أنا عندي طموح كبير جداً جداً ونفسي أحقق حاجات كتير، وكنت شاطرة جداً في دراستي وبلعب رياضة. لكن من أول تالتة إعدادي لحد تالتة ثانوي، مستوايا الدراسي بدأ ينزل ومكنتش بقدر أذاكر، وكنت باجي على نفسي وبضغط عليها عشان أهلي وبس، وكنت دايماً فاكرة إن ده مجرد كسل وضعف إرادة مني، مع إني من وقتها وأنا جبانة ومعنديش ثقة في نفسي.
.لما دخلت الكلية في الأول كنت نشيطة جداً وبدأت بهمة، لكن فجأة وقعت ومبقتش قادرة أقوم أصلاً؛ حتى الحاجات اللي كنت بقول عليها كسل زمان اتحولت لعجز تام، مع إني من جوايا نفسي أقوم وأشتغل وأتحرك. النتيجة إني رسبت وعيدت السنة، ومقلتش لحد. ولما عيدت السنة، لقيت نفسي بكرر نفس النظام ونفس الغلطات بالظبط؛ مطورتش في أي حاجة، ومش عارفة ألتزم بأي حاجة في حياتي، لا عارفة أخس، ولا أظبط نومي، ولا ألتزم في الكلية. كل ما بحاول أبدأ وأضغط على نفسي برجع أسوأ من الأول، ولسه بغيب من الكلية بنفس الشكل.
ثالثاً: الأعراض اللي بحس بيها يومياً
:
على المستوى الجسدي: بصحى مش قادرة أقوم من على السرير نهائي، بحس كأني مربوطة ومتحجرة في مكاني ومش قادرة أتحرك رغم إني عايزة أقوم.
على المستوى النفسي والشخصي: فقدت ثقتي في نفسي تماماً وحاسة إني معنديش شخصية، وفاقدة الهوية ومش عارفة أنا عايزة إيه. بقيت عصبية جداً ومش بقدر أستحمل، وجبانة جداً ومش بقدر أواجه اللي حواليا ولا آخد حقي.
على المستوى الاجتماعي: التواصل مع صحابي بقى تقيل أوي على قلبي، ممكن أقعد بالشهور مكلمهمش ولو هما مسألوش مسألش، ومبقتش حاسة بمشاعر حب ناحيتهم، ده غير إن حصلت لي مشاكل وضغوط مع بعض زمايلي في الكلية ومواقف استنزفت طاقتي وخلتني حاسة بغربة وتوتر أول ما أقرب من الكلية.
على المستوى الديني: بعيدة عن ربنا جداً، وبقع في ذنوب متكررة، برجع وأتوب بس برجع أبعد تاني، ومفيش صلاة، وحاسة إن كل حاجة تقيلة أوي على قلبي.
رابعاً: تأثير البيت والأهل:
في البيت عندي ضغط وتناقض كبير؛ ماما شايفاني شاطرة ومتفوقة ومكانتش بتقبل إني أنقص في أي حاجة، وبابا عادي، لكن رغم كده أهلي دايماً بيتنمروا عليا في أي حاجة حتى لو حاجة أنا بحبها، وبيتريقوا دايماً على وزني (مع إن جسمي كويس ورياضي)، وبيقللوا مني ويقولوا لي إني مش بفهم أو غبية.

