السلام عليكم
أنا طالب ووقعت في دوامة الاباحيه لكن تعافيت منها الحمد لله ومن أسباب وقوعي في الاباحية إني حصلي صدمات كثير وأنا صغير ودا خلى عندي أزمات كثير مثل عدم الثقه بالنفس والرهاب الاجتماعي لكن لما بدأت التعافى بدأت أصلح المواضيع دي وتقريباً اختفت لكن بقت عندي حساسية إني لو شفت امرأه متبرجه حتى لو بغلط أو بتعامل معاها في سوبر مركت بلاقي أفكار كثير تجيلي إني كده انتكست ووقعت وكده ثقتي في نفسي راحت ومش هعرف أبقى قوي واتكلم كويس قدام الناس فهل دا صحيح ولا فهم خاطئ من عندي؟
وبردو لما أكون بذاكر بليل وبسمع صوت بره بيجيلي أفكار ماذا لو كان شخصين بيمارسو الفاحشه وأنا كده بسماعي ده أكون وقعت وثقتي في نفسي راحت وماذا لو كانت الاصوات دي من غرفة والدي وكده انتكست ووقعت وبتفضل تجيلي الأفكار دي ومبقدرش أبطلها وبترهقني جداً و تصدع عقلي وتخليني أعوز أرجع للإباحيه وانهي الموضوع ده كله
وأنا أصلا لما بتجيلي الأفكار دي مبتكونش عشان شهوه ده كأنها شكوك في نفسي وعدم يقين وبردو لما أكون بهزر مع أخوي الصغير فمثلاً بضربه علي مؤخرته كهزار يعني لكن بتجيلي أفكار ماذا لو كنت بفعل شئ خاطئ وبغذي مسارات الإدمان وبردو والدي بيحبو يهزرو مع بعض فأحياناً بيفعلو كده مع بعض بيضربو بعض علي الأماكن دي فلما بشوف كده بقع في دوامة خوف إني كده انتكست من دون لا أدري رغم إن اخوتي شافو نفس الشئ وكانو بيضحكو لكن أنا الي وقعت في دوامة ذنب
وكل المواقف دي لما أشوفها مش بحس بشهوة ابداً لكن الخوف من انتكاستي اللي بيطغى عليا ونفس الموضوع لو شفت صور واحده متبرجه حتى لو بالغلط بحس إني اندمرت ووقعت ونفس الموضوع مع لو حد بيشتم حد وببقول لفظ مش حلو رغم إني ملييش ذنب فبتجيلي مشاعر ذنب وأفكار إني كده ثقتي في نفسي راحت ووقعت وبلاقي نفسي بعد ما سمعت كده ثقتي في نفسي مهزوزه
واقتنع إني طالما سمعت الشتميه يبقى يومي باظ وانتكست فهل في علاقه ما بين الثقه في النفس والاباحية وبردو مره كان صدر امي باين من من الجلبيه مره فساعتها وقعت في دوامة ذنب وجلد ذات إني كده وقعت وكل حاجه ادمرت رغم إني لما شفت كده محستش بأي شهوه والله لكن خفت إني أكون انتكست بس فسألت أبي مره عن الموضوع قالي مفروض لو أمك قالعه تروح تغطيها ولما تكبر تدخلها الحمام فأنا مبقتش عارف حقيقي أعمل ايه
عاوز اتخلص من حساسيتي دي وخايف لو اتجوزت مقدرش ألمس مراتي عشان موضوع ربطي للثقه بالنفس الاباحيه وعاوز أعرف طالما أنا مدخلتش موقع اباحي ولا بشاهد عري أي حاجة حتى لو شتيمة مفيهاش حاجه وعاوز أعرف الرابط بين ثقتي في نفسي قدام الناس والاباحية ايه هو ممكن حد ملم يجاوب عاوز أعرف هل الأفكار دي حقيقيه ولا لا عشان بقيت بتدمر بيها
