اسفة ع الإطالة، اختي أكبر مني بسنتين وهي دلوقتي عندها مشكلة نفسية بتبقي عصبية ومش عايزة تتكلم وعنيفه وكل حاجه بتعلق عليها وعندها تشدد غير طبيعي لدرجة بتكفر الناس وكل ما اشغل حاجه ع اليوتيوب ف بيبقي فيه إعلان ثواني بعدين بعمل skip ف تقولي بصوت عالي وعصبية اقفلي الصوت وتقول استغفر الله انا اصلا مش بسمع اغاني و علطول بلبس السماعات اصلا وحرفيا طول اليوم بتجنبها ومبتكلمش علشان كل كلمة بتقولها بتأذيني وانا شخصية حساسة جدا وبعيط بسببها وتعبت بس ببين اني لامبالاية، هيا زمان من سنتين لما كانت طبيعية كانت برضو بتدخل ف كل حاجه وبتسيطر وبتعمل حاجات تضايقني برضو بتشغل محاضرات بصوت عالي وبتسيب النور مفتوح وتعمل إزعاج وتلعب مع اختي الصغيرة وانا نايمه وقلتلهم كذا مره بس مش مقدرين مشاعري اني بضايق ومش بعرف انام منها و دلوقتي اختي الصغيرة بقت تتجنبها ومبتقعدش معاها اصلا بس انا علشان معاها ف نفس الاوضة ف بعاني حرفيا لحد م تعودت ومبقتش عارفه اضايق من ايه جالي تبلد مشاعر من الي بشوفه منها ومعظم اليوم بقعد ف اوضه اخواتي التانيه او في الصالة علشان بكون قاعده ساكته طول الوقت ف الاوضه وساعات بحس انه هموت م الخنقة والكبت، لحد ما في يوم كنت قاعده مع اخواتي ف اوضتهم وبعدين قمت اروح اوضتي لقيتها قفلت الباب ف وشي وبعدين انا خدت الموضوع بهزار وقلتلها افتحي بقي وبزق الباب وهيا وشها متسمر وشها ناشف كدهكأنها هتضربني مش طبيعي وقفلت الباب بعدين أنا مشيت ومصدومه مكنتش لسه فهمه ايه الي حصل ده بعد كم ساعه والبيت كله نام انهارت عياط وبنهج وبرتعش وعياط جامد وكل ما احاول اهدي نفسي اعيط تاني ومعرفتش انام اليوم ده وفضلت قاعده ف الصالة ومش قادرة حرفيا هو الموقف ده كان القشه التي قسمت ظهر البعير زي م بيقولو ، علشاان انا استحملتها كتير اوي اوي وتعبت نفسيا منها بس الموقف ده حسسني اني خلاص مش قادرة مش كفاية اني مستحملة اقعد معاكي ف الاوضة كمان بتقفلي الباب ف وشي مش عايزة اقعد معاكي اصلا، بعدين العصر كده كنا نازلين وهي نزلت معايا واختي الكبيرة ومكنتش طيقها ولا بتكلم معاها وهيا تتعامل عادي خالص وعامله تهزر ولا كأنها عملت حاجه وتقولي انت مبوزه ليه وجبات حاجه حلوة وادتهاني وانا مخدتهاش وانا مش برد خالص عليها حرفيا مش طايقه اكلمها، بعدين لما روحت البيت كنت ع اخري ورحت لماما اقولها ع الي حصل وانهارت من العياط وقولتلها اني مش قادرة اقعد معاها اكتر م كده وماما عارفه اني مستمحلاها وتعبانه معها وهدتني وبعدين نقلت مع اخواتي ف اوضتهم بس المشكلة اني نايمه جنب اختي والسريرة صغير ومش مرتاحه وفيه سرير فاضي ف الاوضة بتاعت اختي دي بس محدش عايز يقعد معاها ، المهم انه جت تكلم اخواتي ومستغربه انا زعلان ليه وبعدين قعدنا كلنا وقلتلها انك بتاثري عليها وبتخلي شخصيتي ضعيفة وبتتحكمي فيا وبتتدخلي ف كل حاجه ومش مرتاحه معاكي بعدين قعدت تتريق عليا وقالتلي مسكينه و مقدرتش مشاعري والكلام مجبش فايده بل ضايقني اكتر وخلاني اعيط تاني ، المهم اني دلوقتي بقالي اسبوعين تقريبا مش بكلمها م جوايا مفيش كره او حقد عليها خالص والله بالعكس ربنا يعافيها انا مقدره انها تعبانه بس انا تعبت ، المهم اختي الكبيرة بتقولي مينفعش انك كل ده متكلمهاش علشان حرام حد يخاصم حد فوق ٣ ايام ، بس انا مش مخصمها انا مش عارفه فعلا اتكلم معاها خالص مش متقبلة الي حصل اني ارجع اتكلم عادي كأنها مضياقتنيش دي صعبة ، انا عيزاها هي الي تعتذرلي علي الألم النفسي الي مريت بيه غير كده حسه اني بظلم نفسي ف ايه رأيكو اعمل ايه
خلينا ندخل على الحلول على طول : انتى اتكلمتى معاها وواضح انها مش هتديكى رد الفعل اللى انتى منتظراه علاقتك بيها كأختك تخليك تثبتى على حدود التعامل اللى تخص الاخوه لكن فكرة صعوبة التعامل فدى من حقك انك تدورى على افضل مسافة تخليكى متشعريش بالاذى هى حره فى معتقداتها لكن لو بتحاول تفرضها فده مش صح وواجب تتكلمى عن حقك ده بدون ما تعيطى ولا حاجة. اتعاملى بمبدأ صباح الخير يا جارى انت فى حالك وانا فى حالى هى بردوا اكيد بتحبك بس عندها صراعات مع نفسها مش عارفه تتعامل فيها فلذلك بيطلع التصرفات دى منها ....واكيد مضايقه انها تحس انها محدش حابب يقعد معاها كده بس مش واعيه ان التغيير محتاج يكون من عندها .
تم النشر الجمعة، ١٦ فبراير ٢٠٢٤
لعرض السؤال في فدني اضغط هنا