بصي اول شيء انت مشكلتك هي ميزه عندك ف نفس الوقت انت محدده كل المشاكل اللي عندك و دي ميزه بس عاوزه تحلي كلو مره واحده بأحسن شكل و دي مشكله و بتفكري كتير قبل م بتعملي خليكي متهوره شويه ف فتره زي دي اقصد ب متهوره هو انك تتصرفي من غير م تفكري خلي تصرفاتك تسبق تفكيرك خلينا نبدأ من اول م صحيتي من النوم تقومي معرفتيش تنادي على حد يقومك دا مش غلط بالمناسبه لازم ف فتره ضعفك تفهمي انو حواليكي أهل عادي تطلبي المساعده منهم خلينا نرجع لنفس النقطه انت قمتي علطول روحي خدي دش أو اتوضي و روحي صلي ركعتين مش عاوزك تفكري قبلها عاوزك تنفذي متقوليش هعمل كذا و كذا و كذا و كذا دا اللي بيتقل الجسم عاوزك تعملي دا بس صليتي خلاص حلو اوي نروح بقا نحدد مذاكرتنا اكيد عندك فكره عن منهجك خدي درس ذاكري درس واحد بس اختاري طريقه مذاكره قريبه لعقلك و نفذي علطول و خلي ف تفكيرك طالما انا ف وعيي انا قادره اذاكر انا كنت بعمل كدا و كانت بتخليني اتخطى اللي كنت فاكرها حدودي بكتير و انا مش عاوزك تتخطي حدودك بكتير انا عاوزك تخلصي الدرس بعدها تطلعي تشمي هوا ف اي مكان و تكافئي نفسك و هكذا ف كل حاجه القاعده العامه اعملي الاول بعدين فكري و متحسبيش انت عملتي كذا و معملتيش كذا اعملي وبس منغير ما تحسبي و منغير ما تفكري و عاوز اقولك حاجه كونك غلطتي كتير دا مش معناه انك خسرتي ف اي حاجه دا بس معناه انو لازم تصلحي ف اللي جي و انت زي م كنتي كويسه ف حياتك تقدري ترجعي احسن و احسن باختصار يا اختي اللي بيعيقك هو تفكيرك
تم النشر الثلاثاء، ١٧ نوفمبر ٢٠٢٦
أختي العزيزة، أولاً أريد أن أؤكد لكِ أن ما تمرين به ليس مجرد "كسل" أو ضعف إرادة كما كنتِ تظنين، بل هو مزيج من الإرهاق النفسي والجسدي الناتج عن ضغوط متراكمة، وفقدان الثقة الذي يتغذى على نفسه، وتأثير البيئة المحيطة التي تقلل من قيمتكِ بدلاً من دعمها. هذا الشعور بالعجز التام رغم الرغبة الداخلية في التحرك شائع جداً عندما تتراكم الضغوط منذ سنوات المراهقة، ويحول الطموح إلى عبء ثقيل. أنتِ لستِ وحدكِ في هذا، وهذا الاعتراف خطوة قوية نحو التغيير. من منظور نفسي واجتماعي، البيئة الأسرية التي تتنمر على وزنكِ أو تقلل من ذكائكِ حتى في الأمور التي تحبينها تخلق دورة سلبية: تفقدين الثقة، فتقل الإنجازات، فيزداد النقد الداخلي والخارجي. هذا يؤثر على طاقتكِ اليومية، فيصبح النهوض من السرير تحدياً جسدياً ونفسياً، ويمتد إلى العلاقات الاجتماعية والدينية. إسلامياً، تذكري أن الله يرى جهدكِ الداخلي ولا يحاسبكِ على ما لا تستطيعينه حالياً؛ الرجوع إليه تدريجياً من خلال أذكار بسيطة أو صلاة قصيرة يمكن أن يعيد بعض السلام الداخلي دون ضغط إضافي، فالإيمان يعطي قوة لمواجهة مثل هذه التحديات. لنبدأ بخطوات عملية صغيرة وقابلة للتنفيذ: قسمي أهدافكِ الكبيرة إلى مهام يومية صغيرة جداً، مثل "أقرأ صفحة واحدة فقط" أو "أمشي 10 دقائق"، واحتفلي بكل إنجاز مهما بدا تافهاً لتعيدي بناء الثقة تدريجياً. حاولي تحديد وقت ثابت للنوم حتى لو بدأتِ بتعديل 15 دقيقة يومياً، واستخدمي مذكرة لتسجيل ما تشعرين به يومياً لتري الأنماط. أما بالنسبة للأهل، فيمكنكِ التركيز على حماية طاقتكِ داخلياً بتذكير نفسكِ بإنجازاتكِ السابقة، والبحث عن مساحات خارج المنزل تعزز شعوركِ بالهوية. ابحثي عن أسئلة مشابهة على فدني للحصول على وجهات نظر إضافية، وتذكري أن التقدم يأتي بخطوات صغيرة متسقة، وأنتِ قادرة على ذلك.
تم النشر الثلاثاء، ١٧ نوفمبر ٢٠٢٦
لعرض السؤال في فدني اضغط هنا