اللي عملتيه هو ده الصح حتى لو خسرتي صداقه زوجته مش مهم المهم رضا ربنا والمفروض كمان تحاولي تسيبي الشغل وتشوفي شغل في مكان تاني لأنه هو طول ما شايفك أمامه هيفتكرك وبالتالي ممكن يحاول يأذيكي بأي طريقه أو يشوه سمعتك بسبب اللي عملتيه معاه لذلك حاولي تبعدي وتطوي هذه الصفحة للأبد وتنسيها وكأنها لم تكن وتابعي حياتك، ولازم تعرفي شئ وهو إنك فيكي خير وإنسانة نظيفة من داخلك ولكن الشيطان حاول يلعب معاكي لعبة خبيثة فأنتي انتصرتي عليه فمبروك ليكي على هذا الإنتصار العظيم.
والله انا منعت كل طرق التواصل بيه انا بس كان نفسي حد يقولي اني لما كلمت مراته كدا انصرفت صح انا كان هدفي أنه طول الوقت كويس معايا لدرجة اني مش قادره ابعد عنه والغلط مستمر فانا قلت لازم اعمل حاجه تنهي الموضوع الفكرة أنه مزعلش مني بعد محكيت قالي انتي ليه قولتلها كدا مش هعرف اتواصل معاكي ولا نرجع ولا هقدر اعمل حاجه علشانك بس انا تعبت جدا ف الاول علشان اقدر اكمل قراري وبدعي ربنا اني مضعفش تاني وتبقي توبه نصوحه هو والله دخلي ف وقت صعب كنت لسه فاسخه خطوبتي وفجأة لقيته جمبي وعايز يخرجني من الل انا فيه معرفش أنه عايز يشبع رغبته بيا انا بس مش قادره اتخطي الله حصل حاسه اني انسانه مش كويسه ومش عايزه صحيفتي تبقي فيها ذنب كبير وفعلا صعبان عليا خسارتي للست دي جدا كل شويه بقول كان ممكن نفضل صحاب عادي لو مسمعتش كلامه بس برجع اقول هو طالما بصلي كان كدا كدا هيحصل حاجه مش عارفه بصراحه ازاي كل دا حصل 💔
تم النشر الأحد، ٦ أبريل ٢٠٢٥
لعرض الإجابة في فدني اضغط هنا