بصي يا حفصة عايزة أقولك حاجة مهمة… فكرة إنك تبقي شخصية تانية في الإجازة دي مش صح أوي، الأحسن إنك تطوري نفسك واحدة واحدة لحد ما تبقي نسخة أحسن منك مش حد تاني خالص أول حاجة لازم تبقي فاهمة نفسك شوية، إنتي بتحبي إيه بجد وإيه اللي ممكن تكملي فيه حتى لو اتعبتي أو زهقتي، لأن أي حاجة هتبدأيها من غير اقتناع غالبًا مش هتكملي فيها.. بالنسبة للروايات، هي حلوة وبتوسع خيالك وده واضح عندك فعلًا لأنك كتبتي جزء من رواية قبل كدا، بس متخليهاش كل وقتك، الأفضل إنك تستغلي ده إنك تكملي اللي بدأتيه أو تكتبي حاجة جديدة، كدا تبقي حولتي الحاجة اللي بتحبيها لمهارة الكروشيه او اشغال الهاند ميد برضو بداية كويسة، لو حاسة إنك ميالة ليها كمّلي فيها وحاولي تتطوري واحدة واحدة، حتى لو بتعملي حاجات بسيطة، مع الوقت هتلاقي نفسك بقيتي أحسن بكتير بس أهم نقطة بجد متلخبطيش نفسك بين كذا حاجة، متدخليش في جو إني عايزة أتعلم كل حاجة مرة واحدة، اختاري حاجة أو اتنين بالكتير وركزي عليهم كويس، لأن بصراحة الاستمرار أهم بكتير من الحماس في الأول… في ناس كتير بتبدأ بحماس جامد وكأنها هتعمل كل حاجة، وبعد شوية بتقف في النص وتكسل حاولي كمان تتعلمي تنظيم يومك حتى بشكل بسيط، يعني يبقى عندك وقت لحاجة مفيدة ووقت راحة عادي، مش لازم تمشي على جدول مثالي بس يبقى فيه نظام بسيط يخلي يومك ماشي ولو هتقرأي كتب، اختاري حاجة تفيدك بجد يعني علي سسبيل المثال انتي بتحبي الكتب العلميه و لا الفلسفيه شويه و لا الدينيه ولا اي ف لي حسب كدا ي و لو حابه ارشحلك كتاب ف اي حاجه منهم قولي و هحاول اساعدك..كمان ممكن تبدأى بكتاب العادات الذرية، ده بيفهمك إزاي تبني عادات صغيرة وتثبتي عليها وده اللي إنتي محتاجاه فعلًا..وكمان أنا شايفة إنك تسمعي البودكاست اللي كله بيوصي بيه حرفيا زي علاء حامد (الداء والدواء) وعبد الرحمن ذاكر الهاشمي، دول محتواهم كويس جدًا وهيفيدك في طريقة تفكيرك وفهمك لنفسك، بس خدي منهم بالراحة ومتحاوليش تطبقي كل حاجة مرة واحدة وفي شوية حاجات بسيطة لو عملتيها هتفرق معاكي حاولي تقللي وقت الموبايل شوية، اكتبي يومياتك حتى لو كام سطر، اتعلمي تعملي أكل بسيط، ده هيفيدك جدًا بعد كدا، اعملي أي نشاط خفيف زي المشي عشان نفسيتك تبقى أحسن.. وفي الآخر خالص، متضغطيش على نفسك إنك لازم تعملي كل حاجة في الإجازة، خديها واحدة واحدة، ثبتي نفسك على حاجة ولما تمشي فيها كويس ابقي زودي غيرها، أهم حاجة الاستمرار مش البداية الحماسية وخلاص. معذرة ع الاطاله بالتوفيق🤍
معلش اني طوّلت ف الكلام..بصي انتي فعلا شبهي ف حبك للمحتوي اللي زي كدا لو ع السياسه و كدا انا بتابع الاخبار بتاعت الحروب و هكذا من المواطن سعيد كمان هوا كان منزل قصص تاريخيه دينيه حلوه و في قناة عشوائيات جميله برضو و في ريهام عياد القصه و ما فيها و في احمد عامر مش فاكره اسم قناته...و باقي القنوات التانيه بجد مش فاكراها بس دول اكتر قنوات كويسه بالنسبالي مش عارفه هينفعو معاكي ولا لا..يا رب اكون فدتك انا طوّلت عشان الكلام اتمسح بعد م كتبته 🙂
تم النشر الأحد، ٣ مايو ٢٠٢٦
بصي انا العفن الدماغي كان ببصوت من الرسالة لكن قراتها بالعافيه وهي مهمة جدا بصراحة وكلامك مقنع انا بحب التاريخ والسياسية والحجات دي اوي واحب اسمعها كمان واعيش الاجواء ف عالم تاني لو تعرفي حد يكون ثقه بيحكي حكايات تاريخية من الادب العربي والاسلامي او السيرة النبويه والحجات دي وتاريخ مصر وكل ما هو تاريخ ياريت تفيديني اتابعه
تم النشر الأحد، ٣ مايو ٢٠٢٦
لعرض الإجابة في فدني اضغط هنا