السلام عليكم
انا شاب عندي 16سنه بس تايه جدا وعندي اهداف كتيره مش عارف ابدا منين ولا اروح فين والظروف ضاغطه عليا جدا سواء ماديه او نفسيه او اجتماعيه وعلاقتي بربنا سيئه جدا جدا مش بصلي ولا بعبد ربنا خالص وبقرا قران ولا اي حاجه
ومش راضي عن صحتي ولا عن شكل جسمي. انا عايز اكون شخص كويس وبحاول بس كل ما احاول حاجه تشدني للمكان الوحش اللي كنت فيه تاني علما باني داخل علي تانيه ثانوي ومشتت جدا ومش عارف انا عايش لي اصلا. ممكن النصيحه والافاده والتجارب الشخصيه عفوا
🎤 إجابة صوتية
تم النشر الجمعة، ٢٠ يونيو ٢٠٢٥
نصيحة اتمرن اتمرن اتمرن رياضة بص كل شي هايتحل تشتت مش هايبقي في بسبب التمارين الرياضية صحة عقلية وجسدية بالتمارين حدد اهدافك بالحياة مش بس الدراسة اشتغل ودور ع حاجات جديدة تعملها او حاجة انت بتحبها حدد اهدافك فى الدراسة غير المحيط اللى حواليك من اصدقاء مش كويسة هما اللى بيسحبوك تانى وماتسمعش لحد يقولك مش هاتقدر لان ياما ناس كانت من الصفر حرفيا وبقيت عظمة بجد وكمان غير تفكيرك من سلبي لايجابي بدل ماتقول مش قادر او مافيش معدات مافيش فلوس قول هاحاول لو بس ركزت ع الحاجات اللى مش موجودة معك مش هاتعمل حاجة خالص استبدل الاشياء اللى مش هاتقدر توفرها لنفسك بحاجات متوفرة صدقنى كل شي بيتحقق بس فى حاجات ممكن تاخد وقت اكبر لاكن بالاخير كل حاجة عايزاها هاتحصل عليها خليك واثق فى ربنا وقبل ما حاجة تشدك لورا شجع نفسك وادفعها لقدام وهتقدر 🥲🦾 you can
تم النشر الجمعة، ٢٠ يونيو ٢٠٢٥
اعتقد ان التكنولوجيا والزمن اللى عايشين فيه سبب التشتت والتوهان اللى انت فيه... انت فى سن ابنى بحسك هو وانت بتتكلم والله ممكن يكون مشكله جيل بس هقولك زى ما بقول ليه ... اولا علاقتك بربنا ده خط احمر استعذ بالله وارجله تانى وده حالنا كبنى ادمين تشت عن الطريق ونرجع ونشت وهكذا .... بالنسبه لدنيتك بقى انت محتاج تحط ايدك على حاجه انت بتحب تعملها ممم مثلا بتحب اللغه يبقى تركز فيه .. اسمع بودكاست كتير ونمى نفسك وركز عشان تدخل كليه فى نفس مجال شغفك فهتلاقى نفسك بتشوف شروط دخول الكليه ايه ...فهتركز انك تتخطاها عشان حلمك انتو مشكلتكو انكو مش بتكونو محددين هدف ركز فى حاجه بتحبها وشغوف بها وشوف مسارها ايه هشان توصله
تم النشر الخميس، ٢٦ يونيو ٢٠٢٥
وعليكم السلام بص اول حاجه انت بعيد عن ربنا بس في نيه انك تتوب وده حلو اوي بص في حاجتين هيبعدو قلبك عن ربنا الاغاني وعدم غض البصر... الاتنين دول بيخلو قلبك نايم ونفسك مسيطره عليك انت مجرد ما تغض بصرك وتبطل تسمع اغاني وتشغل قرآن في بيتك هتلاقي نفسك عايز تصلي من نفسك... ثانيا انت مش راضي عن صحتك؟ احمد ربنا ان عندك صحه في غيرك اطفال عندهم 5 سنين نفسهم يخرجو من المستشفيات ويرجعو في حضن عيلتهم قول الحمدلله وانت ساكت... عايز تهتم بصحتك تمام مفيش مشاكل خليك healthy وشكل جسمك ممكن تبدأ تروح جيم وهو هيظبط معاك عندك اهداف كتير ممكن عشان شوفت اكتر من واحد معاه حاجه كنت عايزها او بتحب الي بيعملو فخليت ده هدفك... عموما امشي في اسهل هدف لو زهقت منه في النص يبقى ده مش هدفك الي بتطمح ايه فشوف الي بعده لحد ما تلاقي واحد عمرك ما تزهق منه ده هو حلمك الحقيقي سببك ايه في الحياه او انت موجود ليه؟ بص يا صاحبي... انت ولا جيت الدنيا دي بمزاجك ولا هتخرج منها بمزاجك وبينهم انت لازم تعبد ربنا وتعمر في الارض ده السبب الي ربنا خلقك ليه عارف كلامي مكانش ليه لازمه بس حاولت افيدك 😁✌🏻
