أنا في ثانويه عامه ومن وقتها كل حاجه اتلخبطت، راكمت دروس كتير ومش عارفه ألحق لا اللي فات ولا المدرسين، وعندي طاقه سلبيه كبيره جدًا، مشاعري بقت ملغبطه وبعيط من أقل كلمه مع إني طول عمري كنت هاديه،
بقيت أعيط وأضحك في نفس الوقت ومش فاهمه نفسي، والمشكله إني علمي علوم وهدفي كبير ونفسي أحققه بس حاسه إني بعك ومش ماشيه صح ولو فضلت بالطريقه دي مش هحقق اي حاجه.. ممكن تقولولي أعمل إيه أو أبدأ منين؟"
الصلاه حرفيا ليها فوايد كتييير خفيها من ضمنها بتظبط هرمونات الجسم طبعا الصلاه بخشوع واعملي اللي عليكي وبس متفكريش في اي حاجه تانيه وركزي علي نفسك فقط بمعنى تقارني نفسك بنفسك بس وطول ما في تقدم وتحسن ولو بسيط واهم حاجه الاستمرار
تم النشر الخميس، ٩ أكتوبر ٢٠٢٥
كلنا كده بس انتي محتاجة تركزي مع نفسك وتسيبي التشتتات وتشوفي من بداية اليوم هتذاكري اي وتحدديه اكتبي اللي عايزة تخلصيه اكتبي حاجة عايزة تحلصيها ولما تلاقي نفسك خلصتيها حطي حاجة تاني تعمليها بس الاهم انك متمسكيش الفون ذاكري بطريقة البومودورو وركزي مع نفسك متركزيش مع الوقت ركزي ف الدرس اللي بتذاكريه
تم النشر السبت، ١١ أكتوبر ٢٠٢٥
أبدأي دلوقتي انتي لسه ف الاول وامشي مع المدرسين شوفي انتي وراكي بكرا إيه وذاكري وأول ما تنتظمي ف المذاكرة الحالية شوفي مثلا انتي عندك كام يوم فاضي واعملي جدول وحاول بقدر الإمكان إنك تمشي عليه عشان تلمي المتراكم بس اهم حاجة مفيش يوم يعدي عليكي من غير مذاكره وع فكرا احسن وقت تذاكري فيه بعد صلاة الفجر لحد ما تروحي الدروس ولو عايزه تذاكري قبل ما تنامي شويه عادي ومع الوقت هتلاقي نفسك اتعودتي انك تذاكري ومتحطيش اي حاجة ف نفسيتك هيا سنه عاديه محتاجة بس مذاكرة وشويه مجهود وربنا معانا كلنا 🥰❤️❤️
تم النشر الأربعاء، ٨ أكتوبر ٢٠٢٥
مرحبًا يا شهد، أشعر تمامًا بما تمرين به، خاصة في مرحلة الثانوية العامة التي تحمل ضغوطًا كبيرة وتغييرات كبيرة في نمط الحياة والدراسة. أول شيء أحب أقولك، إن مشاعرك هذه طبيعية جدًا في ظروف زي دي، ومش معناه إنك ضعيفة أو غير قادرة، بالعكس هذا دليل على إنك مهتمة وراغبة في النجاح. خليني أساعدك خطوة خطوة لتنظيم دراستك وتجاوز الطاقة السلبية اللي بتحسي بيها: تنظيم الوقت: ابدأي بجدول زمني يومي وأسبوعي. حددي وقت لكل مادة بناءً على أهميتها ومستوى صعوبتها عندك. خلي وقت للمراجعة اليومية حتى لو 15-20 دقيقة، دا بيساعدك تلحقي اللي فات. تقسيم المواد والدروس: مش لازم تذاكري كل حاجة في يوم واحد، قسمي المواد على أيام مختلفة وعلى فترات زمنية قصيرة (30-45 دقيقة). ركزي في كل حصة على نقطة أو موضوع معين مش كل المادة مرة واحدة. التعامل مع الدروس المتراكمة: اختاري أولويات، ابدئي بالمواضيع اللي هتجيلك في امتحانات الفترة الجاية. اعملي ملخصات صغيرة أو خرائط ذهنية تساعدك تسترجعي المعلومات بسهولة. إدارة المشاعر والطاقة السلبية: لما تحسي بالتوتر أو البكاء، خدي نفس عميق (مسموح بشكل بسيط) واذهبي لمكان هادي لمدة 5 دقائق. فكري دائمًا في هدفك الكبير، وكرري لنفسك إن هذه الفترة مؤقتة وإنك قوية وقدها. طلب الدعم: ممكن تراجعي مدرس أو خبير يساعدك في وضع خطة مناسبة لك. حافظي على توازن صحي: احرصي على قسط كافي من النوم. خدي استراحات قصيرة بين المذاكرة لتنشيط ذاكرتك. وأخيرًا، تذكري أن الاستمرارية الصغيرة أفضل من المجهود الكبير اللي ممكن يحبطك. كل يوم حاولي تعملي حاجة واحدة تركزي فيها، حتى لو بسيطة، وهتلاقي نفسك بتتحسن تدريجيًا. لو حبيتي، ممكن تدوري على أسئلة مماثلة على موقع فدني أو تستشيري خبراء متخصصين من خلال صفحة الخبراء. وأنا دايمًا هنا لو احتجتي أي مساعدة أو تحبي تتكلمي عن شعورك. ثقي في نفسك والله معك، وأنت قادرة بإذن الله تحققي كل اللي نفسك فيه! 🌸 هل في نقطة معينة تحسي إنها الأصعب بالنسبة لك عشان نبدأ منها؟
تم النشر الثلاثاء، ٧ أكتوبر ٢٠٢٥
متشليش هم الكم كله، قسمي المشكلة لقمة صغيرة تتبلع." "ابدأي دلوقتي حالا بـ 10 دقايق بس من أصعب جزء، والمود بتاعك هيتغير لوحده." أنتِ قوية وهتقدري تظبطي الدنيا، المهم تاخدي أول خطوة وتتوكلي على الله.