السلام عليكم ورحمة الله وبركاته حاول تحافظ على صلاتك على قد ما تقدر اقرأ اذكار الصباح والمساء هيساعدوك كتير اقرأ كل يوم ولو صفحه واحده من القرءان كل لما يجيلك تفكير عن اي حاجه من دول حاول تستعيذ بالله من الشيطان لان دا كله من مدخلات الشيطان واعتقد ان دا فهم خاطئ لان دي الحياه واكيد دي حاجة وارده هي مش حرام عموما لان دي اي حد متجوز لازم يدخل في العلاقه دي ولكن بما انك طالب حاول ما تشغلش تفكيرك بحاجات مش هتفيدك دلوقت لانها هتقلل من تركيزك جدا وهتجعلك مشغول دايما ومش قادر تستوعب حاجة حاول على قد ما تقدر تشغل وقتك وربنا يصلح حالك يارب والسلام عليكم
تم النشر الاثنين، ٢٩ ديسمبر ٢٠٢٥
وعليكم السلام ورحمة الله وبركاته يا أخي العزيز، أولاً، مبروك تعافيك من الإباحية الحمد لله ، ده إنجاز كبير يستحق الاحتفاء بيه! أنت مش "وقعت" في أي من المواقف دي، وهقولك ليه بوضوح: دي أفكار وسواسية (obsessive thoughts) مش انتكاسة حقيقية . هي شائعة جداً في مرحلة التعافي، زي "الـ OCD الديني/الأخلاقي"، بتيجي بدون شهوة أو نية، وبتكون شكوك في النفس مش ذنب. الذنب الحقيقي يحتاج نية وفعل متعمد، مش رؤية غلط أو صوت بره أو هزرر بريء مع أخوك. الرابط بين الثقة بالنفس والإباحية؟ مش موجود أصلاً . الإباحية كانت "تعويض" عن صدمات الطفولة وعدم الثقة، لكن التعافي الحقيقي معناه فصل الاتنين. ثقتك مش هتروح عشان فكرة عابرة – دي فهم خاطئ تماماً من عندك . الثقة تبنى بأفعالك اليومية (دراستك، صلاتك، تفاعلك مع الناس)، مش بـ"تجنب العالم". لو كل واحد خاف من كل محفز، محدش هيعيش! خطة عملية عشان تتخلص من الحساسية دي (خذها خطوة خطوة): للأفكار الوسواسية : لما تيجي، قول فوراً "أعوذ بالله من الشيطان الرجيم"، ثم تجاهلها تماماً وتابع اللي بتعمله . متردش عليها أو تحللها – ده زيادة وقود ليها. استغفر 3 مرات وادعي: "اللهم إني أعوذ بك من وساوس الشيطان". ابنِ الثقة يومياً : حدد 3 إنجازات صغيرة كل يوم (مثل: أدرس ساعة، أمشي 20 دقيقة، أتكلم مع حد غريب في السوبرماركت). كل مرة تنجح، قل لنفسك "أنا قوي وقادر". للرهاب الاجتماعي : ابدأ صغير – ابتسم لجارك، سلم على زميل في الجامعة. مع الوقت، هتتكلم كويس قدام الناس بدون ربط بالإباحية. روتين يومي : صلِ النوافل، اقرأ قرآن 10 دقايق يومياً (سورة الناس والفلق خاصة للوساوس)، مارس رياضة (جري أو تمارين منزلية) عشان تفرغ الطاقة السلبية. للزواج : متخافش، الثقة هترجع طبيعي، والمس مع الزوجة حلال وبركة. ركز على التعافي دلوقتي، والزواج هيبقى أحلى. أنت مش مدمن ولا ضعيف – أنت بطل بيحارب وساوس! لو استمرت قوية، شوف خبراء في Fedni (https://www.fedni.net/experts) في علم النفس أو الاستشارات الإسلامية، أو ابحث أسئلة مشابهة في التطبيق عشان تشوف إجابات تانية. استمر، وهتشوف الفرق في أسابيع. ربنا يثبتك ويبارك فيك! 💪
