السلام عليكم كنت عايزه اتكلم عن حاجه انا عندي 15 سنه كنت مرتبطه ارتبطنا 3شهور ومحدش كان يعرف اني بكلم حد وجه اخويا عرف اخد مني الفون وبعدنا ولحد دلوقتي انا لسه بفكر فيه بس انا معرفش هوا لسه فاكرني اصلا او لا لان احنا بقالنا 8 شهور بعيد عن بعض وبجد حاولت كتير اني انساه بس مش عارفه ومن يوم م بعدنا ونا ضغطي واطي او مرتفع وصداع مستمر وتفكير لدرجه اني مبقدش عارفه اذاكر ولا اعمل اي حاجه ف حياتي وانا دلوقتي امتحاناتي بعد شهر بالظبط ومش عارفه اعمل ايه بجد لو حد يعرف يفدني🥀💔
وعليكم السلام ورحمة الله وبركاته ... طيب بعيدا عن اخوكي .. وانت عندك 15 سنة، انتي متخيلة طيب ايه اللي يحصل في الفترة ديه؟ بينكم هل مثلا هيجي يتقدم؟ وانتوا تعتبروا لسه ل اما في اولى ثانوي او اعدادي ..!! يعني علشان نكون واضحين، كنتم اطفال من كام سنة!! انا مش بتفه من مشاعرك اطلاقا .. ولكن انا بفكر معاكي بالعقل كده .. علشان نشوف انتي متوقعة ايه من علاقة زي ديه في الوقت ده بالذات من حياتك؟ طيب السؤال التاني ... ارتباط 3 شهور !! مش شايفة انه شئ سريع جدا انه يحصل!! يعني علشان تعرفي حد فعلا وتعرفيه كويس اوي ديه اقل حاجه سنة .. يعني باذن الله لما تكبري شوية كده .. وتتخطبي سنة فيما فوق شوية كده .. علشان تقدري تقيمي شخص وتعرفيه كويس اوي، علشان تقدري تحددي اذا كان هو ده فعلا الشخص (شريك حياتك) اللي هيكمل معاكي باقي عمرك ولا لا؟ ف هل انتي شايفة ان فترة ال 3 شهور دول تقدري تقيمي فيهم حد ؟؟ اكيد لا. الشئ التاني بقى يا قمر .. هتلاقي معظم الشباب الولاد بيتسلوا اساسا بالبنات، اصل انتي هتلاقي ايه من ولد في سن المراهقة؟ غير كده؟ ايه هيقولك هتجوزك؟ عايزة اطمنك انك محبتيش اصلا، مفيش حب يكون في 3 شهور ولا 6 شهور .. فيه تعلق ممكن يعمل كده ، فيه اعجاب .. او انجذاب ممكن يعمل كده .. والاهم هو انتي .. انتي كمان ليكي عامل مهم اوي ف انك تزودي الموضوع في عقلك بالشكل ده .. اتمنى تفكري ف كلامي ..
