إنا متعرفه علي حد يعني علاقتنا سطحيه كدا يعتبر زمايل بس مبنتكلمش والسبب اصلا الي اتعرفنا علي بعض من خلاله خلاص معندناش فيه بس من حين لأخر كدا لو مناسبه او كدا بندخل نعيد علي بعض حاجات بسيطه يعني بس من فتره صغيره حوالي شهر كدا بدأت اللحظ انه مثلا بيعبت يسأل عامله اي في الكليه والدراسه ولما برد واسئل انا كمان يقعد بالاسبوع وبعدها يرجع يرد ويقول انه كان مشغول وبعدين يرجع يسأل سؤال ولما ارد نفس الحوار اسبوع كمان ويرد بعده هو عادي ممكن الإنسان يكون مشغول في حياته بس معتقدتش للدرجه دي يعني أنا مش فاهمه بقي هل انا بأفور تفكير ولا ده تصرف غريب ولا اي مع العلم ان الشخص محترم جدا ويعني اخلاقه كويسه
المرة الجاية لما يبعتلك، ردي عليه بعدها ب اسبوعين وبردو قوليله معلش كنت مشغولة. علاقتكم سطحية وهو لا مشغول ولا حاجة هو بس مش مهتم اصلا وبيبعت ليكي ولغيرك معايدات وسؤال سطحي بدون اهتمام حتى تردي او لا. فمتديش اهتمام لرسايله وحتى لو مردتيش خالص مش هتخسري حاجة.
تم النشر الأربعاء، ١٧ أبريل ٢٠٢٤
هو مش شرط الانشغال ...الناس بترد على الرسايل حسب درجة اهمية الرساله وحسب القدرة على الرد اصلا فانتى متعرفيش باقى تفاصيل حياته ولا معدل الرسايل اللى بتوصله ولا معدل تركيزه ولا موده ...وحاجات كتير اوى ممكن تخلى الانسان يول لدرجة انه يشوف الرساله بس حتى الرد اللى فى ذهنه بيكوون مش قادر يكتبه
تم النشر الأربعاء، ١٧ أبريل ٢٠٢٤
تشغلي نفسك اكتر ومتفضليش مستنيه يرد عليكي طبيعي ان الانسان ينشغل بس متعلقيش نفسك لانك كل ما هتفضلي مستنيه يبعت هتتعبي انو مبعتش وانك متوقعاه يبعت ويرد زي ما بيرد ف الوقت الفاضي فيه ويستحسن والافضل حطي حد للموضوع اختفي وردي علي القد وهوا لو رايدك في الخير هيعمل علشان متعلقيش نفسك وتتعبي
تم النشر الثلاثاء، ١٦ أبريل ٢٠٢٤
اعتبري نفسك متزوجة من شخص آخر وعامليه على هذا الأساس هترتاحي نفسيا ودينيا .. ولو منتظرة أن العلاقة دي تتطور لزواج فأنت مش مطلوب منك تربطيه بالكلام معاه .. هو شافك وعرفك ولو مهتم هيتقدم لك لما تكون ظروفه مناسبة!
تم النشر الاثنين، ١٥ أبريل ٢٠٢٤
اعتقد بيتقل عليكي عشان توصلي للدرجة دي من اللهفة أو التشتت الذهني والتفكير فيه !
تم النشر الاثنين، ١٥ أبريل ٢٠٢٤
لعرض السؤال في فدني اضغط هنا