السلام عليكم ورحمة الله وبركاته ، أخباركم إيه؟ إن شاء الله تكونوا بخير
يمكن كلامي يبان انه مجرد حروف و خلاص لكن بجد انا حزينة جداً من جوايا و مش عارفة اعمل إيه و اروح فين و لمين و إمتى و إزاي! ، و يا ريت تقرأوا كلامي للاخر و بجد اي معلومة يا ريت تفيدوني بيها،
انا عندي أخ اصغر مني بحوالي 3 سنين العلاقة ما بينا كويسة نوعاً ما ، المهم ف يوم عادي و انا بكلمه ع الواتس و ببعت له استيكر"ملصقات" و هوا كان بيبعت و انا ابعت و هكذا و إحنا كنا ف البيت عادي ،
مرة واحدة لقيته بعت استيكر مش كويس بالغلط و انا شفته و هو بعدها حذفه ف نفس اللحظة عرفت انه ممكن يكون مدمن إباحية ، حقيقي انا خايفة عليه اوي لأن بالذات الحاجات ديه بيبقى صعب اصلا تلاقيها على الواتس كده ف ديه اكيد صحبة فاسدة و ممكن تضيعه و بالذات انا بحثت عن الموضوع ده و لقيت كلام كتير ف المجمل ان العلاج من الادمان ده صعب و بيقعد سنين ،
ناس كتير كانت تتمنى تبدأ العلاج من بدري او اصلاً ميحصلش كده و تعرف ، هو الحمد لله مش مدخن و لا بيقرب من السجاير بس خايفة تكون ديه الخطوة الجاية،
و دراسته للاسف هو مقصر فيها جداً كان المفترض انه في ثالثة ثانوي لكنه في سنة أولى ثانوي دلوقتي ، مش عارفة اعمل ايه و مش عاوزة اواجهه مرة واحدة لأنه لسة في ثانوي و انتوا اكيد عارفين الولاد طبعهم بيبقى عامل ازاي ف السن ده ،
و انا لسة في وضع الصدمة و مش قادرة اصدق و بحاول أخرج الموضوع من دماغي بس مش عارفة لأنه اخويا حبيبي ، يا ريت تنصحوني أعمل ايه و ازاي و بجد عاوزة حل عملي و حقيقي مش مجرد كلام لأني بقيت مش مرتاحة بجد و طول الوقت حاسة اني قلقانة و مش عايزة حد من اهلي يلاحظ ده .
عليكم السلام ورحمة الله و بركاتة قبل إى شئ عايز احيكي أنك مهتمة و خايفه على اخوكي بالشكل، ربنا يزيد المحبة مابينكوا و يبعد عنكوا الشيطان و يجعلكوا دائماً متقاربين. في لقطة من مسلسل (بدون ذكر اسماء )فيه زي جماعة صحاب كده كل ما واحد فيهم يغلط يجمعوا بعض و يقولولوا لازم توقف كذه و بيقولوا الأسباب و ليه و كل حاجة، و بيقتنع و بيوقف كده، فأنا اقتراحي لو عندكوا اخ/اخت تانية ممكن تحكيلها الموقف برضوا و تتجمعوا مع بعض في مكان هادئ و بعدها تبدأوا. عايز الفت نظرك لحاجة، الأستيكرات ديه متداولة كتير جداً بين الناس فمش شرط يكون هو شاهد حاجة فبلاش تتهمية بكده نهائي لأن ده ممكن يأثر جامد في كلامة معاكي. خلي بالك من الكلام و أنتي بتتكلمي معاه كويس جداً لأن الكلمة الغلط هتكون بفورة. يفضل لو تتكلمي أنتي معاه الأول بخصوص الأستيكر ده و تقوليله زي كأنه موضوع عادي و بعدها تفهمي اكتر و من هنا هتعرفي تعملي إى بظبط، ممكن يكون مجرد صحبة سوء مش اكتر و هما اللي بعتولة الأستيكرات ديه و ينتهي الوضع على كده. و أخيرا لو الموضوع مرتبط بحصبة سوء و هو مبعدش عنهم و عدى على الموضوع فترة، انصحك لو تتكلمي مع الوالد و الوالدة لأن الصحبة السوء ممكن تؤدي لاكتر من كده. أتمنى يكون في إفادة..
