ما علاج إدمان الإباحية؟

Question

السلام عليكم ورحمه الله وبركاته اولا كدا بعتذر عن الإطالة ثانيا انا مش عايزه اي نصائح عابره في الموضوع لاني سمعت كتير نصائح عايزه حاجه عمليه فعلا موضوعي هو عن الاباحيه هحكي الموضوع من الاول خالص البدايه كانت لما كنت في ابتدائي وبدأت اشوف فيديوهات وحشه على فون ماما كنت بشوف الفيديوهات دي بدافع الفضول مكنتش عارفه اي دا ولا أعرف أن دي اباحيه كنت لسه صغيره اصلا دخلت إعدادي بدأت العاده السريه بدأت اعملها وانا معرفش هو اي دا ولا أعرف أن دي حاجه اسمها عاده سريه اصلا الي هو عباره عن حركات وبحس بشعور وبفضل اكرر الحركات دي علشان احس بنفس الشعور يمكن على ٣ إعدادي كدا بدأت اعرف موضوع الاباحيه و العاده السريه وان دي حاجات حرام وفعلا بدأت ابطلها ٣ إعدادي دي السنه الي التزمت فيها الحمد لله واختمرت وبدأت حفظ قرآن والحمد لله كنت ملتزمه وقريبه من ربنا جدا بدأت فتره ثانوي وبدأت العاده السريه تزيد فتره عن التانيه كل فتره بنتكس وبرجع تاني التزم واقول اخر مره وارجع انتكس وهكذا في نفس الدوامه دي لحد ما وصلت ل ٣ ثانوي وكانت العاده هي النقطه السوده اللي في حياتي اقعد فتره ثابته ومعملهاش وفي ثانيه انتكس وارجع تاني والموضوع كان بيتطور مكنش مجرد عاده بس لا كمان المشاهد الاباحيه ادمنتها وصلت لمرحله اني بقيت بحس المشاهد الاباحيه دي بقت شيء عادي وشفت مشاهد مقرفه حرفيا كنت بتوب منها وبعيط واقول خلاص دي آخر مره وفعلا ببقا عايزه ابطل وللاسف برجع تاني مجرد ما بكون لوحدي بتبدأ الأفكار الجنسيه والشهوه تثار وببقى مش عارفه اسيطر على نفسي لحد ما وصلت حاليا اولى جامعه انتقلت من محافظه لمحافظه والحمدلله الفتره الاولى من الجامعه وبحكم اني ساكنه ف مكنتش حتى بفكر في العاده كانت حياتي كويسه وقولت انا خلاص كدا تعافيت منها لحد ما بدأت ارجعلها تاني والمره دي رجعت وانا مدمنه حرفيا حتى المشاهد مش عارفه أبطلها لما بيكون اصحابي موجودين حرفيا مش بتيجي في بالي بس مجرد ما اكون لوحدي يلاقي نفسي رجعت لنفس الدوامه رمضان دا كنت ناويه فعلا ابطل وسمعت اكتر من بودكاست عن التعافي وكنت ماشيه تمام لحد ما وقعت برضوا في نهار رمضان لحد الان مش مستوعبه اني عملت كدا في رمضان ومش مره لا دا اكتر من مره بالرغم اني كنت محافظه على التراويح كل ليله والصلاه في موعدها و ورد القران وحلقات دينيه والحمد لله بحاول ديما ارضي ربنا بس العاده مش عارفه أبطلها عد رمضان الوضع ازداد سوء لما رجعت السكن بحكم اني صحابي مشوا بقيت قاعده في غرفه لوحدي بقيت كل شويه افكر في موضوع الاباحيه وصلت بيا أن تقريبا بقت كل يوم الحمد لله صايمه ال ٦ ايام البيض وخلاص النهار بحاول الجم نفسي وابعد عن الأفكار دي يعني مثلا النهارده كنت صايمه وكل شويه الموضوع يجي في بالي لدرجة انا ويصلي الأفكار دي في دماغي مع العصر بعد ما صليت نفسي عماله تقولي قومي قولت لا وفضلت اجاهد نفسي قولت الاذكار وقرأت الورد حتى ورد الاستغفار والصلاه على النبي والحوقله قولته وكانت خلاص نفسي هديت والشهوه قلت مجرد ما المغرب إذن رجعت نفسي تاني صليت وفطرت وبحاول اعمل اي حاجه علشان نفسي متسيطرش عليا وبحاول اجاهد نفسي لحد ما نفسي غلبتني وللاسف وقعت فيها تاني انا بجد بجد تعبت بمعنى الكلمه مبقتش عارفه اعمل اي ولا اتخلص من الموضوع دا ازي وخصوصا المشاهد الاباحيه بحس نفسي اني مش في عقلي انا وبحضرها مجرد ما بفوق بستحقر نفسي جدا انا بقيت حاسه نفسي أن دماغي عفنت الفتره دي ولا عارفه احفظ قران ولا عارفه اركز حرفيا مش عارفه اعمل اي حضرت كتير عن ادمان الاباحيه وكل مره بقول دي آخر مره بس برجع تاني خايفه خايفه بجد اموت كدا خايفه ربنا يعاقبني ويبعدني عنه خايفه ربنا يبتلينى في زوجي بدعي أن ربنا يرزقني بزوج صالح بس بقول لنفسي ازي وانت على الحال دا بالرغم أن الحمد لله بحاول ديما اصلح من نفسي وحاطه جدول العباده وماشيه عليه الحمد لله والعادات اليوميه وباخد دورات وبتعلم مهارات وعندي مهارات كتير بس بسبب القرف دا بحس اني برضوا مهما عملت هفضل تحت الترم دا مقصره جدا في الكليه ومش عارفه اذاكر وبدأت اهمل في المحاضرات ومروحش سيبنا من كل دا انا مبقتش بحس بحلاوة الصلاه زي الاول ولا حلاوة تلاوة القرآن وخايفه ربنا يبتلينى في عبادتي خايفه اوي اموت كدا وانا مش عايزه اكون كدا عايزه حل جذري المشكله دي لاني تعبت حرفيا خصوصا اني مبقتش احس بالندم زي الاول الاول كنت بندم وبزعل دلوقتي لا مبقاش في ندم زي الاول اتمنى لو حد مختص يقولي اعمل اي

