هوا صعب نحكم عليه بالبخل من كام موقف بس خصوصًا إنك بتقولي إنه دفع أوبر وخرجك الملاهي ودفع مبلغ كبير ف ده مش تصرف واحد واضح إنه بخيل. جايز يكون الموضوع قلة خبرة أو إنه مش واخد باله إن في تفاصيل صغيرة زي دي بتفرق وبتدي انطباع معين،،، بس في نفس الوقت لو الحاجات دي مضايقاكي متتجاهليهاش..مش عشان تحكمي عليه لكن عشان تفهمي طريقته في التفكير. ممكن تكلميه ف الموضوع دا لو عادي بالنسبه لك وتقولي له إن في مواقف معينة بتحسي فيها إن الذوق والواجب محتاجين اهتمام أكتر وتشوفي رد فعله... وبالنسبة لأهله فممكن يكون سوء تصرف منهم أو إنهم مش بيركزوا في التفاصيل دي ومش شرط معناه بخل.. بس طبيعي إنك تاخدي بالك من الحاجات دي خصوصًا في بداية العلاقة،،، و البخل مش بيبان من موقف واحد، بيبان من طريقة الشخص عمومًا في حياته وتعاملاته، خصوصًا لما يكون قادر ومتعمد يستخسر حاجة معينة..
ولو انتي مكسوفة ومثلا أخته قريبة منك وهي قريبة منه ممكن تفتحي معاها الموضوع لو واثقة فيها وهي توصله إن في شوية تصرفات بسيطة ضايقتك وبتدي انطباع مش حلو... وفي الآخر ده كله على حسب شخصيته..في ناس بتحب الكلام المباشر وناس بتفهم أكتر بالتلميح أو بالنقاش فأنتي أكتر واحدة أدرى هو هيتقبل أنهي طريقة.
تم النشر الجمعة، ٢٤ يوليو ٢٠٢٦
بصي الموضوع مش محتاج يبقى محرج للدرجة دي فمتخليش خوفك من إحراجه يمنعك إنك توصليله اللي مضايقك...اختاري وقت مناسب واتكلمي معاه وقولي إنك مقدرة الحاجات الحلوة اللي بيعملها لكن في شوية مواقف حسيتي إن كان ممكن يبقى فيها ذوق أو واجب أكتر. مش لازم تقولي الكلام ده بالحرف أنا بس بديكي الفكرة،، ولو مش حابة تفتحي الموضوع بشكل مباشر ممكن تفتحيه على إنه نقاش عام..مثلا تسأليه هو شايف إيه الواجب في المواقف دي أو رأيه في إن الشخص يعزم أو يجيب لكل واحد حاجته وتشوفي هيرد بإيه. جايز يفهم قصدك من نفسه ولو لا ساعتها توصليله إن دي من الحاجات اللي بتفرق معاكي.
تم النشر الجمعة، ٢٤ يوليو ٢٠٢٦
ازاي اوضح له إنه في مواقف دي لازم يعزم و يعمل الواجب و كده
تم النشر الجمعة، ٢٤ يوليو ٢٠٢٦
طيب ازاي اقدر اوضح له إن الموضوع مدايقني بدون ما أسبب لي أي إحراج
تم النشر الجمعة، ٢٤ يوليو ٢٠٢٦
لعرض الإجابة في فدني اضغط هنا