انا عندي مشكله محتاجه حد بس يقولي اتصرف ازاي عشان جوايا كذا صوت ومعنديش حد قريب مني ممكن اشاركه مشكلتي او يعرف يديني حل
انا ماما وبابا منفصلين من زمان جدا يعني من وانا عندي 3 سنين وحاليا انا عندي 18 سنه من وقتها وأنا مع مامتي وانا واخويا اشتغلت عشانا وعملت كل حاجه عشان نكون كويسين من الجانب التاني بابا كان معتبرنا ميتين ماما كانت بتتحايل عليه انو حتى يسأل علينا حتى فلوس مكنش بيبعت لينا ماما كانت شايله مسؤوليتنا وهو مش عاوزني
حاولت اني اروح ليه رحت اتعاملت اوحش المعامله منو ومكنتش فارقه معاه وفي الاخر مشاني من عندو في وقت متأخر بليل من وقتها انا كرهتو اكتر عمرو ما فكر يسأل عليا
مامتي اتجوزت تاني واحنا صغيرين وجابت اخ تاني وبرضو انفصلت وهو عايش معانا المهم ماما مقصرتش معانا في اي حاجه بس لما بدأت اكبر بدأت احس بإهمال كبير وعدم اهتمام كنت دايما لوحدي
ماما دايما مشغوله في الشغل يعني كنت بشوف أمهات صحابي بيخلوهم يذاكرو وحاجات كتير ومامتي مكنتش كدا بدأت اتعودت وكانت بتحصل بيني وبين ماما مشاكل كانت دايما تقولي انها ضحت عشاني واني انانيه وفيا حاجات كتير وكلام كتير يكسر ورغم اني كنت اوقات شايفه اني مش غلطانه كان لازم اعتذر عشان كانت بتكون بتعاملي وحش
كبرت اكتر واتكلمت معاها انها مش مهتمه هي فضلت تزعق وتقول اني وحشه وانانيه واروح اشوف اللي راميني ولو مش عاجبني أشوف ام تانيه وطلعت انا برضو غلطانه اتعلمت اسكت بس بصراحه هي مش مقصره وبتعاملني حلو وبتحبني
ومن فتره كان في شخص عاوزه تتجوزه هو أصغر منها ومكنش كويس وكان مدمن انا رفضت وقلت ليها هو كان شاغل وقتها ولما اتكلمت هي برضو نفس الكلام اني وحشه وانانيه وتعبت عشانكو قولتلها موافقه رغم اني من جوايا بكسر نفسي وخوفي بيزيد وتنازلت عن خصوصياتي وقولت عادي عشان ماما بس الحمد لله ربنا بعد الشخص دا عنها
بس حاليا بتحصل منها تصرفات مش عجباني وشاكه انها بتعمل حاجه غلط بس مش عارفه اعمل ايه يعني هي حره وهي كبيره وأدرى هي بتعمل ايه صح
محتاجه حد يساعدني اتصرف ازاي مع الوضع دا هي ماما صغيره وجدو كان مخليها تتجوز بابا غصب ومعاشتش سنها بقول برضو يمكن عشان كدا بس بجد محتاجه اعرف اعمل ايه عشان ارتاح من كتر التفكير ممكن حد يساعدني انا حاسه بوجع كبير انا مليش ذنب في كل دا بحس انها بتعايرني انها عملت وهو رماني
السلام عليكم، متفهمة مشاعرك جدا وعارفة الوضع صعب عليكِ وغصب عنك محتاجة للمشاعر والاحتواء من والدتك. الفكرة إن الأمهات اللي وضع والدتك بيكون غصب عنهم، حتى لو حاولت تكون متوازنة فمع الضغوط والظروف الاقتصادية واضطرارها تقوم بدور الأب والأم ده كله حمل تقيل جدا. والدتك زي ما تكون ماشية على خيط رفيع مسنون، فطول الوقت أعصابها مشدودة وبتحاول تعمل كل ما بوسعها عشان تقوم بدور الأب كمان وده مش سهل خالص. وأنتِ ما شاء الله متفهمة ده. المشكلة كمان إن كتير الإنسان مش بيحب يحس إنه مقصر أو