Accepted Answer

كملي محاوله ولو فشلتي مره واتنين ومليون حاولي تاني طول ما انتي عايشه واللي بيحاول ومصرّ مفيش حاجه هتوقفه وهيوصل للجنة بإذن الله، الشيطان مش هيسيبك بسهوله حتي لو استحملتي مره واتنين وعشره الشيطان ذات نفسه مبيأسش فتخيلي انتي مسلمه هتيأسي قصاده؟ لازم تغيري إسلوب حياتك قولتي انك مقصره في جامعتك وان اكتر الأوقات اللي بتجيلك فيها لما تكوني لوحدك وهو دا مدخل الشيطان ف كل اللي عليكي انك تفضلي مشغولة طول اليوم بمذاكره او شغل او تنضيف او طبخ بمعني أصح متسيبيش نفس في يومك وبرضو الشيطان هيدخلك من مدخل تاني فبالتالي انتي اللي لازم تجاهدي والمجاهده صعبه جدا مش حاجه سهله اعتبري نفسك صايمه وعطشانه هتروحي تشربي؟ اكيد هتستني للمغرب والمغرب دا هو الجنه مشي يومك كدا كأن طول اليوم دنيا ووقت المغرب دا الدنيا خلصت ودخلنا الجنه علشان صبرنا، ف انتي لازم يكون معاكي صبر علشان تقدري تجاهدي وتكملي وكملي في طاعاتك زي ما انتي وحاولي تصلي القيام وتدعي كتير اوي من قلبك ان ربنا يهديك ويعفو عنك، باين فيكي الخير اوي ف اوعي تستسلمي علشان ربنا قبل اي حد تاني وخدت بالي ان حد قالك فوق ان لازم يكون حد جمبك يشجعك ويلازمك هو تفكيرهم صح بس لو بعيد عن معصيه ك حياة عامة لكن لو فكرتي تحكي لحد عن حاجه زي كدا ف انتي بتجاهري بالمعصيه والنبيﷺ قال: كل أمتي معافي إلا المجاهرون فـ أوعي تقولي كدا لحد وحتي وان الحد دا ساعدك هيجي في يوم من الأيام يعايرك ولو حتي بنظره ف متحطيش نفسك في المكان دا وانا هحاول منساكيش في دعائي لعل وعسي ربنا يتقبل مني، ربنا يهديك ويوفقك لما يحبه الله ويرضاه 💗