تم النشر الثلاثاء، ١٣ أكتوبر ٢٠٢٦
وعليكم السلام ورحمه الله وبركاته بصي يا بنت الحلال اللي بيعمله ده في سنه وعصر المراهقة ده يعتبر طبيعي وعادي عيال كتير بتعدي بالظروف دي ..مش ببررله .. فابعدي خالص عن الموضوع وما تدخليش نفسك في حوارات واعتبري نفسك ماشوفتيش حاجة وريحي دماغك وادعيله في سرك ربنا يهديه وتفضلي في السيف سايد ومحدش يعرف انك عرفتي حاجة عشان متوجعيش دماغك ولا تحطي نفسك في موضع مش كويس ..وربنا يهديه ويصلح حاله
تم النشر الثلاثاء، ١٣ أكتوبر ٢٠٢٦
وعليكم السلام ورحمة الله وبركاته، الحمد لله بخير، وأتمنى أن تكوني أنتِ كمان بخير وتطمئني قريبًا. أنا فاهمة تمامًا الصدمة والقلق اللي بتمرّي بيه، خاصة إن الموضوع يخص أخوكِ اللي بتحبيه، وده بيخلّي الإحساس أثقل. خليني أطمنك أولًا: إنك لاحظتي الموضوع مبكرًا ده فرصة كويسة، والإدمان مش دايمًا بيستمر سنين لو اتعالج بطريقة صحيحة ومدروسة. أول خطوة عملية: حاولي تفتحي موضوع التوعية بشكل غير مباشر وهادي، بدون ما تواجهيه شخصيًا. مثلاً، ممكن تشاركي معاه فيديوهات أو مقالات عامة عن تأثير الإباحية على التركيز والدراسة والصحة النفسية، وتقولي له إنك سمعتي عن الموضوع ده وبتناقشيه مع أصحابك أو قرأتيه. ده بيخلّي الباب مفتوح للكلام بدون إحراج. كمان، شجّعيه على أنشطة إيجابية زي الرياضة أو هوايات جديدة أو حتى دروس خصوصية تساعده يرجع يركز في دراسته، لأن ملء الوقت الفارغ بيقلل فرص الوقوع في العادة. من الناحية الإسلامية، ادعي له كتير بالهداية والتوبة، ولو قدرتِ تذكّريه بلطف بأهمية الصلاة والاستغفار بدون ما تربطي الكلام مباشرة بالموضوع. لو حسيتِ إن الوضع بيتطور أو إن صحبته فعلاً بتأثر عليه، فكّري في طريقة غير مباشرة تخلّي والديكِ يلاحظوا احتياجه للتوجيه، زي إنك تتكلمي عن "ضرورة متابعة الشباب في السن ده" بشكل عام. وأهم حاجة، حافظي على هدوئك عشان متبانيش عليكِ القلق قدام أهلكِ. لو عايزة أفكار إضافية أو تفاصيل أكتر عن كيفية التعامل مع المواقف دي، ابحثي عن أسئلة مشابهة على فدني عشان تشوفي تجارب ناس تانية. أنتِ قوية وبتعملي اللي تقدري عليه، وده كفاية. لو حابة تكملي الكلام، أنا هنا.
تم النشر الاثنين، ١٢ أكتوبر ٢٠٢٦
هوا الاصل ان احنا نلتمس لاخونا حسن الظن وان احتمال يكون فيه مليون احتمال تاني + انك تقعدي تفكري وتشغلي دماغك بعورات الناس زي اخوكي ده بيضغطه جدا لو كان فعلا ومش حاجة كويسة اصلا + مينفعش تنصحيه ولا تواجهيه لأنه هوا مش هيستفاد بنصيحتك لانه اصلا مش مجاهر بالمعصية ومش من النوع الي هوا مكبر دماغه وعادي + واصلا زي ما قلتلك فيه مليون احتمال ممكن ميبقاش مدمن ممكن بصدفة ممكن اي حاجة حرفيا، فيه ناس بتعمل حاجات فيهها ريبة وبتبقا بريئة جدا وفيه ناس بتبقا في محض شبهة بس هي سليمة بس قدر الله كدا
تم النشر الخميس، ١٥ أكتوبر ٢٠٢٦
وعليكم السلام ورحمة الله وبركاتة طبيعي جدا تخافي ع اخوكي لو شاكه فعلا فيه برنامج حلو جدا بيخفي اي مناظر او مشاهد غير لائقه اي صور او مقاطع فديو مش كويسة نزليه ع تلفون اخوكي هو البرنامج فيه باسورد اعمليه وانسي الباسورد وباذن الله مفيش اي حاجه؟ تظهر ع تلقونه حتي لو مسح البرنامج هيفضل المشاهد دي مقفوله برضو الله المستعان وحاولي تخليه مع صحبه صالحه جروب وتس او يدخل دورات دينيه دي بتيجي من الفراغ
تم النشر الخميس، ١٥ أكتوبر ٢٠٢٦
مرحله وهتعدي حصلت مع اخويا الصغير بردو هو حاليا في تانيه ثانوي ف واجهته عادي وبعد عن الحاحات دي والافضل انك تخليه واحده واحده يقرب من ربنا
تم النشر الأربعاء، ١٤ أكتوبر ٢٠٢٦
سيبيه هو مش صغير
تم النشر الأربعاء، ١٤ أكتوبر ٢٠٢٦
واجهي مفيهاش مشكلة واتكلمي معاه وصاحبيه ومتحسسهوش انك اختو وتزعقي فيه وكده لا كبريه واتكلمي معاه بهدوء ولطافه وهو هيستجيب صدقيني
تم النشر الثلاثاء، ١٣ أكتوبر ٢٠٢٦
الفيديوهات الدينية بتحافظ على الحياء ودي افضل مصدر
تم النشر الثلاثاء، ١٣ أكتوبر ٢٠٢٦
الفكرة اني اشغل فيدوهات زي ديه حاجة صعبة لاننا اسرة محافظة ف مش بنتكلم في المواضيع ديه من قريب او من بعيد
تم النشر الثلاثاء، ١٣ أكتوبر ٢٠٢٦
تعمدي تشغلى مقاطع دينية وطبية عن الموضوع ده وهو قريب منك عشان يسمع بشكل غير مباشر.....هدانا الله جميعا ووفقنا لطاعته
تم النشر الثلاثاء، ١٣ أكتوبر ٢٠٢٦
لعرض السؤال في فدني اضغط هنا