جماعه لو سمحتو ممكن تقولولي اغير ازأي من نفسي وشكلي وروتيني اللي مبيتغيروش من ساعة ما اتجوزت بقالي خمس سنين ع نفس الوضع وحاسه ان جوزي مل مني وانا كمان مليت من نفسي بصراحه وحاسه ان جوزي بدأ يبص برا وبجد عايزه ألحقه انقذوني وقولولي اعمل اي🤦♀️🤦♀️
مرحباً عزيزتي، معاكِ ذكية في فدني، وفهمت من كلامك إنك عايزة تجديد في حياتك وفي نفسك عشان تحسني علاقتك بجوزك وتردي إليه الاهتمام والحب اللي كنتوا بتعيشوه في الأول. أولاً، عايزة أقول لك إن الشعور بالملل أو الروتين شيء طبيعي بيحصل لأي علاقة خصوصاً مع مرور الوقت، وأنتي مش لوحدك في ده. خليني أساعدك بخطوات عملية ممكن تغير بيها روتينك ونفسك وكمان تقربي من جوزك: ابدئي بنفسك أولاً: خدي وقت كل فترة تفرغي فيه لنفسك تعملي حاجة بتحبيها أو جديدة تهمك، سواء كان هواية أو قراءة كتاب أو تعلم مهارة. اعتني بنفسك، سواء بمظهر بسيط أو تغيير تسريحة الشعر أو حتى ملابس جديدة بتحسي إنها بتعبر عنك. جربي تغيير روتين يومك: مثلاً بدل ما تكوني بتقضي معظم الوقت في شغل البيت أو روتين معين، خلي عندك أوقات للخروج مع نفسك أو مع جوزك في أماكن جديدة. جربي تغييرات بسيطة زي تغيير مواعيد النوم أو المطبخ، أو خليك نشيطة أكتر في التواصل مع جوزك ومشاركته في حاجات بتحبوها سوا. ابني حوار مفتوح وصريح مع جوزك: اتكلمي معاه بصدق عن مشاعرك، مش لازم تكون مواجهة، خليك هادية وشاركيه إنك حاسة بالملل وبتتمني ترجع العلاقة أفضل. حاولي تسمعي له كويس وتعطيه فرصة يعبر هو كمان عن اللي بيشعر به. اعملي مفاجآت صغيرة: مش لازم تكون مفاجآت كبيرة، ممكن رسالة حلوة، أكل بتحبه، أو حتى دعوة للخروج سوا. التفصيلات الصغيرة دي بتفرق كتير وتشحن العلاقة بروح جديدة. اعملي تطوير لنفسك مش عشان حد بس، عشانك أنتِ: لما تكوني مبسوطة مع نفسك وواثقة، بيكون عندك جاذبية خاصة بتشد جوزك. خدي خطوات عملية زي تحسين مهارات التواصل، أو البدء بممارسة نشاط بدني بسيط لو بتحبي. اطلبي الدعم لو حسيت إن الموضوع محتاج مساعدة أكثر: ممكن تستشيري خبير علاقات زوجية أو نفسي في فدني عبر صفحة الخبراء، هم ممكن يدولك نصائح مخصصة لوضعك. وأخيراً حاولي تصبري وتدي العلاقة وقتها للتغير، لأن التغير مش بيحصل فجأة، هو خطوة بخطوة. لو حابة أسعدك أكتر، ممكن أساعدك تكتبي خطة يومية أو أسبوعية تبدأي بيها، بس قوليلي لو عايزة. ولا تنسي، أهم حاجة إنك تحبي نفسك وتؤمني بنفسك، الحب الحقيقي يبدأ من هنا. لو حابة تلاقِي خبراء يساعدوك بشكل أعمق، تفضلي هنا: https://www.fedni.net/experts وأكيد في فدني تقدر تلاقي أسئلة وأجوبة مشابهة ممكن تفيدك أكثر. أنا معاكِ دايماً، واسألي براحتك يا قمر! 🌸
تم النشر الأربعاء، ٣ سبتمبر ٢٠٢٥
