Galal Ahmad

القصة مش سعر الجلسة طبيعي ولا لاء في قاعدة في العلاج النفسي بتقول لو معرفتش تحسن الحالة مدهورهاش القصة في التشخيص السليم للحالة أولا ثم في العلاقة السليمة الصحية المهنية بين المعالج والحالة ثم في وضع خطة علاجية مبنية على اسس سليمة ثم في نتائج جيدة وتحسن ملحوظ ثم متابعة جيدة بعض التنبيهات في العلاج النفسي مفيش حد بيغير حد هو مش عايز بالنسبة للنساء الحذر كل الحذر من الخلوة مع الرجال لآن في هذا المجال فتنة كبيرة وتغرير وانتهاك وابتذاذ وملاعبة بمشاعر المراءة وحاجاتها اي جلسات مفيهاش خطة واضحة الاهداف بيتم التأكيد عليا كل مرة تبقى الجلسات (قاعدة فسحه) مش جلسه علاجية صحيح بالنسبة طبعا لسعر الجلسه فهو يتراوح بين 500 الي 1500 ملحوظة : الاسعار الكبيرة أو القليلة ملهاش علاقة بشطارة الدكتور وامانته من عدمها .. كمان العلاج من غير فلوس خاااااالص غير مؤثر تماما . عندي كلام كتيييير في الموضوع ده هبقى انزل عنه منشور لوحده بإذن الله

يقولون إن التاريخ هو (مجموعة من الأكاذيب تم الاتفاق عليها) او التاريخ هو (رواية المنتصر) طبعا مش بقول كده عشان متقرأش اسمع الاستاذ محمد إلهامي الباحث في التاريخ ده ممتاز جدا اسمع الخلافة الراشدة رائعة جدا جدا وجميلة للمهندس ايمن عبدالرحيم فك الله اسره شوف كتاب السيرة النبوية للدكتور الصلابي كتاب ممتع وجميل كتب الدكتور جمال عبدالهادي والدكتور راغب السرجاني ممتازة المهم ابدأ بالسيرة عشان التشتت وبعدها نفسك هتتفح اسمع سلسلة الخلافة للمهندس ايمن وادخل بعد كده على الشرح الممتع للأستاذ محمد إلهامي

القصة مش سعر الجلسة طبيعي ولا لاء في قاعدة في العلاج النفسي بتقول لو معرفتش تحسن الحالة مدهورهاش القصة في التشخيص السليم للحالة أولا ثم في العلاقة السليمة الصحية المهنية بين المعالج والحالة ثم في وضع خطة علاجية مبنية على اسس سليمة ثم في نتائج جيدة وتحسن ملحوظ ثم متابعة جيدة بعض التنبيهات في العلاج النفسي مفيش حد بيغير حد هو مش عايز بالنسبة للنساء الحذر كل الحذر من الخلوة مع الرجال لآن في هذا المجال فتنة كبيرة وتغرير وانتهاك وابتذاذ وملاعبة بمشاعر المراءة وحاجاتها اي جلسات مفيهاش خطة واضحة الاهداف بيتم التأكيد عليا كل مرة تبقى الجلسات (قاعدة فسحه) مش جلسه علاجية صحيح بالنسبة طبعا لسعر الجلسه فهو اقل سعر ممكن يكون الفترة دي ملحوظة : الاسعار الكبيرة أو القليلة ملهاش علاقة بشطارة الدكتور وامانته من عدمها .. كمان العلاج من غير فلوس خاااااالص غير مؤثر تماما . عندي كلام كتيييير في الموضوع ده هبقى انزل عنه منشور لوحده بإذن الله