Answer

السلام عليكم، أولا ربنا يعينك ويقويك ويساعدك على التعافي من الوباء ده إن شاء الله. بصي أهم حاجة إنك متوصليش لليأس من نفسك لأ ده فخ الشيطان عشان يجرك للاستمرار في الطريق المهلك بحجة إنك خلاص مفيش فائدة من محاولاتك وإن ربنا مش هيقبلك بعد كل ده ولا هيبارك لك في حياتك. مع النصائح اللي الأعضاء قالوها أو كل النصائح اللي تعرفيها من قبل والبودكاست اللي بتسمعيها حاليا واستمرارك في الصلاة والدعاء، أنصحك جدا تواظبي على قراءة سورة البقرة يوميا (حتى لو هتقسميها على ٣ أيام) هي تقريبا تاخد منك ساعة وتلت أو ساعة ونص لو هتقرأيها كاملة كل يوم بس واظبي حتى لو حسيتِ بتعب أو الموضوع تقيل عليك، وكمان واظبي على الرقية الشرعية... خصصي وقت اسمعيها كل يوم ولو تعرفي حد ممكن يرقيك هيكون كويس برضه أو انت ارقي نفسك بنفسك إلى جانب سماعك للرقية وقراءة سورة البقرة بنية الشفاء بإذن الله وخرجي صدقات بنية الشفاء كمان، وتذكري دائما وأيقني إن الله هو الشافي وكل دي أسباب للشفاء إن شاء الله. ممكن دي انتكاسة صعبة بس خليكِ واثقة في ربنا ولا تيأسي في رحمته ولا في جهاد نفسك. وربنا معك.