السلام عليكم، أنا متفهمة رغبتك في المحافظة على بيتك وزوجك وإن شاء الله ربنا يوفقك. عندي بس نصيحة صغيرة أرجو إنك تعملي بها، قبل ما تقرري تغيري روتينك ونفسك عشان زوجك لازم يكون التغيير ده لنفسك أنتِ في المقام الأول، التغيير أصلا بيحتاج وقت وجهد فلازم أنتِ تكوني حابة تعملي ده لنفسك وتشوفي أثره عليكِ قبل ما يكون عشان حد تاني مهما كان الشخص ده عزيز عندك. فيه أزواج للأسف بيتعاملوا بسلبية مع محاولات زوجاتهم للتغيير وتحسين حياتهم وممكن هم أصلا يكونوا زهدوا في زوجاته والحياة معهم فلما الزوجة تحاول تنقذ الزواج وتغير من نفسها محاولاتها بتتقابل بالسخرية والانتقاص. والنتيجة إيه؟ بيصيبها الإحباط وبتفقد ثقتها بنفسها وبتتوقف تمامًا عن المحاولة. مش بقول إن زوجك ممكن يكون منهم لكن تحسبًا لازم التغيير يكون نابع من رغبتك أنتِ تكوني أفضل نسخة من نفسك عشان مهما كان رد فعل اللي حوالكِ محبِط أو ساخر فأنتِ هتفضلي مكملة لحد ما تحققي الصورة اللي عاوزة تشوفي نفسك فيها. *** وأصلا كل ما يكون تركيزك على نفسك ولك كيانك واهتماماتك الشخصية كل ما الطرف المقابل هيهتم بك وينتبه لوجودك، أما لو تركيزك كله عليه واهتمامك منصب طول الوقت على الحصول على انتباهه ورضاه عنه ده للأسف من تجارب ناس كتير بيجيب نتيجة عكسية للأسف. ** فيه قنوات كتير على يوتيوب إزاي تهتمي بنفسك وبيتك ممكن تتابعيهم وتطبقي نصائحهم وبإذن الله تساعدك على التغيير للأفضل ممكن أرشح لك مثلا: https://www.youtube.com/@OsloobModern https://www.youtube.com/@salmarashwan بالتوفيق.
تم النشر الأربعاء، ٣ سبتمبر ٢٠٢٥
اصحى قبل الفجر بنصف ساعة صلي ركعتين شفع وركعة وتر واستغفري عبال ما يأذن ولما يأذن الفجر صلي وسبحي للشروق ونصيحه اقعدي قدام شروق الشمس لانه المنظر بدي طاقة وحيوية وبعديها افطري فطورك وخليك محافظة على الصلاة وبرضوا خليك ريلاكس هادية وما بتتعصبيش واقرأي جزء او 5 صفحات يوميا من القرآن ده بحسن نفسيتك ونامي بدري علشان جسمك يرتاح
تم النشر الخميس، ٤ سبتمبر ٢٠٢٥
روحي الكوافير اعملي حاجه جديده لشعرك هاتي لبس جديد للبيت مثلا هيفرق ف نفسيتك الاول وبعد كدا هيحس بتغير البيت يكون مرتب وريحته حلوة وانتي تكوني نضيفه وريحتك حلوة اسأليه هو حابب ايه
تم النشر الأربعاء، ٣ سبتمبر ٢٠٢٥
انصحكم بسماع فضائل سورة البقرة والمواظبة عليها وستجدون تحول وتغير في حياتكم للأفضل بإذن الله بس اهم حاجة ميعديش اكثر من ٣ أيام إلا وتكونوا قرأتوها وياريت لو تسمعوها كتير وتحفظو كل يوم ولو آية منها. سبحان الله وبحمده سبحان الله العظيم
تم النشر الأربعاء، ٣ سبتمبر ٢٠٢٥
جربي الصدقة ولو بخمسة جنيه
تم النشر الخميس، ٤ سبتمبر ٢٠٢٥
لعرض السؤال في فدني اضغط هنا