السلام عليكم ورحمة الله وبركاته،
انا حاسه ان عندي مشكلة او مشاكل نفسيه بس مش عارفة اوصل لحاجه ولا عارفه اعالج نفسي لان اصلا مش عارفة فين المشكلة جربت اشوف دكاترة نفسية بس ملقيتش اونلاين واللى لقيتهم كانوا مبالغ وانا مش هقدر اعرف اهلي بس لقيت معالجه نفسيه وخدت معاها جلسة تفريغ
قالت لى احكي فيها كل حاجة عملت كدا ومعلقتش وقالت ادفعي الف وهبعتلك ست تسجيلات هتعالجك ومش محتاجه ادوية، فمكملتش لان هي حتى مشخصتنيش وانا مش عايزه اسمع بس فقررت اعالج نفسي من الحاجات اللي عرفاها وعملت كدا سنه بس في المقابل زادت المشكلات وبقيت منعزله وصفر تواصل ومش بعرف اكون جمله غير لما اتلغبط او ادخل في موضوع غير اللي بتكلمو فيه، فلو فيه دكتوره نفسيه تساعدني وتعرفني مالى... الفرن.
السلام عليكم ورحمه الله وبركاته فكره التشخيص مش هي الاساس في الموضوع احنا عموما طالما احنا عارفين ان في عندنا مشكله واحنا محتاجين نحلها فاحنا كده على الطريق السليم واحنا كده عملنا نص العلاج لانه بتبقى من اصعب الحاجات انه انا معترفش ان في عندي مشكله اصلا فتمام انا عندي بعض المشاكل ممكن بعض المشاكل دي تكون ازمات نفسيه ممكن بعضها يكون مهارات سلوكيه حاجات انا محتاجه لسه اتعلمها واتدرب عليها مش لازم كلها تكون اضطراب لتشخيص وليه اسم وانا محتاجه ان انا اتعالج منه بشكل نفسي فخلينا كده نمشي واحده واحده تقدري تعملي الموضوع مع نفسك ولكن تكون مستعينه بحد مختص هو اللي يمشي معاكي الطريق واحده واحده. وخليني اقول لك لو تحبي انه انك تتابعي معايا هكون سعيده جدا تقدري تبعتي لي على على الواتساب أو نقدر نتابع هنا مع بعضينا على تطبيق فدني مفيش مشكله خالص خلي السؤال ده يعتبر بالنسبه لك شات واكتبي اللي انت عايزاه وانا هرد عليك شوفي ايه المتاح بالنسبه لك وان شاء الله نقدر نفيدك على قدر احتياجك.
تم النشر الاثنين، ١٦ نوفمبر ٢٠٢٦
وعليكم السلام ورحمه الله وبركاته يا بنت الحلال اهدي كده على نفسك واستوعبي إن اللي بتعدي بيه ده مش سهل لوحدك وفكرة إنك تعزلي نفسك وتعملي كل حاجة مع نفسك دي بتزود الطين بلة وبتعقدها زيادة وطالما الموضوع زاد عن حدّه وبقى مأثر على تواصلك وكلامك يبقى ضروري تبطلي تعاندي وتكابري وتدوري بجد على دكتورة شاطرة أو مكان مخصص بثقة وبسعر مناسب لإن العقل زي الجسم بيتعب ومحتاج دكتور يربط الأسباب ببعضها بدل ما تلفي في دوامه لوحدك وتتعبي أكتر.
تم النشر الاثنين، ١٦ نوفمبر ٢٠٢٦
وعليكم السلام ورحمة الله وبركاته، أولاً، أقدر تمامًا شعورك بالارتباك والإحباط، خاصة بعد تجربة سلبية مع معالجة لم تقدم تشخيصًا واضحًا وطلبت مبلغًا كبيرًا مقابل تسجيلات. هذا يجعل الثقة صعبة، ومن الطبيعي أن تشعري بالعزلة والصعوبة في التواصل كما وصفتِ. لكن دعيني أكون واضحة معكِ: لا يُنصح أبدًا بتشخيص النفس ذاتيًا ، لأن الأعراض قد تتداخل بين حالات مختلفة (مثل القلق أو الاكتئاب أو مشكلات أخرى)، والمحاولات الفردية قد تؤدي إلى تفاقم الأمور كما حدث معكِ خلال السنة الماضية. بدلاً من ذلك، ركزي على خطوات عملية للوصول إلى مساعدة متخصصة موثوقة. ابحثي عن أطباء نفسيين أو معالجين مرخصين من خلال منصات طبية رسمية أو عيادات معروفة في منطقتك، ويفضل أن تكون الجلسة الأولى تقييمية لتحديد المشكلة بدقة قبل أي علاج. إذا كان الوصول المباشر صعبًا بسبب الظروف العائلية، يمكنك البدء باستشارة طبيب عام موثوق يوجهك إلى الاختصاصي المناسب، أو البحث عن خدمات استشارية نفسية عبر الإنترنت من جهات معتمدة تسمح بجلسات أولية بأسعار معقولة وتشخيص أولي. في الوقت نفسه، يمكنكِ تدوين الأعراض اليومية (مثل صعوبة تكوين الجمل أو العزلة) في مذكرة خاصة لتساعدكِ على التعبير بوضوح عند اللقاء مع متخصص، مما يسرّع عملية الفهم. تذكري أن طلب المساعدة المهنية ليس ضعفًا، بل خطوة قوية نحو التحسن، وأنتِ تستحقين دعمًا يراعي خصوصيتكِ ويحترم قيمكِ. إذا أردتِ مشاركة المزيد من التفاصيل عن شعوركِ، أنا هنا للاستماع بتعاطف وتقديم نصائح عامة داعمة.
تم النشر الاثنين، ١٦ نوفمبر ٢٠٢٦
ممكن اتواصل مع حضرتك انا تمريض قسم نفسية وعصبية ان شاءلله اساعدك
تم النشر الاثنين، ١٦ نوفمبر ٢٠٢٦
سلام عليكم
تم النشر الاثنين، ١٦ نوفمبر ٢٠٢٦
لعرض السؤال في فدني اضغط هنا