خليني بقى اقولك امر اخر خاص بالخطوبة الخطوبة في الاسلام مش زواج هي مجرد وعد بالزواج يعني كل طرف لسه اجنبي عن التاني فياريت تراعي الحدود بينك وبينه الهدف من الخطوبة إن كل طرف يتعرف على الاخر في حدود الشرع يشوف طباعه وصفاته وهل هو مناسب ولا لاء الاحترام والجدية مهمين جدا جدا في الفترة دي عشان ميكونش فيه استغلال او تلاعب بيكي الكرم وحسن المعاملة مهمين اوي في الفترة دي لانها بتحدد هيتعامل معايا ازاي بعد كده معاملته مع اهله مؤشر قوي خدي بالك منه لانه هيكون دليل على حسن اخلاقه معاكي في صفات بحرف الكاف ابعدي لو لاقتيهم عنده ( الكبر - الكذب - الكسل) طبعا اضافة إلى البخل لو كان موجود فعلا لو لقيتي دول اهربي فورا من العلاقة دي في الخطوبة المفروض يكون فيه (قبول شكلي - ارتياح نفسي - تكافؤ اجتماعي وتعليمي ) لو مش موجودين يبقى تهربي برضوا خدي بالك إن الفترة دي فترة تجملات كل واحد من الطرفين بيعمل احسن اللي عنده فالوضوح والصراحه مهمين جدا جدا في الفترة دي احذري من  التجمل ربنا يوفقك لما يحب ويرضى وآسف لو بعض كلماتي ازعجتك

في حاجه مهمة لازم تعرفيها الأول ( لا شيء يسببه سبب واحد ) يعني مفيش اي حاجه بتكون سببها سبب واحد بس بتكون مجموعة أسباب كتيرة حصلت وبناء عليها انت وصلت للمرحلة اللي انت فيها دي طبعا عشان أي حد متخصص يجاوب عليك اجابة تناسبك لازم يعرف عنك معلومات كتيرة شوية زي سنك وطبيعة عملك وعلاقتك بأهلك واهتمامك بنفسك وحالتك الاجتماعية والعاطفية والصحية وعلاقاتك وغيرها من الأشياء المهمة وأي حد هيجاوبك هنا هتكون اجابة عامه ممكن يكون فيها حاجات مناسبة وممكن لاء من أهم اساب الشعور ده هو إن أروحنا اللي ربنا خلقها بتكون منهكه ومحتاجه غذاء زي ما الجسد بيكون محتاج غذاء وطاقة عشان يكمل نفس الكلام الروح والروح غذاءها إصلاح العلاقة بينها وبين خالقها لان ده من أهم أسباب الضيق اذكري ربنا كتييير واحكي واشكي لان ده اقصر واقرب طريق وزي ما قولتك هي مجموعة اسباب والبعد عن ربنا واحد من أهم الاسباب دي استعيني بالله ولا تعجزي ربنا يشرح صدرك وييسر أمرك

البخيل دايما بيكون عنده خوف من الصرف حتى لو كان الموقف يستدعى الكرم وديما بيشتكي من المصاريف والحياة حتى في ابسط الأشياء العادية اليومية بيربط كل شيء في حياته بالفلوس وبيقيس جودة علاقاته على مدى الصرف والكلام ده وغيرها من الصفات اللي غالبا مش بتروح بعد الزواج حسن التصرف إنه يكون العادي بتاعه كريم بس منظم في طريقة صرفه وبيحاول يستثمر الفلوس في أفضل خيار ممكن بس بيصرف عادي في المواقف اللي تستحق بالنسبة للي حضرتك قولتيه ده خلينا اكون صريح معاكي خاصة اللي حصل من أهله ده مؤشر خطير إن ده طبع العائلة وهو واحد منهم عادي يعني متأثر من طبعهم خليني بقى اقولك امر اخر خاص بالخطوبة الخطوبة في الاسلام مش زواج هي مجرد وعد بالزواج يعني كل طرف لسه اجنبي عن التاني فياريت تراعي الحدود بينك وبينه الهدف من الخطوبة إن كل طرف يتعرف على الاخر في حدود الشرع يشوف طباعه وصفاته وهل هو مناسب ولا لاء الاحترام والجدية مهمين جدا جدا في الفترة دي عشان ميكونش فيه استغلال او تلاعب بيكي الكرم وحسن المعاملة مهمين اوي في الفترة دي لانها بتحدد هيتعامل معايا ازاي بعد كده معاملته مع اهله مؤشر قوي خدي بالك منه لانه هيكون دليل على حسن اخلاقه معاكي في صفات بحرف الكاف ابعدي لو لاقتيهم عنده ( الكبر - الكذب - الكسل) طبعا اضافة إلى البخل لو كان موجود فعلا لو لقيتي دول اهربي فورا من العلاقة دي في الخطوبة المفروض يكون فيه (قبول شكلي - ارتياح نفسي - تكافئ اجتماعي وتعليمي ) لو مش موجودين يبقى تهربي برضوا خدي بالك إن الفترة دي فترة تجملات كل واحد من الطرفين بيعمل احسن اللي عنده فالوضوح والصراحه مهمين جدا جدا في الفترة دي احذري من التجمل ربنا يوفقك لما يحب ويرضى واسف لو بعض كلماتي ازعجتك

