معرفش اركز ودماغي بيبقي عليه تشويش ومش بعرف اطلع افكار وعندي زي مشكله في الاستيعاب

السلام عليكم ورحمة الله وبركاته أنا قرأت تعليقك على الإجابة بتاع الدكتورة وأنت ذكرت فيها إنك فعلا بتاخد منبهات كتير ومنها مشروبات الطاقة فخلينا نقول هنا إن احنا مش بنساعد نفسنا وكل لما كنا بندور على حاجة لازم نوفر لها على الظروف المناسبة. فأنا لو عايز مخي يشتغل بطاقة مناسبة تسمح له إنه هو يحصل تحصيل مناسب فلازم أهيأ له الظروف المناسبة. الظروف المناسبة دي هو إن أنا يكون طريقتي في الأكل والشرب طريقة صحية إن باخد القدر الكافي من احتياجاتي الجسمانية اللي هي الجزء الخاص بالرياضة مثلا النشاط البدني الجزء الخاص بالنوم عشان الجهاز العصبي ده هو دلوقتي أكتر حاجة شغالة فلو أنا استهلكت جهازي العصبي أو أرهقته جدا هو بعد شويه خلاص هيقول لي انا مش هقدر ادي الاداء اللي انت منتظره مني فاحنا محتاجين نخلي بالنا من الموضوع ده لانه ما اعتقدش إن فجأه بقى عندنا مشكله في الاستيعاب لا هو احنا عندنا هنا مشكله بقى في الجهاز العصبي ان احنا أرهقناه ومشروبات الطاقه دي من أخطر الحاجات لانها بتعمل انتباه شديد جدا مبالغ فيه في الجهاز العصبي وده بيضر الجسم جدا فرجاء ياريت نبعد عن مشروبات الطاقة تماما والحاجات اللي فيها كافيين القهوه الشاي والحاجات دي يكون برده شربها بحساب ولما الاقي نفسي محتاجه اركز لو انا شربت مثلا فنجان قهوه وشربت كوبايه قهوه ولسه مش قادر أركز كده انا هنا اعرف ان انا مش محتاج حاجه تصحيني لا بالعكس أنا محتاج انام انا محتاج ان انا ادي جسمي وجهاز العصبي فرصه انه يعمل ريستارت فهو يعمل ريستارت في النوم فلو أنا نمت ساعه اكون احسن لي كثير من كوبايه القهوه اللي انا هشربها مره ثانيه.
تم النشر الاثنين، ١٦ نوفمبر ٢٠٢٦
ممكن يكون قلة النوم والسهر أو التوتر والقلق أو سوء التغذية ونقص بعد الفيتامينات والأنيميا ،أى سبب من دول عندك ؟
تم النشر الأحد، ١٥ نوفمبر ٢٠٢٦
يا صديقي، اللي بتحسه من تشوش في الدماغ وصعوبة في التركيز والاستيعاب وإخراج الأفكار ده أمر شائع، وغالباً بيحصل بسبب تراكم الضغوط أو نقص في الروتين اليومي. أول حاجة لازم تفهمها إن التركيز مش حالة ثابتة كل يوم، لكنه مهارة بتتحسن بالتدريج لو ركزت على أساسيات زي النوم المنتظم لمدة 7-8 ساعات كل ليلة، وتناول وجبات متوازنة فيها بروتين وخضروات وفواكه عشان تمد الجسم بالطاقة اللازمة للدماغ. جرب تقسم يومك لفترات قصيرة، زي 25 دقيقة عمل مركز ثم استراحة قصيرة، وابتعد عن المشتتات زي التليفون أثناء المهام المهمة. كمان، حافظ على شرب المية بانتظام ومارس رياضة خفيفة زي المشي اليومي عشان تحسن الدورة الدموية وتقلل التشوش. لو المشكلة مستمرة، ممكن يكون في حاجة زي نقص فيتامينات أو توتر متراكم، فمن الأفضل تشوف طبيب عشان يطمنك. لو عايز أفكار إضافية، ابحث عن أسئلة مشابهة على فدني عشان تشوف تجارب الآخرين. أنت قادر تتحسن خطوة بخطوة، خد الأمر بهدوء وابدأ بتغييرات بسيطة النهاردة. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ١٥ نوفمبر ٢٠٢٦
سلام عليكم حاول تظبط النوم 7-8ساعات وتشرب ماية كافيه توززعها على مدار اليوم وتقلل مسك التلفون وحاول بقدر الامكان متمسكهوش قبل النوم ان شاءلله اللحاجات دى يعني خليها واحده واحده واستمر عليهم
تم النشر الاثنين، ١٦ نوفمبر ٢٠٢٦
لعرض السؤال في فدني اضغط هنا