسَدَتْ فَسَدَ سائِرُ عَمَلِه) فاستعيني بالله وابدأي بضبط الصلاة وبعض الأسباب اللي ممكن تعمليها 1.الدعاء.... بالتوفيق والهداية والسداد..... و..اللهم يا مقلب القلوب ثبت قلبي علي دينك... وأدعية الي ما لا نهاية 2. ان أول ما تسمعي الأذان تقومي وتسيبي اللي في اديكي أيا كان هو اي مهم أو لا..... قال الله تعالي ﴿فَإِذَا قَضَيْتُمُ الصَّلَاةَ فَاذْكُرُوا اللَّهَ قِيَامًا وَقُعُودًا وَعَلَى جُنُوبِكُمْ فَإِذَا اطْمَأْنَنتُمْ فَأَقِيمُوا الصَّلَاةَ إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَّوْقُوتًا (103)﴾ 3.قولي لمامتك وأختك يحثوكي ويساعدوكي علي المداومة علي الصلاة 4.اسمعي بودكاست دكتور أحمد العربي سلسلةالعبادات 5.نزلي برامج الصلاة والأذكار +في حجات كتير طبعا غير دي بس أهم حاجة استعيني بالله وتوكلي +طبعا مفروض تشوفي الصلوات اللي انتي سيبتيهم اد اي لأن ده فرض... كل شيئ بهدوء وواحدة واحدة(﴿وَاسْتَعِينُوا بِالصَّبْرِ وَالصَّلَاةِ وَإِنَّهَا لَكَبِيرَةٌ إِلَّا عَلَى الْخَاشِعِينَ (45)﴾) القرآن..... قراءة و حفظا وتفسيرا وتدبرا ولو آية واحدة في اليوم حفظ ووآية تفسير و ربعين أو جزء حسب اللي تقدري عليه....... قال صلّى الله عليه وسلم: أَحَبُّ الأعمالِ إلى اللهِ أدْومُها و إن قَلّ +ياريت لو عندك وقت تبقي أولويتك تقرإى سورة البقرة يوميا.... أو تقسميها على يومين الذكر..... اوعي تفوتي يوم متقرإيش فيه أذكار الصباح والمساء..... وخلي لسانك دايما ميسكتش دايما سبحان الله والحمدلله ولا إله إلا الله والله أكبر لما تجيلك وسوسة استعيذي بالله واذكريه وبإذن الله ربنا هيجنبك الوسوسة دي+الوسوسة مش من الشيطان بس... ساعات تلنفس بتتعود عليها فبتتحول لنفسية .... فزي ما قلتلك كدة.... إن شاء الله لو عملتي الحجات دي بس ربنا هيوفقك ويهديكي. النية..... أهم شيئ ممكن تعمليه إنك تخلصي نيتك وتقري بأخطائك وتبدإي صفحة جديدة بتوبة .... إن الله يحب التوابين ويحب المتطهرين الدعاااء...... زي مذكرت فوق...... اللهم يا مقلب القلوب ثبت قلبي علي دينك.... 2.المذاكرة للثانوية.... فاضل 4 شهور.... لو ركزتي واجتهدتي شوية ربنا هيوفقك وهتجيبي مجموع كويس.... نظمي المواد.... واحنا داخلين علي فترة مراجعات.... وفي ناس منزلة كمان أصلا شرح ع اليوتيوب... ممكن لو عايزهم أبعتهملك مباشر بدل ما ادوري..... بس طبعا بعد متعملي رقم واحد.... أنا قلت إن أنا مرتب حسب الأولوية 3. العلم الشرعي... أنا مقدرتش أفهم انتي وصلتي لحد فين... بس ىكزي علي الصلاة و القرآن والتفسير والتدبر والمذاكرة ومدافعة الوساوس 4.الشباب اللي كلموكي..... 1.بلكي كل الحسابات من تلفونك أو تلفون أختك..... 2.حاولي تتبعي مع حد أكبر منك تقوليله انتي وصلتي لحد فين ويتابع معاك.... وف نفس الوقت ميكنش يعرفك شخصيا.... 3.ركزي في حياتك دلوقتي... والحجات اللي فوق4. انسيهم أكن مفيش حاجة حصلت... وركزي ازاي أرضي ربنا 5. العادة السرية.... 