أولا اللي إنتي فيه ده ابتلاء من ربنا وبإذن الله ربنا يجعل كل لحظة كانت سيئه وإنتي صبرتي عليها في ميزان حسناتك،،،، الحاجه اللي بعد كده إنك لازم تكوني عارفه إن معظم الأمهات كده عادي منشغلين بحاجات وشغل وشايفين إنه أولويات أكتر من إنهم يقعدوا يحايلوا ويشجعوا عادي كتير شايفين كده ،،، بس إنتي دلوقتي ١٨ .يعني بإمكانك تعملي حاجات كتير حلوه اهتمي إنتي بنفسك ماتنتظريش اهتمام من حد طوري من نفسك واهتمي بتعليمك وقربي من ربنا أكتر وأكتر ربنا هيكفيكي عن أي حد علشان إنتي مش هتلاقي أحن من ربنا عليكي ♥️♥️ بالنسبه إنك شاكه في حاجات مش كويسه ما ينفعش أبدًا المواجهه في الحاله دي ،حاولي بقدر الإمكان تقربي إنتي من مامتك وتصاحبيها وده مش هيحصل غير لما إنتي تهتمي بيها آه هتتعبي شويه بس هتوصليها لمرحلة إنها تحكيلك هي بنفسها وبعدها تصحيها
حاولي تكوني حريصه جدا إنك ما تفوتيش صلاه دي أهم حاجه ، واحفظي قرآن أو اقرأي حتى وممكن تروحي مقرأه قريبه منك بحيث إنك تعرفي ناس كويسه وهتعرفي حاجات جديده منهم
تم النشر السبت، ٢٧ ديسمبر ٢٠٢٥
@مِنّه حُسَيْن بجد شكرا جدا على كلامك انا فعلا قفلت موضوع اني شاكه دا عشان حتى لو عندي حق دي حاجه خاصه بيها وهي قادره تحدد دا صح ولا غلط انا فعلا قريبه منها ومصحباها بس هي محكتش ليا اي حاجه ف طلعت الموضوع من دماغي وقولت اركز على نفسي بس وبجد انتي عسوله جدا واني أقرب من ربنا دي محتاجه اعرف ازاي اقرب منه اكتر
تم النشر السبت، ٢٧ ديسمبر ٢٠٢٥
لعرض الإجابة في فدني اضغط هنا