كيف تتجاوز طالبة في الثانوية خلاف أهلها وتعود للمذاكرة؟

Question

السلام عليكم أنا طالبة ثانوية عامة مشكلتى انى بطلت اذاكر مش عارفه انا مش بذاكر ليه حرفيا كل الظروف مهيأة انى أذاكر بابا وماما معايا بيعملولى كل ال بحتاجه فى بداية السنه بابا مكنش موجود لأنهم كانوا متفقين على الطلاق والخلافات بينهم كان من و انا فى أولى ثانوي بس بابا سابنا لما انا كنت فى سنه تانيه نفسيتى تدمرت وقتها لانى متعلقة ببابا جدا وكمان بقيت اخاف منه انا كمان اكبر واحده فى اخواتى فماما كانت دايما لما تعيط أو تكون مخنوقه كانت تتكلم معايا وانا شخص كتوم مش بعرف اعبر عن ال انا بحس بيه كانت فترة صعبة تعبت فيها جدا واستمر الوضع كده لحد بداية السنادى بابا رجع بعد شهر من بداية السنة الدراسية تقريبا فى الاول مكنتش عارفه اتعامل معاه لانه خذلنى جدا بس مع الوقت علاقتنا رجعت كويسه واحسن من الاول كمان بس انا مرجعتش زى ما كنت فى خلال الفترة دى كلها انا كنت بحاول اركز على مذاكرتى وعلى نفسى الحمد لله انتظمت فى الصلاة عن الاول فى جوانب كتير اتحسنت فى شخصيتى بس من ناحية الدراسة انا كل ما يعدى الوقت كنت بسوء اكتر حتى اصحابى كلهم قطعت علاقتي بيهم بقيت لوحدى علطول حتى اخواتى بعدت عنهم بحاول من بداية ما بابا رجع تانى أن اقنع نفسي خلاص أن كل حاجه اتحلت و خلاص مفيش مبرر للكل ال انا حاسه بيه ده بس بقيت اهرب حتى من مواجهة نفسى سواء اقعد بالساعات اسكرول على الموبايل او اقرا روايات اهرب بيها و افصل عن الواقع بنام اكتر من ما اصحى بس مع ذلك كنت بحاول صحيح كان فى أيام بتعدى عليا بيأس كبير وممكن افضل حوالى ٣ ايام مش بذاكر خالص بس بعد كده بيطل عياط وانتظم تانى واكون كويسه بس من شهر كده وانا بقي ايام المذاكرة تتعد وباقى الوقت بكدب وماما وبابا فاهمين انى بذاكر وأنى خلاص بقيت كويسه والدنيا تمام بس انا مش كويسه انا بكدب على نفسى قبل ما بكدب عليهم انا مش فاهمه انا ليه بعمل كده حتى هدفى وحلمى مبقاش حافز ليا وصلت لحاله لامبالاة انا نفسى كرهاها بقالى نفسى تلقائيا مش بذاكر بصحة بدرى واكتب التسكات و اهيئ كل الظروف انى اذاكر بس مش بكمل ١٠ دقايق على الكتاب جربت حلول كتير بس انا مش عارفه اعمل ايه وكل ما اقول لماما انى محتاجه وجودها تقولى انا معاكى اهو بس هى مش معايا انا لوحدى هى زهقت منى اصلا انا بجد عاوزه اذاكر بس مفيش وقت ومش عارفه ابدأ منين أنا تايهة محتاجه نصيحه من فضلكم

Accepted Answer

السلام عليكم ورحمه الله وبركاته هو استسلام للجزء السلبي في الحياه وده مش بيحصل بس اثناء المذاكره واثناء الثانويه العامه بس ولكن هو بيبقى اسهل في حاله المذاكره عشان خاطر طبعا المخ عارف انه المذاكره دي حاجه فيها ضغط كبير وحاجه فيها توتر كبير فدائما المخ بيحاول ان هو يوجهنا لحاله اهدافها وطبعا هيبعدنا عن المذاكره وعن حاله الضغط والتوتر حتى لو كان وانا رايح لحاجه هي تزعل ولكن هي اقل ضغط واقل توتر فخلي بالك من النقطه دي. وليها لنفسك كده انا هبطل اهرب طب انا هبطل اهرب من ايه انا هبطل اهرب من مواجهه نفسي بالحقايق والله احنا في مشاكل عندنا في البيت طيب هي المشاكل دي سيئه بنسبه كم في المئه او مخليه الحياه سيئه بنسبه كم في الميه 20% 30% حطي بقى النسبه اللي انت عايزاه وحطي الحقيقه دي قدامك وعلى اساس الحقيقه دي ابدئي اتكلمي مع نفسك طيب لو انا النسبه دي نسبه اقل من النسبه الثانيه اللي هي الحياه فيها كويسه يبقى انا هنا حاطه العذر اللي عندي ما اقومش بالمهام بتاعتي هو ايه هو النسبه الاقل لا يبقى الموضوع مش منطقي موضوع ما يخشش الدماغ وانا محتاجه ان انا اواجه نفسي بالحقيقه دي فبناء عليه ابطل اا اني اضحك على نفسي دي نصيحه انا هقولها لك ما تضحكيش على نفسك ما تخليش الشيطان يضحك عليك بالحاجات اللي هي سيئه او سلبيه في حياتك ويحسسك انه ده عذر مقبول عشان خاطر تقصري في الواجب اللي عليكي وربنا يوفقك تقدري ان شاء الله ان انت تحسني ان الوضع ده لو فيه حاجه انت مش قادره تعبري عنها اكتبيها في ورقه واديها لماما قولي لها ده اللي انا حاسه بيه ده كل اللي انا عايزه اقوله حتى لو كتبتيه زي ما كتبت السؤال كده بالضبط اهم حاجه انك تبقي عبرتي عن اللي عندك عشان تقدري تكوني واضحه مع نفسك وواضحه مع الواقع اللي عندك.

