عندي سؤالين الأول اني بجرح امي وابويا واختي و بيزعلوا بسبب الاكتئاب بتاعي والوساوس ال عندي وفى كل مره بعد ما بجرحهم بندم وبزعل اوي وبروح اعتذرا وصلت لمرحله مبقتش عارفه اعتذر منهم تاني مليش وجه اعتذر بس عايزه أصلح ال عملته ومش عارفه ازاي
السؤال التاني كنت انا وماما بنتكلم فى حوراتي دي فهي بتهزر وتقول انت عايزه دكتور وتضحك فأنا قولتلها اني فعلا دورت على حد وهحجز معاها ساعاتها هي سكتت كدا وقالتلي ليه قولتلها عشان انا عندي مشاكل انا محتاجه مساعده وهنا سألتني سؤال مشاكل ايه العندك دي... حجات كتير وردود كتير كانت فى دماغي للرد ع السؤال دا زمان بي لما سألته كدا دماغي صفر حسيت اني بتدلع او عايشه دوره ضحيه او بتصنع حسيت ان كل الاكتئاب والوساوس و العيش فى الماضي والتفكير فى المستقبل و النوبات ال كانت بتجيلي و العياط ه حجات تافهه و انفعالات من غير ما توصلي لرد او ال كنت عايزه اقوله حسيت انه معنديش مشكله او انا تافهه حد فاهمني.. و ساعتها خوفت خوفت اكون كدا فعلا ورجعت افكر اروح لدكتور ولا لا ما هو ممكن يقولوا معنديش مشكله فعلا طيب الانا فيه دا ايه يعني انا طلعت تفاهه وبتدلع فعلا
انا احيكي جدا ع توضيحك للوضع كامل ومعرفتك ان اسلوبك ممكن يكون فيه حجات غلط وانك محتاجه مساعده ودورتي عليها بالفعل دي شجاعه منك رهيبه ومامتك انتي اغلى حاجه عندها وف مجتمعنا الي بيروح لدكتور نفسي دي كارثه هي عارفه انك تعباته وعارفه انك بتعاني وعارفه انك محتاجه مساعده بس كان سؤالها انكار منها عشان مش عايزه تشوف ف بنتها حاجه وحشه ...اي خصش بيروح لدكتور نفسي مش بيتدلع ولو معندوش مكشله كبيره ف اقل حقوقه انه يلاقي مكان امن يتكلم فيه والدكتور النفسي بيوفرلك ده مكان امن تفرغي فيه وتحلي قيه ابسط مشاكلك لأكبرها ومحدش يقدر يستهون بأكتأب ووسواس ونوبلت وبكاء لان كل دي مشاعر صعبه وافكار انتي حسيتيها وطالما حسيتي انك محتاجه مساعده ف انتي فعلا محتاجه مساعده اتمنى فعلا تاخدي الخطوه دي بس تطمني مامتك هي خايفه بس عليكي ومش عايزه تشوف فيكي حاجه وحشه
تم النشر الثلاثاء، ٢٨ مارس ٢٠٢٣
دماغك صفرت عشان دى ماما وده بيبقي احساسنا تجاه الاب والام ان اكيد كلامهم اصح حتى من احساسنا. طبعا ده غصب عنك بس هى فكرة غلط جدا مترسخه جوانا كلنا من الطفولة. مشاعرك واحساسك لا يمكن انكارهم ...حتى لو فعلا معندكيش حاجة هنحتاج نتأكد من الطبيب اناى ليه حسيتى الاحاسيس دى وانتى معندكيش حاجة الامر سيان انتى صح ومحتاجة مساعدة وكملى واطلبيها وخديها عشان تتقدمى خطوات لقدام. اللى بيصدر منك تجاههم انتى بتعملى اهو اللى بعد مرحلة الاعتذار انك تلاقى السبيل انك توقفى ده فتبقي كده بتحسنى من نفسك معاهم. كملى انتى صح
تم النشر الثلاثاء، ٢٨ مارس ٢٠٢٣
المعالج النفسي مينفعش تحت اي ظرف يتريق ع اي حاجه مهما انتي شايفاها ازاي حتى لو كانت صغيرة، ده اول حاجه. تاني حاجة شعورك ناحية اهلك بانك مش عايزة تزعليهم ده شئ جميل جدا، وعارفه انه غصب عنك، بس ايه رأيك تصارحيهم ب ده ... قولي لهم انا بعمل كده علشان كذا وكذا ... ولما تروحي عند الدكتور وياريت فعلا تروحي ... حتى لو مفيش حاجة من اللي في دماغك ... الدكتور هيساعدك في حاجات كتير جدا، هيساعدك تفهمي نفسك اكتر .. في الجلسة ديه مش هتروح هدر متقلقيش. احكي له كمان عن مشكلتك مع اهلك .. لو لزم الامر علشان في البيت يتفهموا الموضوع والدتك تروح معاكي مثلا تاني جلسة علشان تفهم حالتك. ويزداد وعيهم في البيت ب اللي بيحصل معاكي.
تم النشر الثلاثاء، ٢٨ مارس ٢٠٢٣
أولا، بالنسبة للسؤال الأول، فإن عملية الاعتذار هي المفتاح لحل هذه المشكلة. يمكنك التحدث إلى عائلتك بصدق وتقديم اعتذار صادق عن إيذائهم. كما يمكنك أن تقدم خطة للتغيير، بما في ذلك البحث عن طرق جديدة لمعالجة الاكتئاب والوسواس والتفريغ من الشعور بالذنب والندم. تذكّر أنه ليس من المعقول عليك حل هذه المشكلة بمفردك. لذلك، يمكنك التحدث إلى المتخصص أو المعالج للحصول على الدعم اللازم. أما بالنسبة للسؤال الثاني، فليس عليك الشعور بالاستحقاق أو أنك تدعي الضحية. فقد تكون هذه المشاعر جزءا من الاكتئاب والوسواس الذي يمر بها كل إنسان. يمكنك البحث عن مصادر دعم متاحة لك، بما في ذلك البحث عن متخصصين تحدث معهم بشأن مشكلاتك. يجب ألا تخجل من البحث عن الإرشادات أو المساعدة في مثل هذه الحالات. وأخيرا، انصحك بأن تركز على العمل على الأشياء التي تحبها وتسعدك، و تحدث مع أشخاص يمنحونك تفاؤل ودعم و تفكير إيجابي؛ انظر دائمًا للأمور من الجانب الإيجابي وابحث عن حلول وتغيير.
تم النشر الثلاثاء، ٢٨ مارس ٢٠٢٣
الوسواس والاكتئاب يرحلون بلا عودة مع الإيمان الحقيقي والتواصل الدائم مع خالق الكون بشكل يومي مستمر
تم النشر الثلاثاء، ٢٨ مارس ٢٠٢٣
الاعتراف بالخطأ ومصارحه النفس بالمشكله نص العلاج ياقمر والنص التاني انتي فيه مش محتاجه لدكتور انتي محتاجه وقفه مع نفسك وتحكم في ذاتك يعني لازم تقعدي مع نفسك قاعدة اخلاص وصدق وتاخدي قرار انك هتتوقفي عن اذيه غيرك .تذكري غضب الله.والزمي نفسك بالصلاة وبعد الصلاة اجلسي سبحي واستغفري لمدة نص ساعه ومهما يحصل لا تتركي التسبيح ده هيعلمك تتحكمي في نفسك كتير واسمعي فيديوهات عن حسن المعامله وجزاء من يعق والديه
تم النشر الثلاثاء، ٢٨ مارس ٢٠٢٣
لعرض السؤال في فدني اضغط هنا