السلام عليكم
كنت حابه تفدوني بالي انا فيه
انا بنت عمري 19 و طالبه جامعيه اتعرفت على شب في الانترنت في قمه الاحترام و حنون لابعد حد و اعترفلي بمشاعره من عشر شهور و انا اعترفتله بمشاعري بعد اعترافه بشهرين و دخلنا ارتبطنا و كل كلامنا كان بحدود و احنا عارفين كويس ان علاقتنا حرام شرعا و بسبب كده بنحاول قدر الإمكان ميحصلش بها تجاوزات و اغلب كلامنا بيبقى عبارة عن كيف مر يومنا و بنطبطب على بعض من ايامنا المتعبه ...
هو مختلف نوعا ما عني ...نفس تفكيري و اكبر مني بثلاث سنوات بس ... هو شيعي و انا سنيه و رغم كده مشوفتش منه إهانة الصحابه ذي ما هو منتشر عنهم بالنت بالعكس محترمهم و يقتدي بهم بافعالهم الحسنه و ملتزم بصلاته و ده الفرق إلى يعتبر بينا فقط و ده خلاني احترمه و احبه وكان بيجيلي خطاب كتر لكن كنت برفض بس عشانه بحكم أنه وعدني عارفه دلوقتي هتقوللي انتي غبيه انك تصدقي وعد منه؟ ...
انا مش من نوع إلى بصدق لكن ...كان عندي بصيص أمل أنه فعلا يجي و يوفي بوعده لأن ولا مره كسر كلمته و كان بيبقى قدها ... و حاليا جالي شخص تاني يعتبر معرفه لاقاربي و انا رفضه تماما لكن اهلي موفقين و اتفقوا معه على النظرة الشرعيه و أنا رفضت كعادتي لكن هم خلاص اتفقوا بدون معرفتي و انا قلبي متعلق بالشخص إلى احبه لما حكيتله كان مصدوم و وصل لحاله البكاء بسبب العجز و القهر إلى كان فيه و كان بس منتظر بس يتخرج من جامعته و يجي يتقدم و كان فاضل بس سنه على تخرجه و حاليا انا بين نارين ...نار اني ارضى اهلي و نار مشاعري للشخص ده
اول حاجه نصيحه من اخت فى سنك انتى الشخص اللى ربنا كتبلك فيه النصيب ليكى هيكون معاكى أن كان الشخص اللى متقدملك او الشخص التانى وكمان فى حاجتين الاولى أن انتى الشخص اللى اما تكلميه مشوفتهش على الحقيقه وفى الواقع تمام يعنى متعرفيش طباعه ممكن والله اعلم يكون اما يبيلك الحلو اللى فيه عشان انتى ترضى بيه والحاجه التانيه اقعدي مع الشخص اللى متقدملك وتبعى كلام اهللك وبعدين صلى صلاه استخاره واللى ربنا كاتب فيه الخير ليكى هيكون معاكى متعلقيش نفسك بشخص انتى مش عارفه ولا عارفه شكله ولا تصرفاته وردود الفعاله على اي حاجه انتى اما تعمليها وكمان نصيحه لوجه الله انتى لو اتخطبتى اللى واحد فيهم خالى الخطوبه تقعد على الاقل حاجه سنه وتتقابلو كتير وتتكلمي اكتر مع بعض وتكونوا صرحه مع بعض
تم النشر السبت، ١٠ مايو ٢٠٢٥
وعليكم السلام ورحمه الله وبركاته. انا عايزاكي تعتبري الفتره اللي انت؟ قعدت فيها تتكلمي وتبادلي مشاعر مع الشخص ده على الانترنت اعتبريها كانت فتره كده زي ما تكوني بتحلمي وبعدين صحيتي على الواقع لانه العالم الافتراضي وطالما في حاجات كلها بتحصل افتراضيا احنا افتراضيا بنتواصل الحقيقه ده مش تواصل حقيقي ليه انت ما تعرفيش الشخص ده اييي كون هو قال لك ان هو بيتبع مذهب معين انت مش متاكده ان هو يقول لك انه رغم المذهب ده ان هو بيحترم انت مش متاكده اللي مش متاكده وزائد على عدم التاكيد انت ما تعرفيش ايه اللي لسه يعني وراء الشخص ده. الحلم خلص وكفايه احلام ممكن نصحى كده ونعيش في الواقع اكثر لانه حتى ولو افترضنا انه التفاصيل اللي قلتيها دي موجوده في الواقع فتعالي نشوف لما التفاصيل دي تكمل لقدام ايه اللي هيحصل هل هو يعرف ااا انه لما يحب يتقدم لبنت سنيه اهلا ويوفقك ولا لا ما اعرفش طيب هل تعرفي ساعتها لو هو اهله ما فيهوش فقال لك انا مش فاضله لان انا مش موافقين انت هيكون وضعك ايه هتحسي بايه ما تعرفيش ما تعرفيش حاجات كثيره جدا جدا فبلاش التعامل مع الاشياء الافتراضيه دي وكانها مؤكده لانه الوعود سهله الكلام سهل اا خصوصا لما نكون لسه بنوعد وعود اللي هو لما اخلص لما ارتب نفسي يعني ده سهل جدا ليه لانه احنا لسه كتير جدا هيحصل ايه في الوقت ده او هيحصل ايه عقبال ما يجي الوقت ده الله اعلم واللحظات بتاعه القهر دي سهله جدا واه يعني ما كنتش متخيل ان يبقى الوضع كده وانا كده في وضع المظلوم المتقلم بكل دي امور جوه الاحلام لكن الواقع شيء مختلف خالص الواقع لما يكون في راجل هو راجل حقيقي بيتحمل المسؤوليه مش المفروض يعمل تصرف ده ابدا ولا يعلق بنت ابدا وهو ما يعرفش لسه المستقبل بتاعه عامل ازاي ولا اذا كان فعلا هيقدر يوفي بوعده ولا لا؟ خليكي في الواقع. اقعدي مع الشخص اللي متقدم لك وتقدري بعد الرؤيه بعد الرؤيه الشرعيه تقدري تقولي انك فعلا تقبلتي او متقبلتهوش ولكن اقعدي معاه بشكل صادق انك عايزه تشوفي اذا كان الشخص ده ربنا ممكن يكون كاتب لك معاه خير وحياه كويسه ولا لا؟
تم النشر السبت، ١٠ مايو ٢٠٢٥
لعرض السؤال في فدني اضغط هنا