هو حالياً انا من 19 سبتمبر 24 وانا بحاول انسي شخص ومعرفتش واخدت صدمه بسبب اعز اصحابي وحياتي واقفه في نفس الدايره والسؤال الي من تلت حروف الي كلنا عارفينه،
وفي حد حاليا بيحاول يخليني اخد الامان بس انا مش واثق حتى في نفسي وخايف اخد خطوه اندم عليها تاني وخايف مش اخدها واندم طول عمري بسبب اني مش عملت كده...ممكن نصيحه؟
أعتقد 10 شهور كفاية ع إنك تحبس نفسك ف نفس الدايرة ده أول حاجه محتاج تشتغل عليها .. إنه خلاص إديت الزعل والتفكير حقهم وزيادة الصدمات مش حاجة سهلة بس غالبا هنقابلها ومفيش وقت كفاية ف الحياة إننا نركن حياتنا قصاد كل صدمة فالحياة كده كده هتستمر ومضطرين نعيش ونشتغل ونتعامل فخلينا نحاول نعيشها صح لأنه أولا وأخيرا هنتسأل عليه "وعن عمره فيما أفناه" أفصل نفسك شوية عن كل ده وأشتغل عليها سواء دراسة أو شغل أو أي حاجة متأجله دور ع الأمان جوه نفسك الأول عشان ميبقاش مرهون بحد وعشان تبقى إنت نفسك مصدر أمان
تم النشر الثلاثاء، ١٥ يوليو ٢٠٢٥
المهم طول مانت مركز مع الشخص عمرك ما هتنساه بمعني لازم تركز على اشياء اخرى بمعني تركز في حياتك أو في هدفك أو شغلك شوف انت عايز توصل لي ايه وركز عليه وشوف الطرق اللي تساعدك توصله في مقوله بتقولك ركز على ما تريد وليس على ما لا تريد يعني اجي اسالك انت عايز الشخص ده هتقولي لا اقولك طب بتفكر في ايه🤔
تم النشر الثلاثاء، ١٥ يوليو ٢٠٢٥
مش كل الناس زي بعض يمكن كان اختيارك غلط من الاول
تم النشر الجمعة، ١٨ يوليو ٢٠٢٥
بصي غللبا99 في المئه مننا قابل شخص في حياته وغالبا بيكون اول شخص يعني مثلا اول صاحب أول حد اتعرفت عليه ف المدرسه وهكذا بس للأسف بيبقي اول وأصعب درس في حياتنا لازم تستوعبي أنه مكنش شخص كويس وادي لنفسك فرصه تشوفي ناس تانيه لو اديني لنفسك فرصه هتعرفي فعلا أنه كان الشخص الغلط وهتلاقي أنه كان باين من الاول وكان في مواقف بأن فيها علي حقيقته بس للأسف مبنشوفش دا أو بنعمل أننا مشوفناش ولو فضلتي واقفه فنفس النقطه محدش هيتضر غيرك اشغلي وقتك عن التفكير في الشخص دا تجاهليه لو لسه بتتقابلوا كأنه مش موجود لتعرفي علي ناس خرجي نفسك من المنطقه اللي انتي فيها دي
تم النشر الخميس، ١٧ يوليو ٢٠٢٥
اذكر تفاصيل
تم النشر الثلاثاء، ١٥ يوليو ٢٠٢٥
وضح أكثر مش فاهمه حاجه
تم النشر الثلاثاء، ١٥ يوليو ٢٠٢٥
لعرض السؤال في فدني اضغط هنا