وعليكم السلام ورحمة الله وبركاته أهلا وسهلا بحضرتك خليني أقول لحضرتك اضاءات بسيطة بس مهمة لآن سؤال حضرتك فيه تفاصييييل كتيرة جدا ... وكمان أي حد هيرد لازم يعرف معلومات كتيرة من حضرتك زي مدة الزواج والاولاد والحاجات الحلوة اللي موجودة في زوجك وغيرها من تفاصيل الحياة بينكما حتى يكون الرد مفيد ونافع وأظن إن حتى سؤال حضرتك مش مقصود تسألي بالشكل ده بمعنى إنك عارفه الإجابة ( اكيد تحملك لزوجك ولكلامه الجارح أو أي أذى منه انت مش هتخدي عليه ذنب بالعكس إن تصبري وتحتسبي تأخذي عليه أجر ) ده شيء بديهي الكل عارفه أولهم حضرتك . الزواج زي اي شيء في الحياة فيه مخاطر ومش كله وردي احيانا سقف التوقعات (الوهمية) إن كل حد منتظر من الطرف التاني الحاجات الحلوة بيكون اكبر خذلان واذى والمشكلة إننا احنا اللي رفعنا سقف التوقعات المنتظرة من العلاقة زي ما هو عنده اخطاء اكيد حضرتك عندك اخطاء احنا بنقيس في العلاقات ايه اكتر من ايه الحلو اكتر من الوحش ولا العكس وده عشان نشوف العلاقة هتستمر ولا لاء مهم في العلاقات الزوجية الحرص على المصالح والمفاسد بمعنى إذا كانت المصلحة اكبر من المفسدة بنكمل وبنعيش وبنصبر على اي اذي بس إذا كانت المفسدة أكبر فلابد من الخروج من العلاقة دي لانها مدمرة وطبعا في حاجات نسبية يعني بتختلف من شخص لشخص . أي خلل بيحصل فى العلاقة الزوجية في الغالب بيكون بسبب اشياء تغافلنا عليها سواء كانت في الدور والمسؤولية او حتى في الاحترام المتبادل وغيرها من الاشياء إللي طول الوقت بنقول بكرة تتغير وبكرة ده مش بيجي خالص ومع الوقت بنتعود عليها اما بتكون علاقتنا بربنا في بيوتنا مش أحسن حاجه المشاكل وقلة البركة بتعشش فيها ومش بتخرج منها إلا لما نحسن العلاقة دي . ربنا يصلح زوجك ويصلحك وييسر أمركما .. ادعي ربنا كتيييييير ربنا يصلحه ويهديه وخدي بكل الاسباب اللي ممكن تكون سبب في اصلاحه استعيني بالله ولا تعجزي واسف لو كلامي كان قوى فوالله ما قصدت من وراءه إلا الخير

