انا من تلت ايام كنت بحكي مع امي عادي بهزار فبقول لها انا في سر في حياتي عمري ما اقولو لحد فضربت في دماغها اني اقولها السر قعدت اقولها مينفعش دا يتقال فاستخدمت اسلوب غريب ممكن أسميه باسم (سلاح الامهات) وهو إنها حسستني بالذنب وقعدت تقولي لو مقولتش مش هرضى عنك لو مقولتش انا غضبانة عليك ومش مسامحاك وهكذا
حسستني اني عامل جريمة فقلت ليها مينفعش يا امي تجبريني عن حاجة بطريقتك دي ومقولتش السر .
(انا لو قلت السر حياتي هتبوظ وفكرت اني أؤلف حاجة واقولها عشان اعدي الموقف بس قلت بلاش يعني كدب وكمان اكون بستلوح على امي
لو انت مش حابب تحكي حاول تضحك وتهزر معاها وانك كنت بتشوف رد فعلها -او احكيلها علي حاجة حصلت بحيث تنسيها موضوع السر دا - بس نصيحة دي امك مش حد من صحابك يعني لو السر دا خطر عليك ان حد يعرفه هي اللي هتخبيه معاك وهتساعدك وعمرها ما هتقول لحد - وسبب انها مصممة تعرف دا خوف عليك لتكون حاجة اكبر منك وتاذيك - وفي العموم صاحب والدتك واحكيلها علي اللي مضايقك واللي مفرحك لانك هتلاقيها اكبر داعم ليك في حياتك
تم النشر السبت، ٣١ يناير ٢٠٢٦
أهلا يا محمد، أول حاجة أقولك إنك عملت الصح 100% إنك حافظت على سرك ومضغطش نفسك تكذب أو تفضح حاجة ممكن تبوظ حياتك. الأمهات دول "سلاحهن السري" ده فعال أوي عشان بيحسسونا بالذنب، بس ده مش معناه إننا ملزمين نفتح كل حاجة! بر الوالدين مهم جدًا في الإسلام، لكن خصوصيتك محمية طالما السر مش بيضر حد. إيه اللي تعمله المرة الجاية؟ غير الموضوع بلطف: قول "يا أمي، أنا بحبك أوي ومش عايز أزعلك، بس ده حاجة خاصة بي جدًا، خلينا نكمل هزارنا ده 😂". أكد لها إنك ابنها اللي بيحترمها: احضنها أو قول "أنتِ أغلى حاجة في حياتي"، ده هيخليها ترتاح بدون ضغط. الصبر مفتاح الفرج، ادعي ربنا يهدي الأمور. أنت قوي، هتعدي! 💪❤️
تم النشر السبت، ٣١ يناير ٢٠٢٦
فهمها انك لو بحت بالسر حيأثر على حياتك وانه بيسببلك الأذى وهي مش من حقها تعرفو
تم النشر السبت، ٣١ يناير ٢٠٢٦
مش بقولك اكدب بس حاول تنسيها الموضوع مع انها ست ونا عارفه دماغ الستات و مش هتبطل تفكر ف ايه شويه تقول ايه هو عارف بنات شكله لا بيشرب لا مش عارف ايه كدا يعني دماغها هتروح و تيجي يأما تقول اي حاجه يأما تقول الحاجه دي بس مش نفس المعنى ولا كل الحوار لو خايف على نفسك
تم النشر السبت، ٣١ يناير ٢٠٢٦
لا برضو هي مهما كانت والدته مينفعش يجرحها ب حاجه حتى لو هي مصممه على اللي هي عيزاه عشان متغضبش عليه..
تم النشر السبت، ٣١ يناير ٢٠٢٦
لعرض السؤال في فدني اضغط هنا