بص، هحاول أرد على قد معرفتي الموضوع بيبقي غالبًا من غير ما تاخد بالك وانت سرحان. أنا كمان للأسف بيحصل معايا، بس بدل العضّ بحط جزء من صباعي في بقي ، وده مضايقني جدًا ومخليني حاسه إني زي الأطفال 😅، بس الحمد لله بحاول أقلل منه . أنا شايفه كمان إن دي حاجه جاية من التعود، وممكن يكون ليها علاقة بالقلق أو التوتر حتى لو مش واضح. الفكرة إن كل ما بتتكرر، بتثبت أكتر وبيبقى صعب تسيبها، بس مش مستحيل. بما إنه عندك الموضوع في إنك بتحط حاجات في بقك، فحاول تقلل ده تدريجيًا. جرب تمسك حاجة في إيدك تشغلك بدل ما ترفعها لبقك، أو تبعد الحاجات اللي بتستسهل تحطها في بقك من حواليك وانت بتذاكر. وأول ما تاخد بالك إنك بدأت تعمل كده، حتى لو بعد شوية، وقف فورًا ومتكملش. المهم كمان إنك تاخد قرار بجد إنك عايز تبطل، لأن الحاجات اللي زي دي مش بتتغير لوحدها. محتاجة منك تركيز ومحاولة كل مرة، حتى لو بتغلط وترجع تاني. مع الوقت هتلاقي الموضوع بيقل. في الآخر، هي حاجة بسيطة بس بصراحة بتدي انطباع مش أحسن حاجة وبتقلل من كاريزما الشخص شويةزي م بيقول ، فكويس إنك واخد بالك منها وبتحاول تتخلص منها (تعديل بسيط بعتذر بعد م كتبت الكلام دا لقيته مشابه ل كلام احد الأعضاء)
تسلمي 🤍
تم النشر الاثنين، ٢٧ أبريل ٢٠٢٦
ربنا يديم الضحكة يا رب
تم النشر الاثنين، ٢٧ أبريل ٢٠٢٦
😅😅 ربنا يشفينا ضحكتيني والله
تم النشر الاثنين، ٢٧ أبريل ٢٠٢٦
يالهوي دا شكل الموضوع منتشر وانا اللي كنت مكسوفة اقول اني طول الوقت بقرقض ضوافري زي الفار
تم النشر الاثنين، ٢٧ أبريل ٢٠٢٦
لعرض الإجابة في فدني اضغط هنا