تم النشر الثلاثاء، ١٩ ديسمبر ٢٠٢٣
اولا يا عسل انت صغيره ١٥ سنه عقلك مش هيستوعب يعني اي حب حتي لو رددتي الكلمه دي بينك وبين نفسك كتير ، دي فترة مراهقه وهتعدي وهتضحكي علي تصرفاتك بعدين ومفيش حاجه اسمها حب في الفترة دي، لأن عقلك وعقله مكونوش فكرة أنا عاوز شريك حياتي ازاي ،متخدعيش نفسك بالحب دلوقتي دي حيله من حيل الشيطان عليكي بلص انتي غلطتي لما كلمتي دا حرررررررام علاقه بدايتها لا ترضي الله نهايتها لن ترضيكي اوعي تكلمي تاني لانك هتتعودي علي كدا
تم النشر الثلاثاء، ١٩ ديسمبر ٢٠٢٣
بصي هو انا مش بقلل من مشاعرك خالص بس انتي سنك صغيره جدا علي الكلام ده ف قربي من ربنا واشغلي نفسك اعملي حاجه جديده في حياتك اعملي حاجه بتحبيه ........ انما انك بتفكري في ده ممكن يكون علشان كنتي صغيره وحد دخل حياتك ف انتي بحكم انك صغيره اتعوتي علي وجود حد في حياتك أو هو ... بس بكره تفتكري الموقف وهتضحكي علي الموقف ده +ربنا يوفقك ويعينك ويكتبلك الخير
تم النشر الخميس، ٢١ ديسمبر ٢٠٢٣
بصرحة انتي صغيرة هذا خطأ تفكيرك اخوكي معه الحق بأخذ الهاتف ، ومن هذه لحظة لا تفكري في أي ولد يا اختي انتي 15 حتى لو كنتي كبير 20أو أكثر هذا ليس طريق صحيح ربي اعطنا العقل لتميز بين صح ✅ وخطا ونافع وضار ، هذا هذا الشيء لا يرضي الله تعالى ونصحتي لك اهتمي بدرسك واهلك وعائلتك اهم شيء في حياتك وكذلك اخفظي القرأن الكريم كوني فخر الاهلك
تم النشر الثلاثاء، ١٩ ديسمبر ٢٠٢٣
تمام 🥹🙂
تم النشر الثلاثاء، ١٩ ديسمبر ٢٠٢٣
اشغلس نفسك الصلاه والقرآن و ثقفي نفسك واسمعي دروس توعيه كتير واستغلي وقتك ✨خالف نفسك تستريح ✨ خديها قاعدة في حياتك المذاكرة دي اهم حاجه للبنت عشان تكويني تفكيرك ابدإيها من دلوقت وذاكري حتي لو معملتيش حاجه ربنا معاكي
تم النشر الثلاثاء، ١٩ ديسمبر ٢٠٢٣
شكرا جدا لحضرتك
تم النشر الخميس، ٢١ ديسمبر ٢٠٢٣
العفو يا عسل اوعي تنسي اسمعي عن الموضوع دا كتير عشان تفهمي اكتر اسمعي بودكاست مثلا او فيديوهات شريف علي عن الموضوعات دي
تم النشر الثلاثاء، ١٩ ديسمبر ٢٠٢٣
ابعدي عن البنات ال مش كويسه واثقفي في الدين . وحبي نفسك وحفظي علي قلبك ومشاعرك ومتبعهومش لاي حد ومتلوثيش قلبك بحاجه تغضب ربنا .... اثبتي ومتسمعيش كلام حد مشاعرك غاليه وانت غاليه حبي نفسك
تم النشر الثلاثاء، ١٩ ديسمبر ٢٠٢٣
تمام بجد شكرا اوي ليكي ولانك خلتيني افهم انا ف ايه
تم النشر الثلاثاء، ١٩ ديسمبر ٢٠٢٣
بصي يا عسل بتفكري فيه عشان دماغك عاوزة تشغلك عن الواقع مش عاوزكي تبذلي مجهود علي أرض الواقع لحد ما تعيشي في احلام اليقظه (دي حاجه نفسيه شويه )الغي من دماغك فكرة انك بتحبيه بجد نصيحه من اخت انتي مش بتحبي انتي ال وهم نفسك بكدا عيش علي الارض بلاش وهم و فوقي لنفسك 🤍
تم النشر الثلاثاء، ١٩ ديسمبر ٢٠٢٣
هوا فعلا اللي خلاني عملت كده واحده صحبتي وكانت من اقرب ناس ليا بس انا دلوقتي بعيد عنها تماما
تم النشر الثلاثاء، ١٩ ديسمبر ٢٠٢٣
هوا بجد انا اخلاقي مش كدا خالص ولا عمري كلمت قبلو ولا بعدو حتي ومش هيحصل اني اكلم حد دي بس اللي انا مش عارفاه ان انا ليه لغايت دلوقتي بفكر فيه
تم النشر الثلاثاء، ١٩ ديسمبر ٢٠٢٣
اسمعي بودكاست كاست وعي الاختلاط والصحوبيه
تم النشر الثلاثاء، ١٩ ديسمبر ٢٠٢٣
لعرض السؤال في فدني اضغط هنا