Answer

السلام عليكم ورحمه الله وبركاته.دا موضوع منتشر جدا بسبب سهوله الوصول ليه بس احنا مش علينا غير نحاول يا نكسب يا نموت وحنا بنجاهد وي الي احنا بنعمله حتي لو بنخسر كبير(..المسلمُ من سلِمَ المسلمونَ من لسانِه ويدِهِ والمؤمنُ من أمنَهُ النَّاسُ على دمائِهم وأموالِهم والمجاهدُ من جاهدَ نفسَهُ في طاعةِ اللَّهِ والمهاجرُ من هجرَ الخطايا والذُّنوبَ) وموضوع انك عارفه نصايح كتير بس وقت الشهوه تنسي دا عادي هو العقل بقا كدا . المهم دلوقتي نشوف خطة وبرنامج بجانب البرنامج الديني الي ماشيه عليه ودا حاجه كويسه جدا لازم برنامج تعافي لان الدمان مرض مش مجرد انسان سئ ،حاولي تتعلمي عن التعافي في سلسله مهمه اسمها فهم التعافي لعماد رشاد مفيده جدا الفيديو من تلت لنص ساعه بس هيعلمك برناج وخطوات تمشي عليها +دكتور محمد عبد الجواد وفي تطبيقين حلوين اوي تطبيق واعي ولاكن دا اغلب ميزاته بفلوس وتطبيق تحدي التعافي دا تطبيق حلو اول ما تدخلي لازم تحددي بنت ويدخللك علي منتدي بنات بس بيعانو نفس المشكله +عليكي بقا بقا الخطوات الي هتسمعيها في برنامج التعافي وتطبيقها حاليا هقوللك اهم الخطوات الي فاكرها زي . 1 الادمان بيحب الراوبط جدا بمعني حاجه اول ما بنعملها لا تلقائيا بتعمل محفز تخليكي مثاره الرابط ممكن يكون الظلمه اول ما تكوني فظلمه يجللك شهوه ممكن الرابط يبقا اوضه معينه،خروجة بعديها بتضربي الخ حاولي تكتشفي روابطك وتلغيها او تقليليها 2 المدمن مريض وليس فاسد كتير من المجتمع اذا مكنش المدمن نفسه بيعامل نفسه انة عار دا بيخلي يدخل في متاهه وهي عار =خزي=دونية=انك تضربي عشان تسكني الالم فا خلي باللك من النقطه دي واول ما تصحي قولي جمل بصوت مسموع زي انا متعافي ،انا مش عار وحتي بعد الانتكاسه اختاري كام جمله حلوه وقوليهم لنفسك. 3 الانكار والتسليم .المدمن سعات بيجي ليه كلام ودا بيكون صوت الادمان يقولو احنا جامدين احنا يعم عادي مش مدمنين اصلا احنا بنعرف نتحكم الخ الكلام دا بيخلي المدمن يتغر ويروح يرمي نفسه في المحفزات ويقول (لا المره دي هقاوم واكسب)ونفس الدوامه تتكرر الحل انك لما ادمانك يجيلك بصوته دا اوقفي قصاده وقولي انا عاجزه ومش هقاوم (مترميش نفسك في طينه وتحاولي تنضفي نفسك) بصي النقطه دي صعبه الفهم اسمعيها من عماد احسن في فيديو انا اول ما سمعتها برضو جالي ايرور بعد كدا فهمت .ونا حاليا فخور اني عاجز لان فخري بي عجزي بيخليني ابعد عن اي محفز حتي لو صغير وفي الاخر انا الكسبان . 4 الثغرات .لما تبداي في التعافي بطريقه صح هتوقعي مره وممكن تاني ودا بسبب الثغرات سعات الادمان بيدخل من حتت غريبه واول مره نكتشفها عليكي انك اول ما تكتشفي ثغره تقفليها الموضوع زي في وحش بيحوم حولين بيتك دخل من الباب حطي سور نط من فوق السور حطي شوك نزل من السماء اعملي سقف مره مع مره تقفلي كل ثغراتك وهتلضم معاكي باذن الله+ حاولي تبعدي عن الريلز والسوشيال 5 خلي باللك من صوت ادمانك ادمانك بيجي بكذا صوت صوت يعمل في اننا تمام ولما هنضرب دي هنتعافي بعد كدا واننا شاطرين دا بيجي وقت اللهفه،الشهوه وصوت تاني هيجيللك بعد الضرب يقوللك احنا فاشلين انا عارف اننا مش هنطلع واصوات كتير الخ عماد هيعرفك ازاي تتعاملي مع الاصوات دي لانها خطوه مهمه 6.حلو كتاب ممتلي بي الفراغ .اخيرا اسف علي الاطاله بس لازم تتثقفي عن التعافي وتاخدي برنامج ليكي الادمان زي اللغز مش عيب اننا نحاول بس هتبقي وحشه لو بنحاول بي الطريقه الغلط .اخيرا ربنا معاكي ويقويكي .اسف علي الاطاله

ما علاج إدمان الإباحية؟

نفسية

إدمان

العادة السرية

سؤال من احد أعضاء فدني

تم النشر السبت، ٤ أبريل ٢٠٢٦

6 إجابة

20 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك