ارجو من الجميع الدعاء لي لأني امر بظروف صعبة جدا نفسيا انا اعاني من الوسواس القهري من طفولتي بس عقبال ما عرفت ايه اللي عندي و بعد ما عرفت انه له علاج نفسي و دولئي خدت وقت يمكن لو دويت الموضوع من بدري كان هيبقي أحسن
و كمان ف حاجة تانية بمر بيها محرجة جدا منها و انا طفلة بالصدفة تعرضت لفخ العادة الشرية و انا الآن بعد ٩ سنين تعافي منها رجعت ليها بقالي اقل من سنة ف الموال و يا رب ميزيدوش و اتعالج للأبد و يبقي اللي انا فيه ده خير و به نهاية يا رب
نتيجة تدرج من كذا حاجة و اكتشفت مؤخرا ان سببها مش السبب المتعارف عليه لا سببها وسواس قهري انا نفسي اروح لدكتورة بس عايزة اختار يوم اكون نازلة فيه بالمرة عشان مش عايزة اعرف امي اني روحت لدكتور هشان متحزنش عليا هي عرفت بالموضوع بس مش عايزة ازود حزنها
انا اكتشفت اني محسودة برده و الحسد بيدرج لده
المرض العادي ممكن تصرح بيه و تشاركه نع الناس عشان يدعولك انا حالتي لا
انا طفولتي كان فيها حاجات مهدت لده
انا جالي كل أنواع الوسواس القهري اللي لو دورتوا ف جوجل هتلاقوها كنت فاكرة ان ده بس لكن الوسواس القهري اتضح لا ده في كل حاجة و بيتلون انا اخلص من نوع ادخل ف التاني و حياتي كلها كدا انا تعبت اوي مع إني الناس تشهدي باجتهادي ف مذاكرتي و قربي من ربنا انا من ساعة ما قررت احفظ القرآن و البس خمار و ده حصلي لا بقيت انتظم ف حضور دروس القرآن و لا لبست خمار لابسة طرحة حتي الآن يا رب يكون ده ليه نهاية لأني انا مأذتش حد و لا بحب أذي حد حتي في ابسط الأشياء
مررت بنفس السيناريو انا و غيرك الكثيرات لا اعلم العدد . و انتهي الامر منذ سنوات و لم بتبقي للعادة و لا الوسواس أثر انت لست مريضة بشكل مزمن ابدا ابدا ثقي بذلك أهم شئ اتبعي برنامج للعلاج و استعيني بالله و توكلي عليه
تم النشر الأربعاء، ٣ مايو ٢٠٢٣
برأيي أنتِ في حاجة لطبيب نفسي حتى يساعدك على التخلص من كل تلك المشكلات. لا أعرف إن كان تشخيصك بالوسواس القهري هذا من قبل نفسك، أم من قبل طبيب، ولكن إن كنتِ أنتِ من شخصتي نفسك بهذا كما أظن، فعليا تحذيرك بأن هذا شيء خاطئ تمامًا، لأن المعلومات التي على جوجل تكون عامة تمامًا، وبطبيعة العقل البشري يسقط أي شيء يقرأه على بدن صاحبه، وخاصة إن كان مرضًا. مع العلم أن الأمراض النفسية تكون كلها نابعة من زيادة مفرطة في أفعال بشرية من الأساس يمارسها الجميع بشكل معتدل، فإن قرأتِ على جوجل أن من يعاني من الوسواس القهري يسمع صوتًا يحدثه، ستظنين أن حديثك مع نفسك داخل عقلك هو هذا، مع العلم أنه مختلف تمامًا ... وهكذا نصيحتي حاولي الاستعانة بطبيب نفسي
تم النشر الاثنين، ٨ مايو ٢٠٢٣
ولا يهمك خالص يا ست البنات اى كان الاسباب واى كان الوقت اللى فهمنا فيه وربنا كرمنا بالحل ...توكلى على الله واسعى فى الطريق وهتلاقى ربنا بييسرلك الشفاء باذن الله من كل هم وحزن ومشكلة بتعسر عليكى ....ربنا وعدنا ان مع العسر يسرا ....معاه مش بعده مهما اتأخر العلاج وميعاد تأثيره فهو هيجى فى الوقت اللى ربنا شايفه احسن لينا . مهما كان اللى وقعتى فيه ...بس تقدرى تقومى طول ما انتى واعيه وبتقررى وبتسعى ....ربنا جميل اوى وحنين اوى ...استشعرى معيته وانه شايفك وانتى بتعافرى وبتحاولى ومصممه تثبتى على الطريق السليم. استشعرى الآيه وانتى بتقرأى سورة الفاتحة ...اهدنا الصراط المستقيم. اعملى كل حاجة ولو بقدر بسيط وكونى فخورة بالقدر ده وبجهادك لنفسك وبعد مده هتبصى تلاقى انجازات صغيرة كتير حققتى بيها هدفك الكبير
تم النشر الخميس، ٤ مايو ٢٠٢٣
لعرض السؤال في فدني اضغط هنا