السلام عليكم، طبيعي لما يكون فيه تعلق بشخص تفضل الذكريات موجودة لفترة خاصة لو فضلنا معلقين نفسنا بوهم وماضي مبقاش موجود... مش شرط يكون حب عشان مش قادرة تنسيه يعني. وأيوه عادي المشاعر بتتغير وبتقل وبتتنسي بس اتركي الزمن ياخد مجراه. اشغلي نفسك باللي ينفعك وخلي تركيزك على نفسك إزاي تخليها أفضل ومتكونش بس دايرة في مدار شخص تاني خاصة لو شخص مبقاش موجود أو شخص تخلى. كل ما كان يومك مليان وحياتك مشغولة كل ما هتلاقي الذكريات دي تراجعت في الخلفية وواحدة واحدة اتنست وتجاوزتِها. معرفش الشخص ده كان خطيب أو كان مجرد ارتباط أو حتى حب من طرف واحد بس حاولي بعد كده تحفظي قلبك ومشاعرك من أي تعلق وحتى لو اتخطبتِ خلي العقل هو المسيطر في فترة الخطوبة بدل ما تتعلقي ومشاعرك تتورط وتلاقي نفسك بتكرري نفس المشكلة. تحياتي.
لعرض الإجابة في فدني اضغط هنا