تم النشر السبت، ٢٧ ديسمبر ٢٠٢٥
امورك هتبقى تمام إن شاء الله بس متديش للموضوع حيز اكبر منو متفكرش كتير واستعن بالله
تم النشر الاثنين، ٢٩ ديسمبر ٢٠٢٥
ده شيطان بيحاول يرجعك للمعاصي كده منتكستش ولا حاجه دى كله نظام اختبارات ونفس لسا ضعيفه حاول تبعد عن اى حاجه ليها علاقه بالحوار ده والتزم الاستغفار دايما وحاول تشغل نفسك بحاجه جديده ينحز تفكيرك ليه اكتر وتشغل بالك حافظ على صلاتك فى وقتها واسأل الله الثبات ودايما شجع نفسك بكلام يعلى ثقتك بنفسك عشان الحاجات دى بتتعب نفسيا جامد يعنى حاول تقول انا قدها هقدر اعدى الموضوع ده انا قوى انا هقرب من ربنا انا كويس وانا بعافر وإن شاء لله مش هرتاح غير لما ربنا يرضى عنى اسأل الله لك الثبات والطاعة وان يجدك الله حيث ما امرك
تم النشر الاثنين، ٢٩ ديسمبر ٢٠٢٥
شيطانك هو اللي بيهيأ لك كل الحاجات دي هو حاليا بيستغل نقطة ضعفك علشان بس ترجع للمعصية مش اكتر هو كدا الشيطان دايما يخرب عليك الشي اللي يخليك تكون سوي نفسيا أنصحك انك تستغفر كتير كل لما تجيلك الأفكار دي ودائماً ردد قوله تعالى [ إِنَّ كَيْدَ الشَّيْطَانِ كَانَ ضَعِيفًا] وع طول كل لما تجيلك الأفكار دي حاول تستبدلها بأي حاجه تانية +اقعد مع نفسك وحاول تغير مفهومك عن نفسك وتقلل جلد ذات اسمع بودكاست+ مفيش إنسان كامل احنا بس اللي بنسعى نشوف كل اللي حوالينا مثاليين بدون غلطات بس يمكن حالهم أسوأ من اللي احنا نشوفهم عليه + أكيد حضرتك هتوصل لحل وتخلص من كل العقد دي لأنك شجاع وواجهت نفسك أصلح الله حالك وهداك لما تحب
تم النشر الأربعاء، ٣١ ديسمبر ٢٠٢٥
و في موضوع الهزار للأخ الصغير الافضل انك متضربوش على مؤخرته عشان ميتعودش على كدا
تم النشر الاثنين، ٢٩ ديسمبر ٢٠٢٥
السلام عليكم... اخونا الفاضل هون على نفسك انت عايش في جحيم داخلية من جلد الذات .... متشوفش الأمور بصورة متطرفة اللي هو انا مثالي بس لو ظهر لي شعر بنت بالغلط فأنا اتحولت إلى محشش ... يا عمنا اهدى على نفسك انت لا مثالي ولا محشش انت في النص بينهم في رحلة جهاد مع النفس .... وزي ما علمنا الرسول صلى الله عليه وسلم ان مفيش حد بيتشدد مع الدين الا وبيتغلب في الآخر .... فأنت عشان بتشدد على نفسك بتنتكس وتقع في الاباحية لأن النفس متتعب من التشدد فبتحتاج تبوظ كل حاجة وتنتكس ... فلو خففت على نفسك وسمحت لنفسك بالتقصير الروتيني زي الكسل أحيانا أو الغباء وغيرها فده هيقول عندك الانتكاس ... وفي ناس تانيين اللي هم معندوش ضمير خالص دول اللي لازم التشديد عليهم اما اللي جلد الذات عنده عنيف بيتقال له اسمح لنفسك بالتقصير الروتيني
تم النشر الاثنين، ٢٩ ديسمبر ٢٠٢٥
لعرض السؤال في فدني اضغط هنا