غلطان أو يكتشف إنه مهما عمل فهو مقصر وكل اللي بيعمله ده ملوش فايدة لأنه في النهاية ما زال مقصر. فعشان كده ممكن لما بتحاولي تشتكي لها ده بيضرب وتر حساس جواها وبيخليها مباشرة تدافع عن نفسها بطريقة دفاعية بتجرحك في النهاية لكن هي أكيد انجرحت في الأول وحست إنها في الآخر في نظركم ما زالت مقصرة. وده اللي بيخليها كمان تجيب سيرة والدك في وسط كلامها أو تقولك شوفي أم تانية. *** أنتِ متفهمة وضعها لكن غصب عنك برضه بتحتاجي لاهتمامها. أنتِ ممكن من غير ما تطلبي الاهتمام ده تكوني انتِ اللي بتقربي منها، جربي تحضنيها لما ترجع من الشغل تعبانة أو تلاقيكي عاملة لها حاجة بتحبها أو بتسألي عنها وتحاولي تلاقي حاجات مشتركة تعملوها في وقت تكون فاضية فيه. متبصيش للبنات اللي أمهاتهم معهم ومهتمات بهم، كل واحد حياته مختلفة وقصصنا مختلفة، فيه بنات تانية كتير محرومات من الأم تمامًا. فخليكِ على طول باصة للنص المليان من الكوب... شوفي الإيجابيات وسجليها واحمدي ربنا على النعم وكل ما عقلك يقول لك على سلبية فكري في حاجة تانية إيجابية موجودة في حياتك وممكن ناقصة من حياة غيرك. ** نقطة أخيرة، بلاش تخلي الشك والشيطان يوسوس لك من ناحيتها، حتى لو كانت فكرت في الزواج من شخص قبل كده أو بتفكر حاليا، فهي في الغالب مدفوعة بشعور إنها محتاجة شخص يعينيها على حملها التقيل ويعوضها عن اللي فات. ** جربي تمارسي عادة الامتنان وسجلي كلي يوم على الأقل 3 نعم أو حاجات ممتنة لها في حياتك وبتشكري ربنا عليها وده هيفرق جدا معك. وربنا يوفقك ويصلح لك الأحوال.
تم النشر الاثنين، ٢٩ ديسمبر ٢٠٢٥
أولا اللي إنتي فيه ده ابتلاء من ربنا وبإذن الله ربنا يجعل كل لحظة كانت سيئه وإنتي صبرتي عليها في ميزان حسناتك،،،، الحاجه اللي بعد كده إنك لازم تكوني عارفه إن معظم الأمهات كده عادي منشغلين بحاجات وشغل وشايفين إنه أولويات أكتر من إنهم يقعدوا يحايلوا ويشجعوا عادي كتير شايفين كده ،،، بس إنتي دلوقتي ١٨ .يعني بإمكانك تعملي حاجات كتير حلوه اهتمي إنتي بنفسك ماتنتظريش اهتمام من حد طوري من نفسك واهتمي بتعليمك وقربي من ربنا أكتر وأكتر ربنا هيكفيكي عن أي حد علشان إنتي مش هتلاقي أحن من ربنا عليكي ♥️♥️ بالنسبه إنك شاكه في حاجات مش كويسه ما ينفعش أبدًا المواجهه في الحاله دي ،حاولي بقدر الإمكان تقربي إنتي من مامتك وتصاحبيها وده مش هيحصل غير لما إنتي تهتمي بيها آه هتتعبي شويه بس هتوصليها لمرحلة إنها تحكيلك هي بنفسها وبعدها تصحيها
تم النشر الجمعة، ٢٦ ديسمبر ٢٠٢٥