تم النشر الجمعة، ٢٠ يونيو ٢٠٢٥
وعليكم السلام ورحمة الله يا محمد، شكرًا لك على صدقك وشجاعتك في مشاركة مشاعرك وحالتك. إحساسك بالتيه والتشتت في عمرك 16 سنة أمر شائع جدًا، كثير من الشباب يمرون بمراحل مشابهة، والأهم أنك الآن واعي لهذا الوضع وتريد أن تتغير وتتقدم للأفضل، وهذا بداية قوية جدًا. خليني أساعدك نرتب الأمور بشكل عملي ومرحلي: الهوية والتوجه — مين أنت؟ وليه عايش؟ في سنك تركيز كتير على السؤال ده طبيعي جدًا، وربنا خلقنا كلنا عشان نعبد ربنا ونعيش حياة طيبة وفيها خير لنفسنا ولمن حولنا. من الآن، حاول تبدأ تصلح علاقتك بربنا. مش لازم تبدأ بصلاة خمس صلوات مرة واحدة لو صعب، ممكن تبدأ بدعاء بسيط تطلب فيه منه الهداية والقوة. وردد لنفسك إنك تحاول ترجع ربنا خطوة خطوة، وهو رحيم وغفور، وربنا يحب التائبين. القرآن ليس فقط كلمات، بل هداية ونور ينفعك لو بدأت تقراه بتركيز ولو صفحة صغيرة يوميًا. الأهداف والتشتت حاول تحدد أقل شيء ممكن تعمل عليه الآن. مش لازم تضع أهداف كبيرة دفعة واحدة، الأفضل تبدأ بواحد أو هدف صغير. مثلاً: "هبدأ أذاكر الموضوع ده 30 دقيقة كل يوم" أو "هتمرن 3 مرات في الأسبوع". اكتب أهدافك وأولوياتك على ورقة، وقسمها لأهداف صغيرة، مثلاً: هدفك الصحي — ابدأ بالمشوار البسيط (مش تمارين عنيفة مرة واحدة)، وهدفك الدراسي ـ قسم المواد وابدأ بالأسهل. الظروف المادية والاجتماعية الظروف صعبة، لكن لا تسمح لها تكسر إرادتك. أحيانًا لازم تركز على الأشياء اللي ممكن تغيرها مش اللي مش في يدك. حاول تتحدث مع أحد تثق فيه (أخ، أو معلم محترم) عن وضعك. الدعم مهم حتى لو صغير. أنت ما تحتاج تكون كامل أو تملك كل شيء، لكن تحتاج خطة خطوة بخطوة لتحسين الوضع. الصحة والشكل الجسم بيتغير مع الوقت والتمرين. لا تيأس من مظهرك، التغير يحتاج صبر ومثابرة، وابتعد عن المقارنات المزعجة مع الآخرين. ابدأ بشغل بسيط: شرب ماء، تمرين بسيط، نوم كافي. كل خطوة حلوة. التشتت الدراسي التنظيم مهم جداً. حاول تحدد وقت معين للدراسة والاستراحة، ولو ممكن اسأل مدرس أو خبير يساعدك في وضع جدول دراسة يناسبك. نصيحتي لك: اجعل هدفك الأول في الوقت الحالي: تعيد بناء علاقتك مع ربنا، حتى لو بخطوات بسيطة. الدعاء والنية الصادقة تغير من القلب. اكتب كل شيء يشغلك، وأبدأ خطوة واحدة في كل مرة. لا تحدث نفسك بالفشل، لو وقعت مرة، قوم حاول من جديد. تذكر أن كل إنسان باعث في الدراسة والحياة يمر بأوقات صعبة وشدائد، هذه جزء من الحياة، وأنت أقوى منهم لما تملك الإرادة. إذا حسيت أنك تريد دعم أكثر متخصص، ممكن تتواصل مع أحد الخبراء النفسيين أو المدربين المتخصصين في فدني عبر صفحة الخبراء https://www.fedni.net/experts . وأخيرًا، لا تتردد تسألني في أي وقت، أنا هنا أدعمك. الحياة رحلة، ومفيش حد "عارف كل حاجة" من الأول. انت في طريقك تنهض، وإن شاء الله يكون القادم أفضل. هل تحب نبدأ مع بعض في وضع خطة بسيطة جداً للخطوة الأولى؟
تم النشر الجمعة، ٢٠ يونيو ٢٠٢٥
نصيحة اخيرة علشان تنجح فى اى حاجة لازم يكون عندك اصرار انك تتقدم وكمان انضباط تلتزم بالحاجة دى لحد ما توصل للى تريده 🤫 وماتحكيش لحد عن خططك ان كان مين لان ماحدش بيحب حد احسن منه
تم النشر الجمعة، ٢٠ يونيو ٢٠٢٥
لعرض السؤال في فدني اضغط هنا