أولا لازم تفهمي المفاهيم دي لانها مهمة جدا جدا لا يستوي عند الله تكرار الذنب، والإصرار عليه، واستحلاله. تكرار الذنب مع التوبة منه كل مرةٍ؛ ليس إصرارًا عليه. الإصرار عليه: تكراره مرةً بعد مرةٍ بغير توبةٍ بينهن. استحلاله: اعتقاد حِلِّيَّته إذا كان تحريمه قطعيًّا. من كرر ذنبه وهو يستغفر الله ويتوب منه كل مرةٍ؛ فهو وليٌّ لله. من أصر على الذنب يكرره مرةً بعد مرةٍ بغير توبةٍ بينهن؛ فهو فاسقٌ. من استحل ذنبًا حُرمته قطعيةٌ؛ فهو كافرٌ، وإن لم يعمل به قطُّ. لا تعص الله في أمره ونهيه، وزاحمِ باطنك وظاهرك بالطيبات والمباحات، فإن أرادكِ الشيطان على فعل معصيةٍ فجاهدي -مستجيرًة بالله- ألا تفعلِ، فإن عصمكِ الله منها فلم تفعليها فتلك رحمته يختص بها من يشاء، وإن غلبكِ هو ففعلتيها فاستغفري الله وتوبي إليه من قريبٍ، فإن أرادكِ عليها ثانيةً ففعلتيها فاستغفري الله وتوبي إليه من قريبٍ، افعلي ذلك كل مرةٍ وإن تكرر ذنبكِ في اليوم ألف مرة ما فرَّط الشيطان في غوايتكِ التي وعدكِ بها ولا ييأس؛ أفتُفَرِّطين أنتِ في عبادتكِ التي وعدت الله بها وتيأسي! هو باليأس أولى، أنتِ بالأمل أحق. فقولي : رب فاغفر لي وإن لم أكن للغفران أهلًا، وتب علي وإن لم أكن للمتاب أهلًا، وثبتني وإن لم أكن للثبات أهلًا، رب ما كنت مستحقًّا فيما مضى إحسانًا في الدين أحسنت به إلي، ولا مستأهلًا فضلًا في الدنيا أفضلت به علي، لكنك أحسنت وأفضلت حنَّانًا منَّانًا؛ فأدم علي تحنُّنَك وتمنُّنَك ما أشدَّ فقري إليك! والحمد لله رب العالمين ربنا يشرح صدرك ويوفقك ويهدي قلبك واستعيني بالله ولا تعجزي

يمكن تستغرب اجابتي شوية في العصر اللي احنا فيه ده السؤال اللي انت بتقوله مش مناسب وبشعر إن الإجابة عن السؤال ده مش إني اقولك أفضل طريقة تطور بيها التحدث ك مهارة لان في خبراء كتيييييييييييييير في المجال ده بكل بساطة بيقولوا افضل الطرق بس خليني انا اقولك من وجهه نظري أفضل طريقة إنك تستمر ومتصدقش نفسك اللي بتقولك انك مش عارف تتكلم ولا عارف تعبر انا بظن إن المشكلة في الغالب تخص تقديرك لذاتك وثقتك في التحدث اصلا وده اللي عامل معاك دايما فجوة في استخدام اللغة تبطل تسأل اسأله من النوع ده وتواظب على استخدام اللغة يوميا مع ai مدة ربع ساعة مثلا بس واظب عليها ويكون لك يوم في الاسبوع تسجل بصوتك محادثة عن اي موضوع انت بتحبه او بتحب تتكلم فيه بالعربي عادي زي الكورة او اي حاجه طبعا في الأول اسأل ربنا التوفيق والسداد وإنه يعلمك ما ينفعك وينفعك بما علمك ويزيدك علما

