البخيل دايما بيكون عنده خوف من الصرف حتى لو كان الموقف يستدعى الكرم وديما بيشتكي من المصاريف والحياة حتى في ابسط الأشياء العادية اليومية بيربط كل شيء في حياته بالفلوس وبيقيس جودة علاقاته على مدى الصرف والكلام ده وغيرها من الصفات اللي غالبا مش بتروح بعد الزواج حسن التصرف إنه يكون العادي بتاعه كريم بس منظم في طريقة صرفه وبيحاول يستثمر الفلوس في أفضل خيار ممكن بس بيصرف عادي في المواقف اللي تستحق بالنسبة للي حضرتك قولتيه ده خلينا اكون صريح معاكي خاصة اللي حصل من أهله ده مؤشر خطير إن ده طبع العائلة وهو واحد منهم عادي يعني متأثر من طبعهم خليني بقى اقولك امر اخر خاص بالخطوبة الخطوبة في الاسلام مش زواج هي مجرد وعد بالزواج يعني كل طرف لسه اجنبي عن التاني فياريت تراعي الحدود بينك وبينه الهدف من الخطوبة إن كل طرف يتعرف على الاخر في حدود الشرع يشوف طباعه وصفاته وهل هو مناسب ولا لاء الاحترام والجدية مهمين جدا جدا في الفترة دي عشان ميكونش فيه استغلال او تلاعب بيكي الكرم وحسن المعاملة مهمين اوي في الفترة دي لانها بتحدد هيتعامل معايا ازاي بعد كده معاملته مع اهله مؤشر قوي خدي بالك منه لانه هيكون دليل على حسن اخلاقه معاكي في صفات بحرف الكاف ابعدي لو لاقتيهم عنده ( الكبر - الكذب - الكسل) طبعا اضافة إلى البخل لو كان موجود فعلا لو لقيتي دول اهربي فورا من العلاقة دي في الخطوبة المفروض يكون فيه (قبول شكلي - ارتياح نفسي - تكافئ اجتماعي وتعليمي ) لو مش موجودين يبقى تهربي برضوا خدي بالك إن الفترة دي فترة تجملات كل واحد من الطرفين بيعمل احسن اللي عنده فالوضوح والصراحه مهمين جدا جدا في الفترة دي احذري من التجمل ربنا يوفقك لما يحب ويرضى واسف لو بعض كلماتي ازعجتك
طب هو خرجني تاني النهارده و جه خدنا ب اوبر بردو انا و اخويا لحد المول وهو الي دفع حق اوبر، و دفع ١٦٠٠ جنيه كارت العاب في المول، و عزم عليا انا و اخويا ب مشروبات من كافيه بس اخويا صمم هو الي يعزمنا ف اخويا الي عزمنا، لكن بعد الألعاب عزمني على الأكل بس كان بيقولي هتاكلي ولا لا ف قولتله الي انت عايزه عادي كان متردد نقعد ولا لا بس في الآخر قعدنا و طلب لي اكل و اخويا مرضيش
تم النشر الاثنين، ٢٧ يوليو ٢٠٢٦
لعرض الإجابة في فدني اضغط هنا