ربنا يغفر الذنوب جميعا بس مهم تكون صادق في التوبة وتجاهد نفسك وربنا مش هيعاقب حد في مستقبلة طول ما هو بيسعى، ولو حتى كافر بالعكس هيفتنه أكثر أنا كنت زيك كده من كذا سنة فاتت كنت بجاهد نفسي كثير على تركها أتركها تارةً وأعود لها تارةً أخرى ولكني الحمد لله إلى الآن ثابت اسأل الله العون لي ولك ولأي شخص يجاهد نفسه على ترك المعاصي و لأن للأسف الشديد دي فتنة عصرنا بحيث بقى الذنب سهل وبقينا بنتعرض للمثيرات في كل مكان على النت، في الشارع، كل حته تقريباً. ولأننا شباب والفترة دي من عمرنا بنكون فيها في قمة النشوة وسهولة الانجراف لها. حاول بس تصدق الله فعلا في التوبة واعترف ليه بضعفك وقلة حياتك ودا كان من أهم الأسباب لصمودي إلى الآن والحمد لله أكثر من الإستغفار وذكر الله وداوم على قول لاحول ولاقوة إلا بالله حافظ على صلواتك والسنن والصوم لأنهم هيساعدوك جداً إن شاءالله اشغل وقتك على قد ماتقدر بالي يفيدك حاول متقعدش لوحدك وخصوصا في أول الأمر العب رياضة وربنا يعينك يا خويا متبقاش ضعيف لنفسك والشيطان كده وإجمد 😅🤜 وافتكر قول الله ده دائما (قد أفلح من ذكراها وقد خاب من دساها) واسأل الله لي ولك العون إن شاءالله ❤️
اشكرك ي خويا مش عارف اقولك بجد شكرا والله وربنا يحفظك يارب ❤️
تم النشر الثلاثاء، ٥ مايو ٢٠٢٦
لعرض الإجابة في فدني اضغط هنا