السلام عليكم و رحمة الله و بركاته أهم حاجه في البداية متدخليش على الشيء بحماس زائد عشان الحماس مش هيستمر و هتحسي بإستنفاذ طاقة زائدة و مش هتقدري تستفادي من كل ما تتعلميه بشكل جيد ،، لازم خطوات مدروسة بسيطة في البدايه و بعدها تزودي مثال: " جربي تسمعي بودكاست فيديوهاته تكون قصيرة " و برشح قناة دروس اونلاين بردو كما رشحها أحدهم جزاه الله خيراً فيديوهاتها بسيطة و قصيرة هتقدري تستفادي منها مع الوقت ابدأي اسمعي فيديوهات اطول و بالمناسبه مش هتحسي بوقتها تماماً لإنك هتبقي اتعودتي على سماع بودكاست بس حتى الفيديوهات الطويلة متدخليش بحماس حد اقصى فيديو واحد في اليوم عشان تقدري تتفكري في اللي اتقال و تشوفي ازاي هتطبقيه على حياتك الواقعية ،، أنصحك بالإنضمام لبرنامج سيركل لأول شبر حالياً هم شغالين في دورة أمهات المؤمنين اللي بيشرحها المهندس "أحمد عامر" و حقيقي هتستمتعي و تستفادي بشكل كبير تقدري تنضمي للدورة الجديدة اللي هيعملوها في جروب صُحبة بنات فقط بيشجعوا بعض على أعمال صالحة و بيرشحوا معلمين علوم شرعية و كل شيء و في منهم بيدي دروس مجاناً لذلك أنصحك بيها حتى لو حضرتك منضمتيش ف أنصحك كبداية للتعلم في الدين إنك تسمعي للمهندس أحمد عامر لإنه هيحببك في طلب العلوم الشرعية و أسلوبه سهل و بسيط و بردو أنصحك بسماع بودكاست إيه المشكلة بيجمع بين الضحك و الإستفادة دينياً و دنياويا و في كتير جداً تقدري تسمعيهم و لكن بدايةً لتنظيم الحياة و العمل "قناة دروس أونلاين" للتعلم في الدين "المهندس أحمد عامر" هيعرفوكِ أهمية الوقت الحقيقية و هيحببوكي في البداية بشكل كبير لو حابه حقيقي تستغلي وقتك ف أنصحك بالإبتعاد عن السوشيال ميديا و الريلز لإنها أكبر ضياع وقت في التاريخ من اكتر الفيديوهات اللي برشحها و اللي ساعدتني على الإنضباط هي الحلقة دي https://youtu.be/Mhfp-_KDRbU?si=JJs0aPxj_riL-GBf "بالنسبة للمواهب" تنمية المواهب شيء سهل و ممتع جداً بس لو قدرتي حقيقي تستغلي وقتك ، من تجربتي الشخصية جربت أشياء كتيرة مختلفة و متنوعة و اكتشفت نفسي في مواهب كثيرة مكنتش أعرف اني املكها "التجربة التجربة التجربة" بس مهم إنك لا تيئسي أبدا منها لإن هي اللي هتوصلك لمعرفة مواهبك الحقيقة ،، حتى لو الموهبه غريبة بالنسبالك و إن استحاله ازاي تحبيها ، جربيها بردو من اكتر الأشياء اللي قولت مستحيل أعملها هي القراءة و لما جربتها أصبحت ادمنها ،، و لا تقتصري التجربة على المواهب المعروفة كالرسم و القراءة و السباحة و الكورة بل جربي مواهب أخرى مثل خياطة الكروشية و الطبخ و التنسيق و الصناعة و متستغربيش من إن البداية ممكن تكون عشوائية بعض الشيء و لكن كل حاجه هتتظبط لما تكتشفي نفسك بشكل أعمق ،، و اتمنى لكِ النجاح و التوفيق
لعرض الإجابة في فدني اضغط هنا