تم النشر الأربعاء، ٨ أكتوبر ٢٠٢٥
مفتاح اللحاق بالمتراكم هو التقسيم، متفكريش في الكم كله مرة واحدة: ابني سور الصين العظيم: شوفي أكتر مادة أو جزء انتي متأخرة فيه ومضايقك. قسميه لأجزاء صغيرة جداً. بدل ما تقولي "هذاكر باب فيزيا"، قولي: "هخلص صفحتين فيزيا في ربع ساعة." قاعدة الـ 10 دقايق (أو الـ 15 دقيقة): دي سحر. قولي لنفسك "هذاكر 10 دقايق بس الجزء ده، لو مبقتش قادرة خلاص هقوم". في الأغلب، بعد ما بتبدأي بـ 10 دقايق بتلاقي نفسك كملتي 45 دقيقة! البداية هي أصعب خطوة. خططي يومك بس: متخططيش للأسبوع أو الشهر دلوقتي. خططي بس لـ بُكرة. اكتبي 3 حاجات بس لازم تخلصيهم بكرة. خلصتيهم؟ يبقى انتي نجحتي. نظام المكافآت: بعد ما تخلصي مهمة صعبة، كافئي نفسك بحاجة صغيرة. (كوباية شاي حلوة، شيكولاتة صغيرة، 15 دقيقة سوشيال ميديا). المكافأة بتدي مخك دافع يشتغل أكتر. المذاكرة أول حاجة في اليوم: لو قدرتي تخلصي أصعب جزء الصبح بدري، هتحسي بإنجاز وطاقة إيجابية تكملي بيها اليوم كله.
تم النشر الأربعاء، ٨ أكتوبر ٢٠٢٥
الطاقة السلبية دي لازم تطلع ومتحبسيهاش: اكتبي مشاعرك: هاتي ورقة وقلم واكتبي كل حاجة مضايقاكي من غير ترتيب (الخوف من الامتحانات، الإحباط، اللوم). مجرد الكتابة بتخفف كتير. وبعدين قطعي الورقة دي أو ارميها. الحركة بركة: الطاقة السلبية محتاجة تتحول لحركة. نطي في مكانك 5 دقايق، رقصي على أغنية بتحبيها، اتمططي. الحركة بتفرغ الشحنة السلبية دي وبتنشط الدورة الدموية والمخ. النوم والأكل: متسهريش قوي ولا تضيعي وجباتك. الجسم اللي مش مرتاح ومش متغذي مش هيقدر يركز أو يقاوم الطاقة السلبية.
تم النشر الأربعاء، ٨ أكتوبر ٢٠٢٥
الأولويات هنا إنك تهدي نفسك عشان تقدري تفكري صح وتشتغلي: بطلي جلد الذات: أهم خطوة. متلوميش نفسك على اللي فات، ده وقت إنك تبصي لقدام. كل دقيقة بتلومي فيها نفسك هي دقيقة ضايعة من المذاكرة. قولي لنفسك: "أوكي، اللي فات فات، دلوقتي أبدأ صح". هرمون السعادة الصغير: حاولي تعملي حاجة بسيطة تغير المود بسرعة. دي ممكن تكون صلاة، تسمعي أغنية بتحبيها قوي، تمشي شوية في البلكونة أو الشارع، تاكلي حاجة بتحبيها. حاجة تعمل "Reset" لمخك. ابعدي عن الحاجات السلبية: لو فيه ناس أو صفحات أو كلام بيحسسك إنك فاشلة، ابعدي عنهم مؤقتاً. ركزي بس على إنك تكوني كويسة. نظفي مكانك: رتبي مكتبك وأوضتك شوية. المكان النظيف والمنظم بيخلي النفسية أحسن وبيساعد على التركيز
تم النشر الأربعاء، ٨ أكتوبر ٢٠٢٥
قربي من ربنا والتزمي بدروسك يعني مثلا ذاكري بعد كل درس وحاولي كل اسبوع تذاكري المتراكم المهم متركزيش ع المتراكم وتسيبي اللي بيتشرح ليكي كل يوم دا مهم عشان متفضليش في دوامة المراكمة واهم حاجة تذاكري نحو اي حاجه تانية في العربي ممكن تراكميها شوية لحساب انك تلمي مثلا كيميا وفيزيا وجرامر ونصيحة متضيعيش وقت في قصة طه حسين يعني متفتحيش القصة الا لما تخلصي كل التراكمات ان شاء الله
تم النشر الخميس، ٩ أكتوبر ٢٠٢٥
تنظيم الوقت مهم جدا وتنظميها علي اساس دروسك
تم النشر الجمعة، ١٠ أكتوبر ٢٠٢٥
لعرض السؤال في فدني اضغط هنا