mahmoud farrag

اول حاجه لازم تتعلمي ازاي تدعي صح لازم ف اول دعائك تثني علي ربنا بعد كدة تصلي علي النبي الصلاة الابراهيمية المعروفه بعد كدة تدعي ما في قلبك وادي دعاء زي الطفل اللي بيعوز حاجة ف بيعيط علشان ياخدها بس لكن متفضليش مستنيه تشوفي نتيجة للدعاء لوفضلتي مستنيه هتتعبي ادعي وانشغل ف يومك وحياتك وصلواتك استجابة دعائك مش شر تحصل في وقتها ومش شرط تحصل نفس الحاجة ممكن ربنا يكف عنك حاجة وحشه ممكن ربنا يرزقك انشراح الصدر والحاجة تيجي بعدين كل دي تقادير ربنا واعلمي حاجتين مهمتين اول حاجه انا جينا علشان نعبد ربنا وتاني حاجة اخترنا لله هنروح عند ربنا ف متشليش هم وادي ديما رب دبرلي ف إني لا احسن التدبير ويا حي يا قيوم برحمتك تستغيث اصلح لي شأني كله ولا تكلني إلي نفسي طرفه عين وربنا يحققلك اللي نفسك فيه ان شاء الله

اول حاجه لازم تعرفي أن دا طبيعي يحصل معاكي كل فترة لأننا بشر وبنتعرض لحجات كتير مشاكل حجات يتضايق مواقف فرح حزن كل دا بيخلي ف الآخر يحصلك تشتت تحسي انك تايه بس الفكرة بقي انك تطلعي نفسك من كل دا ازاي لازم طبعا يبقي عندك هدف ف حياتك سواء شغل أو بتدرسي أو قاعدة ف البيت كل دول عندهم هدف بس كل هدف مختلف عن التاني ف لازم تعرفي هدفك بعد كدة تيجي ليومك عامل ازاي اول حاجة تبتديها الانتظام ف الصلاة بمواعيدها يعني اول ما يأذن تتوضي وتصلي يجي بعد كدة تهتمي باكلك وتهتمي بلبسك ونظافتك الشخصية كل دول حجات أساسية لابد منها ويتحسن كتير اوي ف المود تيجي بعد كدة للورد اليومي تخصصيلك وقت تقرأي فيه قرآن مش لازم كمية معينة كبيرة أو صغيرة بس ابدأي واحده واحده متكتريش اوي علشان متتعببش وتلاقي نفسك كسلتي المهم تيجي بعد كدة لهدفك تشوفي هتحققيه ازاي بس والموضوع كلوا انك تحبي نفسك وتفهميها وتبقي حنينه عليها علشان كتر جلد الذات وحش وبيهد وربنا يريح بالك ويكرمك

تشغلي نفسك اكتر ومتفضليش مستنيه يرد عليكي طبيعي ان الانسان ينشغل بس متعلقيش نفسك لانك كل ما هتفضلي مستنيه يبعت هتتعبي انو مبعتش وانك متوقعاه يبعت ويرد زي ما بيرد ف الوقت الفاضي فيه ويستحسن والافضل حطي حد للموضوع اختفي وردي علي القد وهوا لو رايدك في الخير هيعمل علشان متعلقيش نفسك وتتعبي

تاني حاجة يا سيدي انتا لازم تشغل نفسك الانشغال بكذا جانب جانب ديني وجانب اجتماعي وجانب نفسي وجانب بدني لازم تغذي كل دول اول طريق لكدة صلاتك بعد كدة وردك اليومي واقرأ بتروي نيجي بعد كدة الاجتماعيات اهم حاجه ف الاول اسمع خليك مستمع جيد ودير الحوار ازيك اخبارك بس خدهم بهدوء كدة ومتخليها الحوار بحماسه كدة ويخلص وبعدها تقعد ساكت لا اهدي وخد نفس قبل ما تتكلم وابدا الموضوع مع قرايبك صلة الرحم زورهم روحلهم اتكلم معاهم كدة نيجي بعد كدة النفسي النفسي هيظبط مع اللي فات دول بس اهم حاجه تدي نفسك براح ومتجلدهاش هون عليها والجانب البدني يا سيدي هيبقي تمارين ممكن تخليها جري رياضة الجري اكتر رياضة تغيرلك مودك اوي بتوسع المدي البصري وتغذية هتخليك نفسيا سعيد مش لازم جيم بس جري شوف اي تراك ف نادي أو تيم جري ف محافظتك أو مدينتك واجري ولو عرفت تروح جيم روح بس يا سيدي وموفق باذن الله 🙏

بص طبيعي اللي انتا فيه وهتلاقي كل الناس بتحس بيه ف فترات من حياتها لأن طبيعي جدا تبقي اوقات عندك طاقة وأوقات تبقي مفيش طاقة لاي حاجه ف تصالح مع كدة