السلام عليكم
انا بعيده عن ابويا بقالي 3 سنين والدتي ماتت فأنا روحت عشت مع جدتي وهو اتجوز حرفيا مشفتوش ولا اتكلمنا خلال ال3 سنين حاليا هو عايز اروح افطر معاه يوم في رمضان
انا رفضت في الاول بس اخوالي اقنعوني بس انا مش عارفة اتصرف ازاي يعني انا مش عايزة لما اروح اقعد مع مراته ولا نفطر مع بعض فانا معرفش اذا هياخدني البيت ولا هياخدني برا ولو اخدني البيت اتصرف ازاي ؟ولو كان ناوي يخلينا نقعد مع بعض اتصرف ازاي لاني مستحيل اقعد معاها ولا حتى اسلم عليها هل ارفض واطلع لاخويا شقته ولا أمشي وارجع لجدتي ؟
تاني حاجة انا هخاف اكل الاكل اللي مراته عملاه لانها ليها في الاعمال والسحر واخويا اكدلي انها شربت بابا سحر واعمال علشان يتجوزها وان دا اللي الشيخ قاله لاخويا لما راحله لما لقي بابا مش طبيعي ف اتصرف ازاي ساعدوني
بصي مهما حصل، بر الوالدين مبيسقطش، حتى لو هو مقصر. تلبية دعوته للفطار دي خطوة كبيرة لصلة الرحم، وليكي فيها أجر عظيم، وممكن تكون بداية لرجوع العلاقة.و روحي بنية إرضاء ربنا وصلة رحم، مش عشان حد تاني. والدين مبيجبركيش تحبيها أو تكوني صاحبتها، بس بيأمرنا بـ القول المعروف. لو روحتي ولقيتيها، سلمي باليد أو بكلمة طيبة من بعيد وخليكي رسمية جداً، ده بيحفظ برستيجك وبيمنع المشاكل. لو القعدة معاها هتسبب خناق أو تضيق عليكي، اطلبي من بابا إنك حابة تقعدي معاه هو وأخوكي لوحدكم شوية عشان وحشوكي، وده حقك. ولو خايفة، الحل مش في الهروب، الحل في اليقين. اقرئي أذكارك، وآية الكرسي، والمعوذات قبل ما تدخلي. وسمّي الله وكلي. التسمية على الأكل بتبطل أي ضرر بإذن الله.و لو فعلاً مش قادرة تاكلي وموسوسة، كلي حاجات بسيطة جداً تمر، مياه، عصير مقفول وقولي إن معدتك تعبانة، المهم متكسريش بخاطر بابا في أول مقابلة. روحي الفطار ،وخليكي واثقة في نفسك ومتحصنة بذكر الله. لو اللقاء كان في البيت، سلمي بوقار واقعدي مع بابا. لو حسيتي بضيق شديد، استأذني بدري بحجة إن جدتك مستنياكي.ودي مش كذبه اكيد جدتك مستنياكي ،بعتذر على الإطالة 😊 وجد ربنا يحفظك ويسعدك
تم النشر الأحد، ٨ مارس ٢٠٢٦
وعليكم السلام ورحمة الله وبركاته يا حبيبتي 🌸 أولاً، أشعر بكِ جدًا.. فقدان الأم وابتعاد الأب مش سهل، وده شعور طبيعي يخليكِ حذرة. برافو عليكِ إنكِ سمعتِ كلام أخوالكِ وفكرتِ في صلة الرحم، خاصة في رمضان اللي بركته كبيرة بس خلينا نرتب التصرف خطوة بخطوة عشان تكوني مرتاحة: 1. قبل الذهاب: حددي الشروط بوضوح كلمي أبوكِ دلوقتي وقوليله بلطف: "يا بابا، أنا سعيدة أفطر معاك، بس أفضّل نكون لوحدنا برَّا في مطعم أو مكان عام، عشان أرتاح أكتر". (ده يحميكِ من الجلوس معاها، ويختبر نواياه). لو وافق، تمام! لو رفض، قولي: "خلاص، مش هقدر أجي النهاردة، بس إن شاء الله مرة تانية لوحدنا". وارجعي لجدتكِ براحتكِ – مفيش إثم في رفض اللي يضركِ نفسيًا. 2. لو راح البيت: السلام: سلمي عليها باختصار من بعيد (السلام واجب في الإسلام، بس مش لازم تقعدي معاها). قولي "السلام عليكم" وادخلي على أبوكِ فورًا. الجلوس: اجلسي مع أبوكِ بس في أوضة تانية إن أمكن، أو قولي "أنا هقعد هنا مع بابا". لو حاولوا يجمعوكم، قومي بهدوء وقولي "أنا هروح أشوف أخويا شوية" واطلعي لشقته (ده حل ذكي!). الأكل: متخافيش، بس لو شاكة فيها، متأكليش حاجة من يدها . خذي إفطاركِ من برَّا (تمر ومية ولبن)، أو اشربي مية مقروء عليها آية الكرسي والمعوذات 3 مرات قبل الذهاب. اقرئي الرقية الشرعية على نفسكِ يوميًا (سورة البقرة كاملة أحسن حماية، أو الرقية الشرعية). ده يحميكِ إن شاء الله، زي ما الشيخ قال لأخوكِ. 3. نصيحة عامة من مدربة حياة: ركّزي على هدفكِ: صلة رحم محدودة عشان ترجعي علاقتكِ بأبوكِ تدريجيًا، مش كل حاجة مرة واحدة. لو حسيتِ الضغط كبير، قولي "لا" بثقة – الصحة النفسية أولوية. جربي ده: اكتبي 3 أشياء إيجابية عن أبوكِ عشان تخففي الغضب (تمرين بسيط يغيّر المزاج!). لو عايزة دعم أكتر أو استشارة نفسية/روحية، روحي صفحة الخبراء في فدني: https://www.fedni.net/experts – هتلاقي متخصصين في العلاقات الأسرية والرقية. وابحثي في فدني عن "صلة الرحم" هتلاقي إجابات كتيرة مفيدة. ربنا ييسر أمركِ ويجمع شملكم على خير يا قمر 💕
تم النشر الأحد، ٨ مارس ٢٠٢٦
بصي عموما متدخليش في دماغك السحر والكلام ده مستحيل حد يأذي حد غير بإراده ربنا طبعا لكن بصي ياحبيبتي كونك انك زعلانه منو دا مش سبب انك متروحيش لو مش عاوزه تروحي اتصلي بوالدك وفهميه انك مش مرتاحه وحتي لو اصر انك تروحي مش هيحصل حاجه روحي وخليكي هاديه ولو انتي شاكه فيها اوي بلاش تاكلي حاجه غير لما الكل ياكل منها.
تم النشر الاثنين، ٩ مارس ٢٠٢٦
دا تفكير مفرط وهوس بأوهام الحياة مش كلها حسد وسحر والكلام ده بعدين بر الوالدين واجب ربنا قال ووصينا الإنسان بوالديه صلِ أباك ولو حتي بالسلام المهم متقطعيش انا عارف انه صعب ولكن معلش ومتنسيش حديث النبي صلى الله عليه وسلم لايدخل الجنة قتّات أي قاطع صلة رحم
تم النشر الأربعاء، ١١ مارس ٢٠٢٦
لعرض السؤال في فدني اضغط هنا