1.ركزي امتى عادة بيجيلك الشعور ده امتي في اليوم..... وحاولي تبقي مشغولة في الوقت ده....2.غض البصر.... مهم جدا جاهدي نفسك.... 6.النقاب.... 1....أول حاجة راجعي الحكم الفقهي للنقاب... في الواجب والمستحب..... لأن حكم الوجوب يشمل ان جسد المرأة كله عورة(يشمل العيون... والكفين والوجه كله بصفة عامة) فراجعي الأحكام كويس عشان تتأكدي إنك علي صواب.... واوعي تسيبه لأنه فضيله كبيرة 2.... بالنسة لعلاقته بالجواز.....( مش عارف هل ده أصل المشكلة أو ليه علاقة بيها أو لا.... عشان بدأتي بيه الكلام بس يعني)...... ملوش علاقة أبدا.... بالعكس... لو انتي عايزه واحد متدين....-وده المفروض واللي فهمتو برضو-.... النقاب بيبقي العلامة الأولي للشاب اللي عايز الجواز والعفاف.... ولو سأل عليكي ولقاكي تصلحي له..... ممكن يكلم أبوكي أو حتي حد من قرايبك عشان يشوفك....فمتفكريش في الكلام ده.... وبالله ركزي في علاقتك مع ربنا والمذاكرة.....بجد أخلصي النية ربنا هيعينيك... وادعي انه يعينك... وممكن تكلمي حد أكبر منك منتقبة برضو هتفيدك... حتي لو متعرفهاش أو تعرفك.. 7.إحنا في رمضان..... يعني ده أسهل وقت تعملي فيه أي حاجة من اللي فوق.... ركزي.... وأخلصى النية وربنا هيعينك 8.آية مهمة.... في سورة العنكبوت...... ﴿أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ (2)﴾.... لازم تصبري علي الفتن....... ومتنسيش الحديث.... أشدُّ الناسِ بلاءً الأنبياءُ ثم الأمثلُ فالأمثلُ ......... أرجو مكنش نسيت حاجة..... وتكوني استفدتي.... ممكن لو استفدتي حكي حتي لايك علي الإجابة....+لو في حاجة تانية ممكن تردي ف تعليق أو تبعتي...... ربنا يهديكي ويسددك ويثبت قلبك ويرزقك الزوج الصالح والذرية صالح الكلام ده كله أنا اللي كاتبه.. خد وقت كبير.... ربنا يوفقك
تمام الله المستعان... ربنا يوففك
تم النشر الثلاثاء، ٣ مارس ٢٠٢٦
سأقول لك الي ما وصلت اليه لقد انهيت تمام موضوع الذي من مصر بهدوء وتقبل الوضع عملت له بلوك اعتذرت هذه العاده السريه القذره واعتزلت من كل السوشيال رجعت الي صلاتي والي حفظ القرآن وتلاوته بدأت ارجع الي الذكر رجعت الي دراستي نظمت جدولا وبأذن الله سأصل لحلقي هذه السنه اصلحت علاقتي مع اهلي اما ذالك الذي من بلد عربي منذ اكثر من ٥ أشهر لم اكلمه وليس عندي النيه واظنه سيتزوج هناك ولا داعي لان أشعر بالذنب احببت رسالتك سأحفظها عندي وافعل كل ما تقول بالنسبه للنقاب فاني قصدت ان نفسي تراودني لخلعه لكني ثابته ولله الحمد والله استحي ان اتكلم معك عن موضوع الزواج لكني اخرجته من رأسي كليا واقتنعت تماما انه ليس حتي سبع سنين اخري فتركته واني والله احاول غض بصري فالحمد لله علي تغيري دعواتك لي ان يثبتني الله وجزاك الله خيرا علي مجهودك في كتابه الرساله
تم النشر الثلاثاء، ٣ مارس ٢٠٢٦
جزاك الله خيرا يا اخي واحسن اليك
تم النشر الثلاثاء، ٣ مارس ٢٠٢٦
لعرض الإجابة في فدني اضغط هنا