أهم حاجه لازم تعرفها انك تعرف نفسك ؟ كويس نقاط قوتك وضعفك وايه اللي بتحبه وايه المهارات اللي عندك وايه اللي محتاج تكتسبه وانت عايش عشان ايه وحابب تعيش ازاي بص خليني اقولك انا ابني قدك بالظبط وطبعا عايش معاه كل تفاصيله الرخمه قبل الحلوه من الحاجات اللي انا ملاحظها ان الشباب في السن ده بيكون تايه جدا مش عارف هو عايز ايه وحتى اللي عايزه ده بيكون عايزه ليه عشان كده انا بنصحك تفكر بقوة في علاقتك بربنا أولا أخبارها ايه لان من غيرها والله لو امتلكت كل المهارات والفلوس واعلى المناصب هتفضل ناقصك حاجه وهتعيش طول عمرك تايه الحاجه التانية املأ وقت فراغك دايما بشيء مفيد زي الجيم أو أي رياضة او تعلم مهارات كمبيوتر او برمجة او اي حرفه او مهنة وده مهم جدا فكر تشتغل اثناء الجامعة لان الشغل هيعلمك مهارات اجتماعية ومهنية مهمة مش هتكسبها في الجامعه في كورسات مجانية كتيييييرة جدا على اليوتيوب ويوديمي وكورسيرا وغيرها مهم تطور نفسك فى اللغة وخد من المواقع دي كورسات في السوفت سكيلز والتواصل وإدارة المشروعات وترتيب الأولويات حاول تقرأ كتييير او تسمع كتب لو مش بتحب القراءة اوي

دي دورة للمقبلين على الزواج فيها تأصيل مهم جدا https://www.facebook.com/share/p/1FPLMm7KB4/ ودي ورشة مجانية فيها معلومات قيمة وواقعية https://www.youtube.com/watch?v=jZbmzJBdwsQ&t=112s

خليني اقولك حاجه بس السؤال بالطريقة دي اظنه مش مناسب لان ممكن اي حد يقولك اي مشروع من وجهه نظرة ويكون مناسب للفلوس اللي معاك .. بس مش دي المشكلة عشان تاخد اجابة جيدة مهم يكون معروف سنك قد ايه مؤهلك مهاراتك او مجال عملك السابق المنطقة والمكان اللي انت فيه مهارات الكمبيوتر والاونلاين عندك خبراتك المهنية وغيرها من الاسئلة انا بقولك كده لان اي اجابة مباشرة لاي فكرة مشروعة هتكون اجابة مش مدروسة ومش دقيقة خااالص حتى لو انت حابتها وكانت مناسبة لميزانيتك وفى كل الأحوال ربنا يقدر لك الخير حيث كان ويهديك ويسددك لحاجه كويسه

الاجابة عن سؤالك لها شقين الاول .. هو له علاقة بعلاقتك بالله .. لان زي ما الجسد له غذاء فالروح اللي جوه الجسد ده لها غذاء وغذاء الروح هو حسن العلاقة بينك بين ربنا .. غذاء الروح من أمر ربي " ويسألونك عن الروح قل الروح من أمر ربي " فده محتاج مراجعه مننا لان الله سبحانه وتعالى قال " ومن أعرض عن ذكري فإن له معيشة ضنكا " وده بيخلي النفس تعبانه ومش عارفه ايه الاسباب .. الثاني إن المواقف اللي بتقولي عليها عدت ممكن جدا متكونش عدت داخليا ومأثرة فيكي بس انت بتتسامي وتتعالي عليها وده مسببلك ضيق جواكي ..

