انا تعبت واتخنقت حرفيا معتش قادر اكمل ..
نفسي استمر في الصلاه والتقرب من الله بس بقعد يجي 3 ايام وكده او اسبوع بالكتير بكون كويس وبصلي وموقف عاده سريه وكده .. وبرجع تاني اقع .. وتوبت يجي.100000 مره وبرجع تاني وانا حرفيا دلوقتي معتش قادر خالص حاسس بضعف ومش قادر اروح المسجد خالص حاسس بخنقه
وانا حاليا ساكن وكده عشان الكليه وقاعد مع زميلي وكل ما احاول اكون كويس .. هما بيأثرو عليا بالكلام ويسبو الدين ويقولو كلام عن الاباحيه ..
وهذا سبب كبير في انتكستي ومش عارف اعمل ايه معاهم وانا مضطر اقعد معاهم عشان انا ساكن وكده وكلنا في اوضه واحده . انا تعبت ياريت حد يفدني ..
دور علي صحبه صالحه تعينك علي طاعة الله وحاول تنصحهم واعرف إن الي بيسب الدين دا كافر وطلع من الإسلام ولو مش هتقدر تسيب السكن وتغيره متخطلتش بيهم ومش دي الصحبه إلي تشكي ليها همك وكمان إنك تعمل ذنب وتتوب دي دورة المؤمن مع ربه إحنا جينا الدنيا عشان نذنب ونتوب وربنا يغفرلنا وكلنا بنعمل ذنوب بس ماتخدش الكلام دا حجه إنك تعمل ذنب مش غلط إنك تعمل ذنب وتتوب بس الغلط الأكبر إنك تعمل ذنب وتقع ماتقومش تاني وتسوق في المعاصي والذنوب دايما إسمع قرآن في فيديوهات كتير هتعلمك إزاي تنتظم في الصلاه أعرض مشكلتك علي احد الصالحين شيخ او إمام مسجد وديما إعتمد صلاة الجماعه وخاصة الفجر والصحبه الصالحه بتكون بس في المسجد الصلاة هي سبب سعادتك في الدنيا والآخره ففكر كدا لو مش هتحاول وتتعب عشان تكسب الاتنين هتعمل ايه حاول تتغلب علي شهواتك والي يعمل كدا عند ربنا افضل من الملائكه إنت لما تتوب ربنا هيفرح بتوبتك في الصلاة إنت واقف قدام ربنا بتكلمه في اعظم واجمل من كدا حاجه الي مبيصليش كتابه مقفول متفتحش وكمان الي يأخر الصلاه تتأخر عنه كل حاجه مابالك الي مبيصليش اصلا المحاوله بإذن الله هتنجح وديما إستغل اوقات استجابة الدعاء وقول ( اللهم اجعلني انتظم بالصلاة حبا وليس فرضا واجعلها احب الي من كل مافي الدنيا) وحافظ علي الورد اليومي واذكار الصباح والمساء كل دا هيعينك وخليك صادق في توبتك ( مشكلتك نفس مشكلتي) وربنا يعينك ويجعلنا واياكم من الصالحين
تم النشر الجمعة، ٢٤ نوفمبر ٢٠٢٣
من الاسباب اللي بتخليك تقع طبعا هي اصحابك السوء.ف لازم تقطع علاقتك بيهم. ولو موجودين معاك في السكن، غير السكن ده وروح لسكن تاني. المهم تبعد عنهم ، وتحاول تتقرب من صحبة كويسة. ده برنامج بودكاست لواحد اسمه حازم الصديق هتستفيد منه جدا https://www.youtube.com/watch?v=dn8hSniaphA&list=PLcaLjDlQePQU3dpVNUzTSQQapGgtxPtts&pp=iAQB وهترك لك سؤال خاص بالعادة ايضا راجع اجاباته هتفيدك باذن الله https://fedni.net/q/61042885/إدمان-مشاهدة-الأفلام-الإباحيه
تم النشر الاثنين، ٢٠ نوفمبر ٢٠٢٣
ادعي ربنا في كل صلاة انه يتوب عليك ويهديك وبالنسبه لعدم انتظام الصلاه فده ليه حل بعد كل صلاه قول اللهم ادم على نعمتك وذكرك وشكرك وحسن عبادتك واعنى من لدنك على ذكرك وشكرك وعلى طاعتك بعد ماتختم كل صلاة ادعي بالدعاء ده وإنشاء الله ربنا يهديك ويديم عليك الصلاه اما بالنسبه لزملاء السكن السيئين فلوا عرفت ان انت تبعد عنهم فده احسن حاجه ممكن تعملها ورسول الله قال من ترك شيئا لله عوضه الله خيرا منه فمش تقول هسيب الاوضه واروح فين انوى انك تتوب وتبعد عن كل حاجه كنت بتعملها وربنا هيساعدك واوعى تيأس من التوبه لأن ده نزغ من الشيطان وكل لما تعمل حاجه توب باب التوبة مفتوح على طول ولازم تاخد على نفسك عهد انك مش ترجع وإنشاء الله ربنا يكرمك بصحبه صالحه تعيش معاهم حتى لو هتاخد أوضه لوحدك ربنا هيكرمك ويبعتلك إيجارها والمصاريف طالما نويت نيه صادقه انك تتوب . وربنا معاك دائما انشاء الله.
تم النشر الاثنين، ٢٠ نوفمبر ٢٠٢٣
إشغل نفسك بالقرأن ، طول ماانت قاعد امسك المصحف ، واقرأ ، هتستحي إنك تفعل ذنب وانت بتقرأ كلام اللّٰه ، وربنا يهديك ويهدي قلبك لطريق الحق ، كويس انك بتوب وربنا لا يمل حتا تملوا ، بس الاهم من التوبه الاخلاص فيها ، إخلص بوعدك معا ربنا ،إطلب من ربنا أنه يعينك ع ترك المعصيه ، ولو حسيت انك بتميل للمعصيه افتكر حاجه واحده فقط أنه دا اختبار من ربنا ليك ، ف ليك حق الاختيار انك تسقط ولا تنجح فيه !؟
تم النشر الخميس، ٢٣ نوفمبر ٢٠٢٣
بسم الله ...الصلاه تعود ادعو الله ولا تمل جرب الصلاه أربعين يوماً في المسجد حيث قال رسول الله من صلى لله أربعين يوماً في جماعة يدرك التكبيرة الأولى كتبت له براءتان: براءة من النار، وبراءة من النفاق. أخرجه الترمذي، وقد أشار الألباني إلى تحسينه، كما في صحيح الجامع الصغير وزياداته.بالنسبه لاصحابك سبهم ودور على سكن تاني او روح السكن على النوم وذاكرة في المسجد
تم النشر الثلاثاء، ٢١ نوفمبر ٢٠٢٣
لعرض السؤال في فدني اضغط هنا