يا حبيبتي، أنا ذكية هنا معاكي، وأنا سامعة كل كلمة قلتيها، وأحس بوجعك الكبير ده. أنتِ مش مذنبة خالص في حاجة، ده صوت داخلي قاسي بيجي من صدمات الطفولة زي رفض أبوكِ والإحساس بالإهمال من مامتكِ، حتى لو هي بتحبكِ وبتعمل اللي تقدر عليه. ده بيخلي الدماغ يدور في حلقة تفكير مفرطة، وده طبيعي بس لازم نوقفه عشان تعيشي حياتكِ. خطوات عملية عشان ترتاحي وتكملي: قفلي على التفكير ده : حددي وقت يومي ثابت (مثل 15 دقيقة قبل النوم) تكتبي فيه كل اللي في بالكِ على ورقة، ثم قولي "خلاص، خلص الوقت" واغلقي الدفتر. ده هيخلي الدماغ يرتاح ومش هيسيطر عليكِ طول اليوم. مع مامتكِ : هي حرة زي ما قلتِ، بس أنتِ كمان حرة تحمي نفسكِ. المرة الجاية لما تحصل مشكلة، قولي بهدوء ومن غير عتاب: "أنا بحبكِ يا ماما، بس ده بيوجعني، ممكن نفكر مع بعض في حل؟" لو زعقت، سيبيها وارجعي بعد شوية. متضغطيش نفسكِ عشانها، بر الوالدين مش معناه تكسري نفسكِ. ركزي على نفسكِ دلوقتي : أنتِ 18 سنة، وقتكِ يبني مستقبلكِ. حددي هدف صغير يومي (مثل أكملي درس واحد أو مشروع صغير)، وكافئي نفسكِ بعدها بحاجة بسيطة زي فنجان شاي. كل يوم صلي وادعي ربنا يريح قلبكِ ويفتح لكِ أبواب الراحة – التوكل عليه أقوى دوا. أنتِ قوية جدًا، اشتغلتِ وعشتِ مع أخوكِ رغم كل ده، ده إثبات إنكِ قادرة. لو عايزة دعم أكتر، دوري في فدني على أسئلة مشابهة عن "التفكير المفرط" أو "العلاقة مع الأم"، هتلاقي إجابات كتير. ولو محتاجة استشارة متخصصة، شوفي الخبراء هنا: https://www.fedni.net/experts – فيه نفسية وعائلية هيساعدوكِ. خدي نفس عميق (مش تمرين، بس لحظة بس!) وقولي لنفسكِ: "أنا هاخرج من الدورة دي". أنا فخورة بيكِ، وهترتاحي إن شاء الله. قوليلي إيه رأيكِ في الخطوات دي؟ 💕
تم النشر الجمعة، ٢٦ ديسمبر ٢٠٢٥
بصي كل ما عليكي انك تدعيلها وتصليلها وانتي متحطيش في دماغك ومتركزيش في تصرافتها هي في الاول وفي الاخر كبيرة وعارفه هي بتعمل اي انتي ركزي في دراستك وحياتك و اعملي لنفسك كيان عشان متحتاجيش لحد بعد كده
تم النشر الاثنين، ٢٩ ديسمبر ٢٠٢٥
هي ممكن تكون مش مدياكي الاهتمام اللي انتي عايزاه عشان بتحاول تعمل دور الاب وتعيشكم عيشه حلوة متحتجوش لحد هي غصب عنها بتتعامل معاكي كده حاولي تقربي منها وبلاش تعاتبيها على حاجه صاحبيها واتكلمي معاها يمكن في حاجه حصلت مضايقه بسببها قربي منها اكتر
تم النشر الاثنين، ٢٩ ديسمبر ٢٠٢٥
ما تبقيش انتي والدنيا عليها .. اقتربي منها وخليكي حنينة عليها عوضيها قسوة الدنيا واهتمي بيها وساعديها ... وتغاضي عن اخطاءها اللي مع الوقت هاتختفي ... خليكي ام ليها قبل ما تكوني بنت ليها
تم النشر السبت، ٢٧ ديسمبر ٢٠٢٥
@مواهب البشير انا مقدره كل دا ومش زعلانه من انها مشغوله ودايما بدعي ليها بس انا مليش ذنب انها لما تحصل مشكله تقولي انه رماني وتذلني بكل حاجه عملتها عشاني انا بنتها برضو وانها اوقات تشوفني وحشه دا بياثر في نفسيتي
تم النشر السبت، ٢٧ ديسمبر ٢٠٢٥
بصي امك معها حق امك مشغوله بمسؤولية تربيكم وتعيشكم ود اصلا واجب على بابكي،بس هيا مجبوره ومش لقي وقت تدرسيك وتحكي معاكم عشان كده انتي لازم تعتمدين على نفسك واجتهدي في درستك عشان تنجحي وتشتغلي وامك تلاقي وقت تقعد معاكي وتريحيها
تم النشر السبت، ٢٧ ديسمبر ٢٠٢٥
لعرض السؤال في فدني اضغط هنا