خليني اجاوبك اجابة واضحة وسريعة بالنسبة للسن فطبعا عمر ما كان السن عائق لتحقيق اي حلم او نجاح . بس خليني اقولك إن النجاح ده بيحتاج عوامل كتيرة غير مهاراتك وثقتك بنفسك وحبك للي بتعمليه او حتى دراسة الجدوى للمشروع اول الحاجات دي توفيق ربنا ليكي وتيسيره سبحانه وتعالى لان فيه ناس كتيييير بتعمل كل سبل النجاح وبتاخد بكل الأسباب ومش بتنجح .. وفيه واحد بيقف على عربية كشري من غير دراسة او اي تخطيط وبينجح .. ده أولا. ثانيا البيزنيس له قواعده واحيانا بتتحكم فى القواعد دي العوامل البشرية والعوامل البيئية... احيانا اما بنكون عندنا الحاجه بنعطل بس اما بنشتغل نفس الحاجه دي عند الناس بنكون ناجحين وبيكونوا مبسوطين بينا اوي وده عن تجارب شخصية حصلت معايا .. كلامي مش معنا ميكونش عندك طموح بالعكس .. بس خلي في بالك انك دايما تشتغلي بعقلية السعي مش عقلية النتيجة وخدي بكل الاسباب وحاولي تثقلي مهاراتك الادارية ومهارات التواصل .. وحل المشكلات .. لان ده في كل احوالك هيكون مفيد .. في نقطة تانية مش قادر اغفلها الصراحة إنك تخلي من ضمن طموحك إن يكون عندك بيت سعيد واولاد تعرفي تربيهم على الخلق والدين والقيم وتسعدي معاهم ويكونوا استثمارك الحقيقي في الدنيا والاخرة لان ده من اهم أدوارك في الحياة .. وربنا ييسر أمرك

أولا استعيني بالله ولا تعجزي .. خليني اقولك انتي محتاجه تكوني اهدى من كده شوية في التعاملات مع نفسك اولا لان واضح من الكلام إنك متأثرة بنفس اللي بتشتكي منه فى اختك .. واحتمال إن عصبيتك عليها تكون لنفس الاسياب .. ابعدي طبعا عنها اي عصبية ومحدش يزعق لها .. حاولي تفهمي خصائص واحتياجات السن ده .. هيفيدك جدا في التعامل معاها .... مينفعش تكوني انت وهي شخص واحد ... حاولي تديها شوية وقت ليها هي باسلوبها وطريقة العابها وخليها تحس إنك فعلا عايزة تستمتعي بالوقت ده معاها متنشغليش عنها في الوقت ده بحاجه .. واتفقي معاها انكم كل يوم في وقت معين ليكم وقت مع بعض زي ده .. داومي على ده معاها .. طبعا واضح انها معندهاش امان خااالص وده هياخد وقت .. بلاش تعلقيها بيكي او تتعليقي انت بيها بزيادة مهم تعلميها ازاي تعمل صداقات ويكون عندها حاجات نافعة بتعملها تشغل نفسها بيها شوفي هي بتحب ايه وشاطرة فى ايه وحاولي تعمليه .. بمعنى ايه هي مهاراتها او لو ليها موهبة في حاجه معينة ده هيفرق معاها جدا ويخليها تحب نفسها وتحس انها حاجه وبالتالي ده هيزود ثقتها فيما تفعله .. اخيرا كل ما تفهمي الدوافع ويكون عندك رفق في التعامل معاها ده هيحسسها بامان اكتر ويطمنها شوية .. ربنا يحفظكم وييسر امركم

ينفع اونلاين اتفضلي

ربنا يوفقك ويشرح صدرك

اسف لو ازعجك كلامي بس انا بقولك عن خبرة في المجال ده لسنوات كتيرة

والله لو ايه انا بنصحك ك أختي او بنتي بلاش الموضوع الاول بيبدأ بكده بعدين الامور بتكون صعبة

النصيحة بلاش اخصائي شوفي اخصائية وتكون فاهمه هتعرفي ده ازاي من إنك تفهمي التشخيص الحالة اللي عندك وايه الاهداف اللي شغالة عليها ومدى التحسن اللي بيحصلك

ربنا يكتبلك التوفيق .. وتحت امرك في اي وقت