السلام عليكم ورحمه الله
انا متجوزه ومخلفه واد وبنت في تربيتهم عندي وسواس رهيب اجي اديلهم العلاج حاجه تكلمني في عقلي تقولي انتي متديش العلاج او اديتي جرعه زياده وانا بصدق دماغي ومش بكون عارفه اعمل اي اديلو علاج وممكن يكون اخدو ولا مدهوش وهو لسا مخدهوش
+لو سبتهم عند امي بفضل خايفه ونفس حاجه تقولي في عقلي تلاقي ابنك بلع فلوس او برشام من عند امك وبفضل قلقانه ومش بسيبهم لوحدهم يلعبو مع قرايبهم لازم يبقو جنبي عشان ميضروش ،
الناس الي حواليا بيقولو اني اوڤر اوي وطريقتي دي هتطلع العيال بطريقه غلط و اي طفل في العيله امهم عادي سايباهم براحتهم خالص وهما بكل خير اللهم بارك ربنا يحفظهم بس انا بخاف اوي اسيبهم لوحدهم
الحرص مش خطأ لكن طالما بتوثقى بالناس اللى أطفالك عندهن . إذن توكلى على الله . و ابدئي خطوة خطوة مع حالك فى بناء الثقة و تقليل الخوف. فكترة أى اشى غالبا مرضية . و غالبا لسه قدامك الفرصة تتغيرى قبل ما تترسخ العادة و كرمال تبني أولاد وثقانين بحالهن و عندهن شخصية. و بس هاد رأيى و بحتمل الخطأ.
تم النشر الاثنين، ٤ مايو ٢٠٢٦
الحل أنك ما تمشيش وراء تفكيرك خالص، وما تحاوليش تناقشيه وتتحاوري معاه، اقطعيه بس عشان ما يزدش عن كدا، وخليك عارفة أن ربنا موجود وأطفالك مش هيحصلهم حاجة إلا بإذن الله مش بإذن حضرتك، فالله خير حافظًا وهو أرحم الراحمين، وربنا أرحم بيهم منك، فاطمني أن كل شيء بيد الله -وهو أرحم الراحمين- مش بيدك.
تم النشر الاثنين، ٤ مايو ٢٠٢٦
وعليكم السلام ورحمه الله وبركاته.. يا ست الكل بصي من الآخر اللي عندك ده وسواس قهري وتعب أعصاب مش مجرد خوف عادي ومحتاجة دكتور نفسي شاطر ضروري عشان ترتاحي من الدوشة اللي في دماغك دي لأنك كدة بتظلمي نفسك وبتطلعي العيال مهزوزين وخايفين من الخيال فالحقي نفسك عشانهم وعشان صحتك وبالهداوة كدة حاولي تسيبيهم يتدلعوا شوية وتدربي قلبك يسيبهم في حالهم تدريجي وادعي ربنا يطمن قلبك بس السعي عند دكتور هو أول خطوة صح عشان تخلصي من الكابوس ده وتعيشي حياتك طبيعي مع ولادك ... وحتت العلاج دي ممكن تكتبي في ورقه أو كشكول تتاكدي منه .. وجد والله ربنا يحفظك ويسعدك 🌷
تم النشر الأحد، ٣ مايو ٢٠٢٦
وعليكم السلام ورحمة الله وبركاته يا ذكية قلبك 💕 أولاً، أشكرك إنك شاركتيني مخاوفك دي، وأنا فاهمة تماماً إحساسك ده.. الأمومة حلوة بس مليانة قلق، خاصة لما الوساوس دي تيجي زي الشبح وتخليكِ تشكي في نفسك. ربنا يحفظ أولادك ويبارك فيهم يا رب، ويطمن قلبك. الوساوس دي (الوسواس القهري) شائعة عند كتير من الأمهات، وهي مش ضعف منك، بس لازم نتعامل معاها عملياً عشان متسيطرش عليكِ: للعلاجات الدوائية: اعملي جدول بسيط على الموبايل (زي تطبيق "Medisafe" أو ورقة يومية): اكتبي الجرعة، الوقت، والتاريخ. صوري الدواء قبل وبعد الإعطاء، ولو شكيتِ، راجعي الجدول أو اتصلي بالدكتور فوراً. كده هتثبتي لنفسك إنكِ عملتِ الصح، ومتصدقيش "الصوت" ده خالص – قولي ليه "أعوذ بالله من الشيطان الرجيم" وتابعي. لترك الأولاد: ابدئي تدريجي: سيبيهم 10 دقايق عند أمك أو مع قرايبهم، وراقبي من بعيد. زدي الوقت يومياً. ربنا قال "وَمَنْ يَتَّقِ اللَّهَ يَجْعَلْ لَهُ مَخْرَجًا" – توكلي عليه، وادعي "يا رب احفظهم بعينك التي لا تنام". الناس اللي بيقولوا "أوفر" مش غلطانين، بس طريقتهم مش طريقتك، وده عادي. أنتِ بتحميهم بطريقتك، بس الثقة بالله هتخفف القلق. خطوات سريعة للتركيز والوساوس: ابدئي يومك بدعاء الصباح والاستغفار (100 مرة يومياً، هيساعد ينظف القلب). قسمي اليوم لمهام صغيرة: 25 دقيقة تركيز + 5 دقايق راحة (تقنية بومودورو). لو استمرت، روحي لدكتور نفسي متخصص في الوساوس (هيساعدكِ بأدوات علمية). ابحثي في فدني عن أسئلة مشابهة هتلاقي إجابات كتيرة من خبراء، أو شوفي صفحة الخبراء هنا: https://www.fedni.net/experts – فيه متخصصين نفسيين ومدربين حياة هيساعدوكِ شخصياً. أنتِ أم رائعة، وربنا هييسر أمرك ويملأ قلبك اطمئنان. قوليلي إيه رأيك في الجدول ده؟ ربنا يفرحك بأولادك يا رب 🌸
تم النشر الأحد، ٣ مايو ٢٠٢٦
الخوف الزيادة والتحكم بيخلي العيال بيعملوا كل حاجه من وراكي انتي بتضريهيم الافضل تركهم يلعبو ويعملوا كل حاجه وانتي بالمتابعة مش الاوفر اووي
تم النشر الثلاثاء، ٥ مايو ٢٠٢٦
لعرض السؤال في فدني اضغط هنا