Answer

وعليكم السلام ورحمة الله يا عزيزتي، أولاً أود أن أشكرك على صدقك وشجاعتك في مشاركة مشاعرك العميقة وصراعاتك. أحييك على المحاولات المستمرة التي تبذلينها رغم كل الصعوبات، وهذا يدل على أنك قوية وقادرة على تخطي هذه المرحلة الصعبة بإذن الله. لنقسّم مشكلتك إلى نقاط علشان نوضح الأمور أكثر: 1. الخلافات الأسرية وتأثيرها النفسي عليك طبيعي جداً أن الخلافات بين الوالدين، خاصة الطلاق والبعد لفترة، تسبب اضطراب نفسي كبير، خاصة إذا كان هناك تعلق قوي بأحدهما. هذه المشاعر لا تختفي بسرعة، وهي تحتاج وقت وتصالح داخلي مع الوضع الجديد. 2. الشعور بالوحدة والانعزال شعورك بأنك بعيدة حتى عن إخواتك وأصدقائك يزيد شعور الوحدة ويعمق الإحساس بالضيق. من المهم أن تحاولي تدريجياً التواصل، حتى لو بطريقة بسيطة، مع شخص تثقين به لتتكلمي عما يضايقك. 3. الهروب من الواقع والتسويف في المذاكرة الهروب عبر الموبايل والقراءة يمكن أن يكون محاولة منك للراحة النفسية، وهذا طبيعي لكن زيادة الهروب يؤدي لزيادة التوتر والقلق. الفكرة أنك تريدين المذاكرة وهذا جيد جداً لكن نفسك ترفض التعاون، وهذا من علامات التوتر أو فقدان الدافع. 4. فقدان الحافز واللامبالاة فقدان الحافز ممكن يكون له أسباب نفسية مرتبطة بالخلافات، وأحياناً بسبب الإجهاد أو القلق. قد تحتاجي لإعادة بناء علاقتك مع حلمك بطريقة جديدة، أو تحديد أهداف صغيرة واقعية تعطيكي شعور بالإنجاز. نصائح عملية لمساعدتك تبدأي وتثبتي المذاكرة: قسّمي المذاكرة إلى خطوات صغيرة: مثلاً 10 دقائق فقط، بعدها خذي استراحة قصيرة، وكرري العملية. هذا أسهل من أن تجلسي ساعات طويلة. حددي أوقات ثابتة: حاولي تخصيص وقت معين للدراسة يومياً، حتى لو كان قليل، واتبعيه بشكل مستمر. تخطي التوقعات الضخمة: لا تضغطي على نفسك بأن تكوني مثالية في البداية، المهم البدايات والثبات. تدوين مشاعرك يومياً: حاولي تكتبي مشاعرك وأفكارك في دفتر خاص، هذا ممكن يساعدك تفهمي نفسك أكثر. تواصلي مع شخص تثقين به: سواء أمك أو أختك أو حتى مشرفة أو معلمة تحسي أنها تفهم وتدعم، حاولي تتحدثي معهم بصراحة. الاستمرارية في الصلاة والدعاء: استمري في الاستعانة بالله لأن للدعاء مفعول عميق في تهدئة النفس وزيادة الثقة. رسالة من القلب: يا عزيزتي، أنت في مرحلة حساسة لكن أنتِ مش لوحدك والله معك، ووجود رغبتك في التغيير هو بداية الطريق للصعود. لا تحكمي على نفسك بقسوة، ولا تنسي أن الله يحب الذين يجتهدون في أنفسهم ويصبرون في الشدائد. إذا شعرتِ أن المشاعر أو الصعوبات كبيرة بما لا يمكنك التعامل معها وحدك، أنصحك أن تلجئي إلى استشارة خبيرة نفسية أو مرشدة يمكنها دعمك بشكل مهني، ويمكنك العثور على متخصصات في هذا المجال في صفحة الخبراء على تطبيق فدني. أتمنى لكِ كل التوفيق والنجاح، وإذا أردتِ دعم أو نصائح إضافية، أنا هنا دائماً لأساعدك. هل تودين أن أساعدك في وضع خطة زمنية بسيطة للعودة للمذاكرة؟ أو هل تودين نصائح عن كيفية التحدث مع والديكِ بصراحة عن مشاعرك؟

كيف تتجاوز طالبة في الثانوية خلاف أهلها وتعود للمذاكرة؟

نفسية

تعليمية

اجتماعية

أهل

سؤال من احد أعضاء فدني

تم النشر الجمعة، ٦ يونيو ٢٠٢٥

2 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك